ମୁମ୍ବାଇ,୨୦।୧୧: ମହାରାଷ୍ଟ୍ରରେ ଚାଲିଛି ବିଧାନସଭା ନିର୍ବାଚନ। ଏହାକୁ ଦୃଷ୍ଟିରେ ରଖି ପୋଲିସ ଯାଞ୍ଚ କଡାକଡି ହୋଇଛି। ହେଲେ ମହାରାଷ୍ଟ୍ରର ଧୁଲେ ପୋଲିସ ଅଧିକାରୀ ଜିଲ୍ଲାର ଶିରପୁର ଥାଲନେର ଗାଁରେ ଗାଡ଼ି ଚେକିଂ ବେଳେ ଲକ୍ଷ କୋଟି ଟଙ୍କାରୁ ଅଧିକ, ଟଙ୍କାର ପ୍ରାୟ ୧୦ ହଜାର କିଲୋଗ୍ରାମ ରୁପାର ଇଟା ଜବତ ହୋଇଥିଲା। ନାସିକର ପୋଲିସ ଅଧିକାରୀ ଦତ୍ତାତ୍ରୟ କରାଲେ ମାମଲାର ସୂଚନା ଦେଇ କହିଛନ୍ତି, ପୋଲିସ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରି ଶିରପୁରରେ ଥିବା ଏକ କଣ୍ଟେରନରୁ ୯୪.୬୮ କୋଟି ଟଙ୍କାର ୧୦ ହଜାର କିଲୋଗ୍ରାମର ରୁପା ଇଟା ଜବତ କରିଛି।’
ପୋଲିସର କହିବା ଅନୁସାରେ, ରାଜ୍ୟରେ ବର୍ତ୍ତମାନ ନିର୍ବାଚନ ଚାଲିଛି। ଏହି ସମୟରେ ପୋଲିସ ପ୍ରଶାସନ ଦ୍ବାରା ବାହାନକୁ କଡା କଡି ଭାବେ ଯାଞ୍ଚ କରାଯାଉଛି। ପୋଲିସ ବୁଧବାର ସକାଳ ୫ଟା ବେଳେ ଶିରପୁରର ଥାଲନେର ଗାଁରେ ଏକ କଣ୍ଟେନରର ତଲାସୀ ନେଉଥିଲା। ସେ ସମୟରେ ଏହି ରୁପା ଇଟା ଜବତ କରାଯାଇଛି। ଅଧିକାରୀମାନେ କହିଛନ୍ତି, କଣ୍ଟେନରରୁ ମିଳିଥିବା ରୁପା ଇଟା କୌଣସି ବ୍ୟାଙ୍କର ବୋଲି କୁହାଯାଉଛି। ଏବେ ଏହି ମାମଲାର ତଦନ୍ତ ଚାଲିଛି।
ଉଲ୍ଲେଖନୀୟ ଯେ, ଏହା ପୂର୍ବରୁ ମୁମ୍ବାଇ ପୋଲିସ ଗତ ଶନିବାର ଏକ କଣ୍ଟେନରରୁ ୮,୫୦୦ କିଲୋ ରୂପା ଜବତ କରିଥିଲା। ଏହାର ମୂଲ୍ୟ ୮୦ ଲକ୍ଷ ଥିଲା। ଇଡି ଓ ଜିଏସ୍ଟି ଡିପାର୍ଟମେଣ୍ଟ ମାମଲାର ଯାଞ୍ଚ କରୁଛି।
