ମାତ୍ର କିଛି ମିନିଟରେ ଆଉଟ୍ ଅଫ୍ ଷ୍ଟକ୍ ହେଲା ଏହି ‘ମେଡ୍ ଇନ୍ ଇଣ୍ଡିଆ’ ସ୍ମାର୍ଟଫୋନ୍, ଜାଣନ୍ତୁ ଦାମ୍ ଓ ଫିଚର୍ସ…
ନୂଆଦିଲ୍ଲୀ ୨୪/୫: ଲାଭା ଅଗ୍ନି-୨ ୫ଜି ସ୍ମାର୍ଟଫୋନ୍ ଗତ ସପ୍ତାହରେ ଭାରତରେ ଲଞ୍ଚ୍ ହୋଇଥିଲା । ଏହା ଏକ ମେଡ୍ ଇନ୍ ଇଣ୍ଡିଆ ସ୍ମାର୍ଟଫୋନ୍ । ତେବେ ଲଞ୍ଚିଂଠୁ ଆରମ୍ଭ କରି ଏପର୍ଯ୍ୟନ୍ତ ଏହି ଫୋନକୁ ଜବରଦସ୍ତ ରେସପନ୍ସ ମିଳୁଛି ଏବଂ ଏହାର ଜ୍ୱଳନ୍ତ ଉଦାହରଣ ଆଜି ଦେଖିବାକୁ ମିଳିଛି । ଆପଣଙ୍କୁ କହିରଖୁଛୁ ମେ ୨୪ରୁ ଆମାଜନରେ ଏହି ସ୍ମାର୍ଟଫୋନର ସେଲ୍ ଦ୍ୱିପ୍ରହର ୧୨ଟାରୁ ଆରମ୍ଭ ହୋଇଥିଲା । ସେଲ୍ ଆରମ୍ଭ ହେବାର ମାତ୍ର କିଛି ମିନିଟ୍ ମଧ୍ୟରେ ସ୍ମାର୍ଟଫୋନ୍ ଆଉଟ୍ ଅଫ୍ ଷ୍ଟକ୍ ହୋଇଯାଇଛି । ଏଥିରୁ ଜଣାପଡୁଛି କି ଏହି ୟୁନିକ୍ ଏବଂ ପ୍ରିମିୟମ୍ ଡିଜାଇନ୍ ସ୍ମାର୍ଟଫୋନକୁ ଗ୍ରାହକ କେତେ ପସନ୍ଦ କରୁଛନ୍ତି ।
ଲାଭା ଅଗ୍ନି ୨ ୫ଜିର ଦାମ୍ ୨୧,୯୯୯ ଟଙ୍କା । ଲଞ୍ଚ୍ ଅଫର ଅନୁସାରେ ଲାଭା ସମସ୍ତ ଡେବିଟ୍ ଏବଂ କ୍ରେଡିଟ୍ କାର୍ଡରେ ଫ୍ଲାଟ୍ ୨ ହଜାର ଟଙ୍କାର ରିହାତି ଦେଉଛି । ଏହାର ଅର୍ଥାତ୍ କି ଆଗ୍ରହୀ କଷ୍ଟମର ସ୍ମାର୍ଟଫୋନକୁ ୧୯,୯୯୯ ଟଙ୍କାରେ କିଣିପାରିବେ । ଲାଭା ଅଗ୍ନି ୨ ୫ଜି ଗ୍ଲାସ୍ ଭିରିଡିୟନ୍ କଲରରେ ଉପଲବ୍ଧ ।
ଏଥିରେ ୧୦୮୦ x୨୪୦୦ ପିକ୍ସେଲ ରିଜୋଲ୍ୟୁସନ ସହିତ ୬.୭୮ ଇଞ୍ଚର ଫୁଲ୍ ଏଚଡି ପ୍ଲସ୍ ଡିସପ୍ଲେ ରହିଛି । ଡିସପ୍ଲେ ୧୨୦ ହର୍ଜ ରିଫ୍ରେଶ୍ ରେଟ୍ ଏବଂ ୯୫୦ ନିଟ୍ସ ପର୍ଯ୍ୟନ୍ତ ପିକ୍ ବ୍ରାଇଟନେସ୍ ଅଫର କରିଥାଏ । ପରର୍ଫମାନ୍ସ କଥା କହିବା ତ ଏଥିରେ ୫ଜି କନେକ୍ଟିଭିଟି ସପୋର୍ଟ କରିଥାଏ ଏବଂ ଅକ୍ଟା-କୋର୍ ମିଡିଆଟେକ୍ ଡାଇମେନ୍ସନ ୭୦୫୦ ଚିପସେଟ୍ ଦ୍ୱାରା ସଞ୍ଚାଳିତ ହୋଇଥାଏ । ଲାଭା ଅଗ୍ନି ୨ରେ ୮ ଜିବି ରାମ୍ ଏବଂ ୨୫୬ ଜିବି ଇଣ୍ଟରନାଲ୍ ଷ୍ଟୋରେଜ୍ ରହିଛି । ସ୍ମାର୍ଟଫୋନ୍ ଆଣ୍ଡ୍ରଏଡ୍ ୧୩ ଅପରେଟିଂ ସିଷ୍ଟମ ଚଲାଇଥାଏ । ଲାଭା ୨ ବର୍ଷର ଆଣ୍ଡ୍ରଏଡ୍ ଓଏସ୍ ଅପଡେଟ୍ ଏବଂ ୩ ବର୍ଷର ସିକ୍ୟେରିଟି ଅପଡେଟ ମଧ୍ୟ ଦେଉଛି ।
ଫୋନରେ କ୍ୱାଡ୍ ରିୟର କ୍ୟାମେରା ସେଟଅପ୍ ରହିଛି । କ୍ୟାମେରା ମଡ୍ୟୁଲରେ f/1.88 ଆପେର୍ଚର ବିଶିଷ୍ଟ ୫୦ ଏମପିର ମେନ୍ ସେନ୍ସର, ଏକ ଅଲ୍ଟ୍ରା-ୱାଇଡ୍ ଆଙ୍ଗେଲ୍ ଲେନ୍ସ, ଏକ ଡେପ୍ଥ ଏବଂ ଏକ ମାକ୍ରୋ ସେନ୍ସର ସାମିଲ । ଫ୍ରଣ୍ଟରେ ସେଲ୍ଫି ଏବଂ ଭିଡିଓ କଲ୍ ପାଇଁ ୧୬ ଏମପିର କ୍ୟାମେରା ରହିଛି ।
