ମୁମ୍ବାଇ,୧୭/୫ : ସୂର୍ୟ୍ୟଙ୍କ ଫିଲ୍ମ ‘କରୁପ୍ପୁ’ ରିଲିଜ୍ ହେବା ପରଠାରୁ ଧମାଲ୍ କରୁଛି । ଦର୍ଶକଙ୍କୁ ଏହା ବହୁ ପସନ୍ଦ ଆସୁଛି । ଯଦିଓ ଫିଲ୍ମଟି ହିନ୍ଦୀରେ ରିଲିଜ୍ ହୋଇନାହିଁ ମାତ୍ର ଏହା ତାମିଲ ଏବଂ ତେଲୁଗୁରେ ଦମଦାର୍ କଲେକ୍ସନ କରୁଛି । ଖାଲି ଏତିକି ନୁହେଁ, ଏହାକୁ ଗୋଟିଏ ଦିନ ବିଳମ୍ବରେ ରିଲିଜ୍ କରାଯାଇଥିଲା । ତା’ପରେ ବି ଫ୍ୟାନ୍ସମାନଙ୍କଠାରୁ ବହୁ ଭଲପାଇବା ମିଳିଛି। ରବିବାର ଏହାର ଭାରତରେ ନେଟ୍ କଲେକ୍ସନ ୫୦କୋଟି ପାର୍ କରିଛି । ଆସନ୍ତୁ ନଜର ପକାଇବା ଏହାର ମୋଟ୍ କଲେକ୍ସନ ଉପରେ ।
ସୂର୍ୟ୍ୟଙ୍କ ଫିଲ୍ମ ‘କରୁପ୍ପୁ’କୁ ଓ୍ବିକେଣ୍ଡର ଲାଭ ମିଳୁଥିବା ଦେଖାଯାଉଛି । ଅଭିନେତାଙ୍କ ଫିଲ୍ମ ରବିବାର ବମ୍ପର କଲେକ୍ସନ କରିଛି । ଯାହାପରେ ଏହାର ମୋଟ୍ କଲେକ୍ସନ ୫୦କୋଟି ପାଖାପାଖି ପହଞ୍ଚିଛି । ଯାହାକି ଏବେ ଫିଲ୍ମର କେତେକ ଶୋ ଆହୁରି ରହିଛି । ସାକନିଲ୍କ ଅନୁସାରେ, ଫିଲ୍ମ ରବିବାର ପ୍ରାୟ ୬୮କୋଟି(ଇଣ୍ଡିଆ ନେଟ୍ କଲେକ୍ସନ) କରି ସାରିଛି । ଏଥିରେ ତାମିଲରେ ୫୭.୭୦କୋଟି ଏବଂ ତେଲୁଗୁରେ ୧୦.୩୦କୋଟିର କଲେକ୍ସନ କରି ସାରିଛି । ‘କରୁପ୍ପୁ’ କେବଳ ରବିବାର ନୁହେଁ ବରଂ ଆରମ୍ଭ ଦୁଇ ଦିନରେ ମଧ୍ୟ ଜବରଦସ୍ତ କଲେକ୍ସନ କରିଥିଲା। ଏହାର ଆୟ କ୍ରମାଗତ ଭାବରେ ବୃଦ୍ଧି ପାଉଛି। ସାକନିଲ୍କ ଅନୁସାରେ, ଫିଲ୍ମଟି ୧୫.୫୦କୋଟି ସହ ଓପନିଂ ହୋଇଥିଲା । ଦ୍ବିତୀୟ ଦିନ ଶନିବାର ଏହାର କଲେକ୍ସନ ବଢିଥିଲା ଏବଂ ୨୪.୧୫କୋଟିର ବିଜନେସ କରିଥିଲା ।
ଏହା ସହିତ, ସୂର୍ୟ୍ୟଙ୍କ ଏହି ଫିଲ୍ମ ‘କରୁପ୍ପୁ’ର ଓ୍ବାର୍ଲ୍ଡଓ୍ବାଇଡ୍ କଲେକ୍ସନ ବିଷୟରେ କହିବା ତ ରିପୋର୍ଟ ଅନୁସାରେ, ଏହି ଫିଲ୍ମଟି ବିଶ୍ୱବ୍ୟାପୀ ସଫଳତା ପାଇଛି ଏବଂ ଏହା ୭୩.୯୧କୋଟିର କଲେକ୍ସନ କରିଛି । କୁହାଯାଉଛି କି ରବିବାର କଲେକ୍ସନ ପରେ ୧୦୦କୋଟି କ୍ଲବରେ ଏହା ଏଣ୍ଟ୍ରି ମାରିପାରେ । ସୂଚନା ଅନୁସାରେ, ‘କରୁପ୍ପୁ’ କଥା ଯଦି ଆମେ କହିବା ତେବେ ଏହା ଏକ ତାମିଲ ଆକ୍ସନ ଡ୍ରାମା ଫିଲ୍ମ ଅଟେ । ଯେଉଁଥିରେ ଏକ ଦୁର୍ନୀତିଗ୍ରସ୍ତ ବ୍ୟବସ୍ଥା ଏବଂ ଜଣେ ସଚ୍ଚୋଟ ପୋଲିସ ଅଧିକାରୀଙ୍କ କାହାଣୀ ଦେଖିବାକୁ ମିଳୁଛି । ସୂର୍ୟ୍ୟ ମୁଖ୍ୟ ଭୂମିକାରେ ଥିବାବେଳେ ଅଭିନେତ୍ରୀ ତ୍ରିଶା କୃଷ୍ଣନ ତାଙ୍କ ଅପୋଜିଟରେ ଅଛନ୍ତି।
