ନୂଆଦିଲ୍ଲୀ,୧୯/୧୧: ରାଜଧାନୀ ଦିଲ୍ଲୀରେ ବାୟୁ ପ୍ରଦୂଷଣ ସାଂଘାତିକ ସ୍ତରରେ ରହିଛି । ଅଣନିଶ୍ବାସ ହୋଇ ଗଲେଣି ରାଜଧାନୀବାସୀ। ଆଜି ଦିଲ୍ଲୀରେ ଏକ୍ୟୁଆଇ ମାନ ୫୦୦ ପାର କରିଛି । ପ୍ରଦୂଷଣକୁ କେବେ ମୁକ୍ତି ମିଳିବ ସେହି ଚିନ୍ତାରେ ଦିଲ୍ଲୀବାସୀ । ବାୟୁ ପ୍ରଦୂଷଣରୁ ମୁକୁଳିବା ପାଇଁ ଏକ୍ସପର୍ଟ କିଛି ପରାମର୍ଶ ଦେଇଛନ୍ତି । କଣ କଲେ ପ୍ରଦୂଷଣର ପ୍ରଭାବ ଶରୀର ଉପରେ ରହିବ ନାହିଁ । ଆସନ୍ତୁ ଜାଣିବା...
ପ୍ରଚୁର ପାଣି ପିଅନ୍ତୁ- ମେଡିକାଲ ଏକ୍ସପର୍ଟଙ୍କ ପରାମର୍ଶ ଅନୁସାରେ ଯେବେ ଯାଏ ବାୟୁ ପ୍ରଦୂଷଣର ସ୍ତର କମ ହୋଇନାହିଁ ବାହାରକୁ କମ ବାହାରନ୍ତୁ । ପ୍ରଚୁର ପାଣି ପିଅନ୍ତୁ । ହେପା ଫିଲ୍ଟର ଲଗା ଏୟର ପ୍ୟୁରିଫାୟରର ବ୍ୟବହାର କରନ୍ତୁ ।
ମାସ୍କ ବ୍ୟବହାର କରନ୍ତୁ- ଦିଲ୍ଲୀ ବାୟୁ ଗୁଣବତ୍ତା ଯେଉଁ ସ୍ତରରେ ପହଞ୍ଚିଛି ସେ ନେଇ ଏନ୯୫ ମାସ୍କ ପିନ୍ଧିବା ଜରୁରୀ ହୋଇଛି । କାରଣ ଏନ୯୫ ଏବଂ ଏନ୯୯ ମାସ୍କ ପିଏମ ୨.୫ ଏବଂ ପିଏମ ୧୦ ବିପକ୍ଷରେ ପ୍ରଭାବୀ ହେବ । କପଡା ମାସ୍କ ତୁଳନାରେ ଏହା ଅଧିକ ସୁରକ୍ଷା ଦେବ । ଲଗାତାର ଗୋଟିଏ ମାସ୍କ ବ୍ୟବହାର କରନ୍ତୁ ନାହିଁ ବୋଲି କହିଛନ୍ତି ସ୍ବାସ୍ଥ୍ୟ ବିଶେଷଜ୍ଞ ।
ବାୟୁ ପ୍ରଦୂଷଣ ନେଇ ଶ୍ବାସ ଓ କ୍ରୋନିକ ଆକ୍ସଟ୍ରକ୍ଟିବ ପଲୋମୋନାରୀ ଡିଜିଜ ଭଳି ସ୍ବାସ୍ଥଗତ ସମସ୍ୟା ଦେଖା ଦିଏ । ଯାହା ନିମୋନିଆର କାରଣ ହୋଇଥାଏ । ଏହା ସହିତ ରୋଗ ପ୍ରତିରୋଧକ ଶକ୍ତିତୁ ହ୍ରାସ କରିଥାଏ ବାୟୁ ପ୍ରଦୂଷଣ କମ କରିଥାଏ । ଫଳରେ ନିମୋନିଆ ସହ ଲଢିବାର ଶକ୍ତି କମିଯାଏ । ବାୟୁ ପ୍ରଦୂଷଣରୁ ଚର୍ମ ଜଳାପୋଡା ହୋଇଥାଏ । ଆଖି ପୋଡିଥାଏ । ନିଶ୍ବାସ ପ୍ରଶ୍ବାସ ନେବା କଷ୍ଟକର ହୋଇଥାଏ । ନିଦ ଆସେ ନାହିଁ । ହାର୍ଟ ଉପରେ ପ୍ରଭାବ ପଡେ ।
ପ୍ରଦୂଷଣରୁ କେମିତି ମିଳିବ ମୁକ୍ତି- ବାୟୁ ପ୍ରଦୂଷଣରୁ ମୁକ୍ତି ପାଇଁ ପାଣି ପିଇବା ସହ ମାସ୍କ ଲଗାଇବା ନିହାତି ଜରୁରୀ । ଏହା ସହିତ ଶାରୀରିକ ଭାବେ ଫିଟ୍ ରହିବାକୁ ହେବ । ଫୁସଫସକୁ ସୁରକ୍ଷିତ କରିବା ନେଇ ବାୟ୍ୟାମ କରିବାକୁ ପଡିବ । ସ୍ବାସ୍ଥ୍ୟକର ଖାଦ୍ୟ ଖାଇ ରୋଗ ପ୍ରତିରୋଧ ଶକ୍ତି ବଢାଇବାକୁ ହେବ । ଆଖିକୁ ପ୍ରଦୂଷଣଠୁ ଦୂରରେ ରଖିବାକୁ ହେଲେ ଚଷମା ଲଗାଇବାକୁ ସ୍ବାସ୍ଥ ବିଶେଷଜ୍ଞ ପରାମର୍ଶ ଦେଇଛନ୍ତି ।
