PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲେଖକ ସଲମାନ ରୁଶଦୀଙ୍କୁ ଆକ୍ରମଣ , ପଶ୍ଚିମ ନ୍ୟୁୟର୍କର ଏକ କାର୍ଯ୍ୟକ୍ରମରେ ମଞ୍ଚ ଉପରେ ଭାଷଣ ଦେଇଥିବା ବେଳେ ଛୁରାମାଡ଼ , ରକ୍ତ ଜୁଡୁବୁଡୁ ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ଲକ୍ଷ୍ନୌ : ସ୍ୱାଧିନତା ଦିବସ ପୂର୍ବରୁ ୟୁପି ଏଟିଏସ୍‌କୁ ବଡ଼ ସଫଳତା । ସହାରନପୁରରୁ ଦୁଇ ଆତଙ୍କବାଦୀଙ୍କୁ କଲା ଗିରଫ । ସ୍ୱାଧିନତା ଦିବସରେ ବଡ଼ ହମଲା କରିବାର ଯୋଜନା କରୁଥିଲେ
  • ||
  • କୋଏମ୍ବାଟୁର : ବେଙ୍ଗାଲୁରରୁ ମାଳଦ୍ୱୀପର ମାଲେ ଯାଉଥିବା ଗୋ ଫାଷ୍ଟ ବିମାନର ଜରୁରୀ ଅବତରଣ, ୯୨ ଯାତ୍ରୀଙ୍କୁ ନେଇ ଯାଉଥିବାବେଳେ ତାତି ଗଲା ଇଞ୍ଜିନ
  • ||
  • ଉଦୟପୁର : ଉଦୟପୁର କହ୍ନୈୟାଲାଲ ହତ୍ୟାକାଣ୍ଡରେ କଥିତ ଷଡ଼ଯନ୍ତ୍ରକାରୀ ମୁସ୍ଲିମ୍ ଖାନକୁ ଗିରଫ କଲା ଏଏନଆଇ
  • ||
  • ଅନନ୍ତନାଗ : ଜମ୍ମୁ-କଶ୍ମୀରର ଅନନ୍ତାଗରେ ପୁଲିସ୍ ଓ ସିଆରପିଏଫ ଯବାନଙ୍କ ମଳିତ ପାର୍ଟି ଉପରେ ଆତଙ୍କବାଦୀ ଆକ୍ରମଣ, ଆହତ ପୋଲିସ କର୍ମୀ ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ଭାରତୀୟ ବାୟୁସେନାର ଏକ ଦଳ ମାଲେସିଆ ଗସ୍ତରେ ଯାଇଛନ୍ତି, ଏହି ଦଳ ଦୁଇଦେଶ ମଧ୍ୟରେ ଦ୍ବିପାକ୍ଷୀକ ଯୁଦ୍ଧାଭ୍ୟାସକୁ ନେଇ ଆୟୋଜିତ କାର୍ଯ୍ୟକ୍ରମ ‘ଉଦାରଶକ୍ତି’ରେ ଭାଗ ନେବେ
  • ||
  • ମୋହନା : ସଂଗଠନ ଛାଡ଼ିଥିବା ମାଓବାଦୀ ପ୍ରଫୁଲ୍ଲ ପରିଚ୍ଛାକୁ ଗିରଫ କଲା ଅଡ଼ବା ପୋଲିସ, ଥାନାରେ ରହିଛି ୭ ମାମଲା
  • ||
  • ବୌଦ୍ଧ : ବୌଦ୍ଧ ୫୭ନଂ ଜାତୀୟ ଖୁଣ୍ଟବନ୍ଧ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ୨ ମୃତ
  • ||
  • ଭୁବନେଶ୍ବର : ପିପିଲି ଟୋଲ ପ୍ଲାଜା ନିକଟରେ ଓଲଟିଲା ବସ୍, ଜଣେ ମୃତ ଓ ୨୦ଆହତ
  • ||
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ଆଜି ମାଲେସିଆକୁ ଭେଟିବ ଭାରତ

ନୂଆଦିଲ୍ଲୀ, ୨୫ ।୩ (ଏଜେନ୍ସି): ମାଲେସିଆର ଇପୋରେ ଚାଲିଥିବା ୨୮ତମ ସୁଲତାନ ଅଜଲାନ ଶାହ କପ୍‌ ହକିରେ ଆସନ୍ତାକାଲି ଭାରତ ଆୟୋଜକ ଦଳକୁ ଭେଟିବାକୁ ଯାଉଛି । ଭାରତ ଏ ପର୍ଯ୍ୟନ୍ତ ୨ଟି ମ୍ୟାଚ୍‌ ଖେଳି ଗୋଟିଏ ବିଜୟ ଏବଂ ଗୋଟିଏ ମ୍ୟାଚ୍‌ ଡ୍ର’ ରଖିବାରେ ସଫଳ ହୋଇଛି ।
ପ୍ରତିଯୋଗିତାରେ ୬ଟି ଦଳ ଭାଗ ନେଇଛନ୍ତି । ଶ୍ରେଷ୍ଠ ୨ ଦଳ ଫାଇନାଲ୍‌ ଖେଳିବେ । ତେଣୁ ଭାରତକୁ ଫାଇନାଲ୍‌ ଖେଳିବାକୁ ହେଲେ ଶ୍ରେଷ୍ଠ ପ୍ରଦର୍ଶନ ସହ ପ୍ରଥମ କିମ୍ବା ଦ୍ୱିତୀୟ ସ୍ଥାନରେ ରହିବାକୁ ହେବ । ଏ ପର୍ଯ୍ୟନ୍ତ ଦଳ ୪ ପଏଣ୍ଟ ପାଇ ତୃତୀୟ ସ୍ଥାନରେ ରହିଛି । ମାଲେସିଆ ୨ଟି ମ୍ୟାଚ୍‌ ଖେଳି ବିଜୟୀ ହୋଇ ୬ ପଏଣ୍ଟ ସହ ଶୀର୍ଷ ସ୍ଥାନରେ ରହିଛି । ପ୍ରଥମ ମ୍ୟାଚ୍‌ରେ ମାଲେସିଆ ୫-୧ରେ ପୋଲାଣ୍ଡକୁ ଏବଂ ଦ୍ୱିତୀୟ ମ୍ୟାଚ୍‌ରେ ୪-୩ ଗୋଲ୍‌ରେ ଜାପାନକୁ ପରାସ୍ତ କରିଥିଲା । ଗତ ଦୁଇଟି ମ୍ୟାଚ୍‌ରେ ମାଲେସିଆ ୯ଟି ଗୋଲ୍‌ ସ୍କୋର କରିବାରେ ସଫଳ ହୋଇଛି ।
ଘରୋଇ ପରିବେଶରେ ମାଲେସିଆ ବେଶ ଚମତ୍କାର ପ୍ରଦର୍ଶନ ଜାରି ରଖିଛି । ତେଣୁ ଭାରତକୁ ଏଥିପ୍ରତି ସତର୍କତା ଅବଲମ୍ବନ କରିବାକୁ ପଡ଼ିବ । ପ୍ରଥମ ମ୍ୟାଚ୍‌ରେ ଭାରତ ୨-୦ ଗୋଲ୍‌ରେ ପୋଲାଣ୍ଡ ଏବଂ ଦ୍ୱିତୀୟ ମ୍ୟାଚ୍‌ ୧-୧ ଗୋଲ୍‌ରେ ଦକ୍ଷିଣ କୋରିଆ ସହ ଅମୀମାଂସିତ ରଖିଥିଲା ।
ବିଶ୍ୱମାନ୍ୟତା ଏବଂ ଟୁର୍ଣ୍ଣାମେଣ୍ଟର ପୂର୍ବ ପ୍ରଦର୍ଶନ ଦେଖିଲେ ଭାରତ ହିଁ ଅନ୍ୟ ୫ଟି ଦଳ ଠାରୁ ଶକ୍ତିଶାଳୀ । କିନ୍ତୁ ମାନ୍ୟତା ଅନୁସାରେ ଦଳ ସେଭଳି ପ୍ରଦର୍ଶନ ପୂର୍ବ ମ୍ୟାଚ୍‌ ଗୁଡ଼ିକରେ ଦେଖାଇ ପାରିନାହିଁ । ବିଶ୍ୱମାନ୍ୟତାରେ ଭାରତ ଏବେ ପଞ୍ଚମ ସ୍ଥାନରେ ରହିଛି । ଗତ ଦୁଇଟି ମ୍ୟାଚ୍‌ରେ ମାତ୍ର ୩ଟି ଗୋଲ୍‌ ସ୍କୋର କରିବାରେ ସଫଳ ହୋଇଛି । ବରିଷ୍ଠ ଖେଳାଳିମାନେ ଆହତ ହେବା ଯୋଗୁ ଏଥର ଅଧିକ ଯୁବ ଖେଳାଳିଙ୍କୁ ଭାରତୀୟ ଦଳରେ ସୁଯୋଗ ମିଳିଛି ।
ଜାପାନ ବିପକ୍ଷରେ ବରୁଣ ଓ ସିମ୍ରନଜିତ ୨ଟି ଗୋଲ କରି ଦଳକୁ ଜିତାଇଥିଲେ । ମାତ୍ର ଦକ୍ଷିଣ କୋରିଆ ବିପକ୍ଷରେ ଅଧିକ ଗୋଲ୍‌ ସ୍କୋର କରି ପାରି ନଥିଲା । ପ୍ରଥମାର୍ଦ୍ଧରେ ଯଦିଓ ଅଧିନାୟକ ମନପ୍ରୀତ ଗୋଟିଏ ଗୋଲ ସ୍କୋର କରି ଦଳକୁ ଅଗ୍ରଣୀ କରାଇଥିଲେ, ମାତ୍ର ଦ୍ୱିତୀୟାର୍ଦ୍ଧରେ ଦଳ ଆଉ ଦ୍ୱିତୀୟ ସୁଯୋଗ ପାଇ ନଥିଲା । ବରଂ ଖେଳର ଅନ୍ତିମ ମୁହୂର୍ତ୍ତରେ ଦକ୍ଷିଣ କୋରିଆକୁ ନିୟନ୍ତ୍ରଣ କରିବାରେ ବିଫଳ ହୋଇ ବିଜୟ ହାତ ଛଡ଼ା କରିଥିଲା । ଅନ୍ତିମ ମିନିଟ୍‌ରେ ଗୋଲ୍‌ ସ୍କୋର କରି କୋରିଆ ମ୍ୟାଚ୍‌ ଅମୀମାଂସିତ ରଖିଥିଲା । ତେଣୁ ଦଳକୁ ପୂର୍ବ ମ୍ୟାଚ୍‌ର ଭୁଲ ତ୍ରୁଟି ସଂଶୋଧନ କରି ମାଲେସିଆ ବିପକ୍ଷରେ ବଡ଼ ବିଜୟ ହାସଲ କରିବାକୁ ହେବ । ନଚେତ ଦଳ ପାଇଁ ଫାଇନାଲ୍‌ ପଥ ଏତେ ସୁଗମ ହେବ ନାହିଁ ।
ମାନ୍ୟତାକୁ ବିଚାରକୁ ନିଆଗଲେ ମାଲେସିଆ ବହୁ ଦୁର୍ବଳ ଦଳ । ଦଳ ଏବେ ବିଶ୍ୱ ମାନ୍ୟତାର ୧୩ତମ ସ୍ଥାନରେ ରହିଛି । ତଥାପି ଘରୋଇ ପରିବେଶରେ ମାଲେସିଆ ବେଶ ଭଲ ପ୍ରଦର୍ଶନ ଜାରି ରଖିଛି । ପୂର୍ବରୁ ଦଳ କେବେ ଚାମ୍ପିଅନ ହେବାର ସୁଯୋଗ ପାଇନି ମାତ୍ର ୫ ଥର ଫାଇନାଲ୍‌ ଖେଳିଛି ।

ସମ୍ବନ୍ଧିତ ଖବର