ମୁମ୍ବାଇ,୧୦/୧୧: ଆସନ୍ତା ୨୦ ତାରିଖରେ ମହାରାଷ୍ଟ୍ର ବିଧାନସଭା ନିର୍ବାଚନ ଲାଗି ଭୋଟ୍ଗ୍ରହଣ ଅନୁଷ୍ଠିତ ହେବ । ରାଜ୍ୟର ୨୮୮ଟି ଆସନରେ ଏଥରକ ମୋଟ ୪୧୨୦ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି । ସେମାନଙ୍କ ମଧ୍ୟରୁ ମାତ୍ର ୩୫୯ ଜଣ ହେଉଛନ୍ତି ମହିଳା । ସେହିପରି ଏକ-ତୃତୀୟାଂଶ ଅର୍ଥାତ୍ ୯୭ଟି ଆସନରେ ଜଣେ ବି ମହିଳା ପ୍ରାର୍ଥୀ ନାହାନ୍ତି ।
ରିପୋର୍ଟ ଅନୁସାରେ,ମହାବିକାଶ ଅଘାଡି ଓ ମହାୟୁତି ମେଣ୍ଟ ଯଥାକ୍ରମେ ୨୯ ଓ ୨୬ଟି ଆସନରେ ମହିଳାଙ୍କୁ ସୁଯୋଗ ଦେଇଛନ୍ତି । ଅନ୍ୟ ମହିଳା ପ୍ରାର୍ଥୀମାନେ ମୁଖ୍ୟତଃ ସ୍ୱାଧୀନ ଓ ଏମଏନଏସ୍, ବଞ୍ଚିତ ବହୁଜନ ଅଘାଡି ଭଳି ଛୋଟ ଦଳର । ଦୁଇଟି ଯାକ ପ୍ରମୁଖ ମେଣ୍ଟ ମହିଳା ସଶକ୍ତୀକରଣ କଥା କହୁଥିବାବେଳେ କାର୍ଯ୍ୟକ୍ଷେତ୍ରରେ କିନ୍ତୁ କିଛି ଅଲଗା ସ୍ଥିତି ଦେଖିବାକୁ ମିଳିଛି ।
