ଜି.ଉଦୟଗିରି,୯/୩ : କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ ତେରାବାଡି ଗ୍ରାମର ବିଭାସ ନାୟକଙ୍କୁ କର୍ଣ୍ଣାଟକର ହମ୍ପି ଅଞ୍ଚଳରେ ହତ୍ୟା କରାଯାଇଥିଲା। ରବିବାର ତାଙ୍କ ମୃତଦେହ ତେରାବାଡି ଗାଁରେ ପହଞ୍ଚିବା ପରେ ଶେଷ କୃତ୍ୟ ସମ୍ପନ୍ନ ହୋଇଛି। 

କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ ତେରାବାଡି ଗ୍ରାମର ବିଭାସ ନାୟକଙ୍କୁ ଗତ ୬ ତାରିଖରେ କର୍ଣ୍ଣାଟକର ହମ୍ପି ଅଞ୍ଚଳରେ ହତ୍ୟା କରାଯାଇ ଥିଲା। ଶନିବାର ସକାଳେ କେନାଲରୁ ବିଭାସଙ୍କ ମୃତଦେହ ଉଦ୍ଧାର କରିଥିଲା କର୍ଣ୍ଣାଟକ ପୁଲିସ। ଏହି ଘଟଣାରେ ବିଭାସଙ୍କ ଇସ୍ରାଏଲି ବାନ୍ଧବୀଙ୍କ ସହିତ ଅନ୍ୟ ଜଣେ ମହିଳା ଗଣଦୁଷ୍କର୍ମର ଶିକାର ହୋଇଥିବା ବି ଅଭିଯୋଗ ହୋଇଛି   I ରବିବାର ତାଙ୍କ ମୃତଦେହ ଜି.ଉଦୟଗିରିର ଗୁଡ୍ରିପଡ଼ି ସ୍ଥିତ ବିଶପ ହାଉସ ଠାରେ ପହଞ୍ଚିଥିଲା। ପରେ ସେଠାରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି। ପରିବାର ବର୍ଗ, ଖ୍ରୀଷ୍ଟୀୟ ସମ୍ପ୍ରଦାୟର ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇ ମୃତ ବିଭାସଙ୍କ ଅମର ଆତ୍ମାର ସଦଗତି କାମନା କରିଛନ୍ତି ।