ନୂଆଦିଲ୍ଲୀ, ୧୨/୨ : ଆଇପିଏଲ ପୂର୍ବରୁ ବିବାଦରେ ଫସିଲେ ସନରାଇଜର୍ସ ହାଇଦ୍ରାବାଦର ମାଲିକାଣୀ କାବ୍ୟା । ସୋସିଆଲ ମିଡିଆରେ ହେଉଛନ୍ତି ଟ୍ରୋଲ । ଏମିତିକି ଏସଆରଏଚ ଟିମକୁ ବୟକଟ କରିବାକୁ ମଧ୍ୟ ଦାବି ଉଠାଉଛନ୍ତି ୟୁଜର୍ସ । ତେବେ ଏହା ଫଛରେ ରହିଛନ୍ତି ପାକିସ୍ତାନୀ କ୍ରିକେଟର । ଦି ହଣ୍ଡେ୍ରଡ ପାଇଁ ପାକିସ୍ତାନୀ କ୍ରିକେଟର ଅବରାର ଅହମ୍ମଦଙ୍କୁ କିଣିଛନ୍ତି କାବ୍ୟା । ନିଜ ଟିମରେ ସେ ସାମିଲ କରିବା ପରେ ଏବେ ଭାରତରେ ତାଙ୍କୁ ବିରୋଧ କରାଯାଉଛି । ଲଣ୍ଡନରେ ଚାଳିଥିବା ନିଲାମୀରେ ସେ ତାଙ୍କୁ ଦଳରେ ସାମିଲ କରିଛନ୍ତି ।

କାବ୍ୟା ୨ କୋଟି ୩୪ ଲକ୍ଷରୁ ଅଧିକ ଟଙ୍କାରେ ପାକିସ୍ତାନୀ ସ୍ପିନରଙ୍କୁ ସନରାଇଜର୍ସ ଲିଡ୍ସରେ ସାମିଲ କରିଛନ୍ତି । ମୁମ୍ବାଇ ଆକ୍ରମଣ ପରଠାରୁ ଆଇପିଏଲରେ ପାକିସ୍ତାନୀ କ୍ରିକେଟରଙ୍କୁ ଖେଳିବାର ସୁଯୋଗ ମିଳିନାହିଁ । ଏପରିକି ଉଭୟ ଦେଶ ମଧ୍ୟରେ ଦ୍ବିପାକ୍ଷିକ ସିରିଜ ମଧ୍ୟ ଖେଳାଯାଉନାହିଁ । କିନ୍ତୁ ଏପରିକି ସମୟରେ କାବ୍ୟା ଅବରାରଙ୍କୁ ନିଜ ଦଳରେ ସାମିଲ କରିବା ପରେ ତାଙ୍କୁ ଟ୍ରୋଲ କରାଯାଉଛି । ଏହାସହ ଅବରାରଙ୍କୁ ଦଳରୁ ରିଲିଜ୍ କରନ୍ତୁ ନହେଲେ ଆଇପିଏଲରେ ହାଇଦ୍ରାବାଦକୁ ସମର୍ଥନ ଜଣାଇବେ ନାହିଁ ବୋଲି ମଧ୍ୟ ଫ୍ୟାନ୍ସମାନେ ଦାବି କରିଛନ୍ତି । କାରଣ ପୂର୍ବରୁ ଭାରତୀୟ ଓ୍ବିଙ୍ଗ କମାଣ୍ଡର ଅଭିନନ୍ଦନଙ୍କୁ ପରିହାସ କରିଥିଲେ ଅବରାର । ଏହାସହ ଭାରତ ମ୍ୟାଚ ସମୟରେ ସେ ଖେଳାଳିଙ୍କୁ ମଧ୍ୟ ସମାଲୋଚନା କରିଥାନ୍ତି । ଏଣୁ ତାଙ୍କୁ ଦଳରେ ସୁଯୋଗ ଦେବା ପରେ ଫ୍ୟାନ୍ସଙ୍କ ସମାଲୋଚନାର ଶିକାର ହୋଇଛନ୍ତି ।

କେତେ ଟଙ୍କାର ମାଲିକାଣୀ କାବ୍ୟା ?

କାବ୍ୟା ସନରାଇଜର୍ସ ହାଇଦ୍ରାବାଦ ଆଇପିଏଲ ଟିମର ମାଲିକାଣୀ ହେବା ସହ ସନ୍ ଗ୍ରୁପର ମାଲିକ କଳାନିଧିଙ୍କ ଝିଅ । କାବ୍ୟାଙ୍କ ନିଜସ୍ବ ନେଟଓ୍ବର୍ଥ ୪୦୦ କୋଟିରୁ ଅଧିକ । ଏହାସହ ତାଙ୍କ ବାପାଙ୍କ ସମୁଦାୟ ସମ୍ପତ୍ତି ୨୫ ହଜାର କୋଟିରୁ ଅଧିକ । ତାଙ୍କ ବାପାଙ୍କ ଦରମା ୯୦ କୋଟିରୁ ଅଧିକ । ଏହାସହ କାବ୍ୟାଙ୍କ ଦରମା ୧ କୋଟି ଟଙ୍କା । ଏହାସହ ସେ ଚେନ୍ନାଇରେ ରହୁଥିବା ଘରର ମୂଲ୍ୟ ୧୦୦ କୋଟିରୁ ଅଧିକ ଟଙ୍କା ହେବ । କେବଳ ଏତିକି ନୁହେଁ ଅନେକ ବିଳାସପୂର୍ଣ୍ଣ କାର ମଧ୍ୟ ତାଙ୍କର ରହିଛି ।

ଏହାସହ ପଢ଼ନ୍ତୁ : ପାକିସ୍ତାନୀ କ୍ରିକେଟର ଅବରାର ଅହମ୍ମଦଙ୍କୁ ଦଳରେ ସାମିଲ୍ କାବ୍ୟା