କୁକୁଡାଖଣ୍ଡି, ୦୭/୧୦ : ଜଗଦଳପୁରରେ ବେଆଇନ ଭାବେ ମଦ ବିକ୍ରି ହେଉଥିବା ବେଳେ ଚଢାଉ। ୩ ବ୍ୟାଗ ବିଦେଶୀ ମଦ ଜବତ କରିବା ସହ ଜଣଙ୍କୁ ଅଟକ ରଖିଛି ଅବକାରୀ ବିଭାଗ।
ସୂଚନାନୁଯାୟୀ, ଜଗଦଳପୁର ଗ୍ରାମରେ ବହୁଦିନ ଧରି ବେଆଇନ ଭାବେ ବିଦେଶୀ ମଦ ବିକ୍ରି ହେଉଥିବା ଅଭିଯୋଗ ହୋଇଥିଲା। ଏନେଇ ଖବର ପାଇବା ପରେ କୁକୁଡାଖଣ୍ଡି ତହସିଲଦାର କଲ୍ୟାଣୀ ସଂଘମିତ୍ରାଙ୍କ ନିର୍ଦ୍ଦେଶ କ୍ରମେ ଅବକାରୀ ବିଭାଗ ବଂଶୀଧର ସାହୁଙ୍କ ଘରେ ଚଢ଼ାଉ କରିଥିଲା। ଏହି ସମୟରେ ବଂଶୀଧରଙ୍କ ଘରୁ ୩ ବ୍ୟାଗ ବିଦେଶୀ ମଦ ଜବତ ହୋଇଛି। ଏହା ସହ ବଂଶୀଧରଙ୍କ ପୁଅ ଟୁକୁନା ସାହୁଙ୍କୁ ଅଟକ ରଖିଛି ଅବକାରୀ ବିଭାଗ।