ଭୁବନେଶ୍ୱର,୦୧/୦୪: ଆଜିଠୁ କେନ୍ଦ୍ରୀୟ ବିଦ୍ୟାଳୟରେ  ନାମଲେଖା ପଞ୍ଜିକରଣ ଆରମ୍ଭ । ବାଲ୍‌ ବାଟିକାଠାରୁ ଆରମ୍ଭ କରି ଦଶମ  ଶ୍ରେଣୀ ପର୍ଯ୍ୟନ୍ତ ନାମଲେଖା ହେବ । ଏପ୍ରିଲ୍‌ ୧୫ ତାରିଖ ଯାଏ ପଞ୍ଜିକରଣ  କରାଯିବ ।  

ସୂଚନାଯୋଗ୍ୟ, ଇଚ୍ଛୁକ ଅଭିଭାବକମାନେ ମନୋନୀତ କେନ୍ଦ୍ରୀୟ  ବିଦ୍ୟାଳୟରେ ନାମଲେଖା ପାଇଁ ପଞ୍ଜୀକରଣ କରିବେ । ୧୫ ତାରିଖ ପଞ୍ଜୀକରଣର ଶେଷ ତାରିଖ । ତେବେ ୧୯ ତାରିଖରେ ପ୍ରଥମ  ପ୍ରୋଭିଜ୍‌ନାଲ୍‌ ଲିଷ୍ଟ ପ୍ରକାଶ ପାଇବ । ଏଥିରେ ନାମଲେଖାଇବା ପାଇଁ ଚୟନ ପିଲାଙ୍କର ତାଲିକା ରହିବ । ତେବେ ୨୯ରେ ଦ୍ୱିତୀୟ ପ୍ରୋଭିଜ୍‌ନାଲ୍‌  ନାମଲେଖା ତାଲିକା ପ୍ରକାଶ ପାଇବ । ସେହିପରି ମେ ୮ରେ ତୃତୀୟ  ତାଲିକା ପ୍ରକାଶ ପାଇବ । ୨୯ ଜୁନ୍‌ ମଧ୍ୟରେ ନାମଲେଖା ଶେଷ  ହେବ । ଏ ସଂପର୍କିତ ସମସ୍ତ ସୂଚନା କେନ୍ଦ୍ରୀୟ ବିଦ୍ୟାଳୟ ସଂଗଠନ  ୱେବ୍‌ସାଇଟ୍‌ରେ ଉପଲବ୍ଧ ରହିଛି । କେବଳ ପ୍ରଥମ ଶ୍ରେଣୀ ନାମଲଖା ପାଇଁ  ପଞ୍ଜୀକରଣ ଅନ୍‌ଲାଇନରେ ହେବ । ଦ୍ୱିତୀୟ ଶ୍ରେଣୀରୁ ଦଶମ ଶ୍ରେଣୀ  ପର୍ଯ୍ୟନ୍ତ ନାମଲେଖା ପାଇଁ ଅଫଲାଇନ୍‌ ପଞ୍ଜୀକରଣ କରାଯିବ । ଏପ୍ରିଲ୍‌  ୧ରୁ ୧୦ ତାରିଖ ମଧ୍ୟରେ ଛାତ୍ରଛାତ୍ରୀମାନେ ନିକଟସ୍ଥ ସ୍କୁଲ୍‌ରେ ଅଫଲାଇନ୍‌  ଆବେଦନ କରିବେ । ଶ୍ରେଣୀର ସିଟ୍‌କୁ ଦେଖି ନାମଲେଖା ହେବ।