ଜନବସତିକୁ ପଶି ଆତଙ୍କ ଖେଳାଇଲା କଲରାପତରିଆ, ଭିଡିଓ ଭାଇରାଲ
ନୁଆଦିଲ୍ଲୀ : ଶୁକ୍ରବାର ଏକ କଲରାପତରିଆ ଜନବସତିରେ ପଶି ଲୋକଙ୍କୁ ଆକ୍ରମଣ କରିବା ଆରମ୍ଭ କରିଦେଲା ଯେଉଁଥିରେ ୨ ଟିଭି ଚ୍ୟାନେଲର କ୍ୟାମେରାମ୍ୟାନଙ୍କ ସମେତ ୪ ଜଣ ଆହତ ହୋଇଛନ୍ତି । କଲରାପତରିଆ ସକାଳେ ଗଙ୍ଗାପୁର ରୋଡରେ ଏକ ଆଖୁ ଖେତରେ ଲୁଚିଥିଲା । କେହି ଜାଣିବା ପୂର୍ବରୁ ସେ ଜନବସତିକୁ ପ୍ରବେଶ କରିଥିଲା । ଯେତେବେଳେ କିଛି ଯୁବକ ତାକୁ ଘଉଡାଇବା ପାଇଁ ଚେଷ୍ଟା କଲେ ସେ ଡିଆଁ ମାରି ଜଣଙ୍କ ବାସଭବନ ପାଚେରୀ ମଧ୍ୟକୁ ପ୍ରବେଶ କରି ସେଠାକାର ଲୋକଙ୍କୁ ଆକ୍ରମଣ କରିବା ଆରମ୍ଭ କରିଦେଲା । ଆତଙ୍କିତ ହୋଇ ସ୍ଥାନୀୟ ଲୋକେ ପୋଲିସ ଓ ବନବିଭାଗକୁ ଏ ସମ୍ପର୍କରେ ସୂଚନା ଦେଲେ । ପ୍ରାୟ ୩ ଘଣ୍ଟା ପରେ କଲରାପତରିଆକୁ ଏକ ଘର ଭିତରୁ କାବୁ କରିବାରେ ସକ୍ଷମ ହୋଇଥିଲା ବନବିଭାଗ ।
#WATCH A leopard entered a residential area & attacked people in Nashik, earlier today. The leopard was later caught by Forest Department. #Maharashtra pic.twitter.com/FvB41PjTHs
— ANI (@ANI) January 25, 2019
ତେବେ ଏଥିରେ ଆହତ ୪ ଜଣଙ୍କୁ ଚିକିତ୍ସା ପାଇଁ ନିକଟସ୍ଥ ହସ୍ପିଟାଲକୁ ପଠାଯାଇଛି । ଏହି ଅଭିଯାନରେ କଲରାପତିରଆ ମଧ୍ୟ ସାମାନ୍ୟ ଆହତ ହୋଇଥିଲା । ତାକୁ ଚିକିତ୍ସା କରାଯାଇ ଜଙ୍ଗଲରେ ଛାଡି ଦିଆଯାଇଛି ।
