ଦୋହା, ୧୬/୦୨: ଚେକ୍ ଗଣରାଜ୍ୟ ଖେଳାଳି କାରୋଲିନା ମୁଚୋଭା ଡବ୍ଲ୍ୟୁଟିଏ କତାର ଓପନ ଚାମ୍ପିଅନ୍ ହୋଇଛନ୍ତି । ମହିଳା ବର୍ଗ ଫାଇନାଲ୍ରେ ସେ ସିଧାସଳଖ ୬-୪, ୭-୫ ସେଟ୍ରେ କାନାଡ଼ାର ଭିକ୍ଟୋରିଆ ଏମ୍ବୋକୋଙ୍କୁ ପରାସ୍ତ କରିଥିଲେ । ଏଥିସହ ମୁଚୋଭା କ୍ୟାରିୟରରେ ପ୍ରଥମ ଡବ୍ଲ୍ୟୁଟିଏ ୧୦୦୦ ଟାଇଟଲ୍ ଜିତିବାରେ ସଫଳ ହୋଇଛନ୍ତି । ପୂର୍ବରୁ ସେ ୨୦୧୯ରେ କୋରିଆ ଓପନ ଚାମ୍ପିଅନ୍ ହୋଇଥିଲେ । କତାର ଓପନ ଟାଇଟଲ୍ ଜିତିବା ସହ ମୁଚୋଭା ଡବ୍ଲ୍ୟୁଟିଏ ମାନ୍ୟତା ତାଲିକାରେ ୧୧ତମ ସ୍ଥାନ ନିଶ୍ଚିତ କରିଛନ୍ତି ।
ଆହୁରି ପଢ଼ନ୍ତୁ :- ଉସ୍ମାନଙ୍କ ଯେଉଁ 'ମିଷ୍ଟ୍ରି' ଉପରେ ଡେଉଁଥିଲା ପାକିସ୍ତାନ, ସୂର୍ଯ୍ୟଙ୍କର ଏହି ମାଷ୍ଟରଷ୍ଟୋକ୍ କରିଦେଲା ଫ୍ୟୁଜ୍
ମ୍ୟାଚ୍ ପରେ, କାତାର ଟେନିସ୍, ସ୍କ୍ୱାସ୍, ପାଡେଲ୍ ଏବଂ ବ୍ୟାଡମିଣ୍ଟନ୍ ଫେଡେରେସନର ସଭାପତି ମହାମହିମ ନାସେର ବିନ୍ ଘାନେମ୍ ଅଲ୍ ଖେଲାଇଫି, ଟୁର୍ଣ୍ଣାମେଣ୍ଟ ନିର୍ଦ୍ଦେଶକ ସାଦ ଅଲ୍ ମୋହନାଦି ଏବଂ ଫିଫାର ସଭାପତି ଜିଆନି ଇନଫାଣ୍ଟିନୋଙ୍କ ସହିତ ମୁଚୋଭାଙ୍କୁ ଗୋଲ୍ଡେନ ଫାଲକନ୍ ଟ୍ରଫି ପ୍ରଦାନ କରିଥିଲେ, ଯେତେବେଳେ ଏମ୍ବୋକୋ ରନର୍ସ-ଅପ୍ ପୁରସ୍କାର ପାଇଥିଲେ।
