ଠାକୁରମୁଣ୍ଡା,୦୮/୧୦: ମୟୂରଭଞ୍ଜ ଜିଲ୍ଲା, ଠାକୁରମୁଣ୍ଡା ଅଞ୍ଚଳର ଶିଶିର ବାନ୍ଦିଆ ଜିଲ୍ଲା ପାଇଁ ଗୌରବ ଆଣିଛନ୍ତି । ଶ୍ରୀ ବାନ୍ଦିଆ ଇସ୍ରୋରେ ଜଣେ ଟେକ୍ନିସିଆନ ଭାବେ ନିଯୁକ୍ତି ପାଇ କେବଳ ଠାକୁରମୁଣ୍ଡା ଅଞ୍ଚଳ ନୁହଁ, ମୟୂରଭଞ୍ଜ ଜିଲ୍ଲାର ଗର୍ବ ଓ ଗୌରବ ବୃଦ୍ଧି କରିଛନ୍ତି । ଠାକୁରମୁଣ୍ଡା ବ୍ଲକ ନିପାଣିଆ ଗ୍ରାମ ନିବାସୀ ରାମଲାଲ ବାନ୍ଦିଆଙ୍କ ସୁପୁତ୍ର ଶିଶିର ବାନ୍ଦିଆ (୨୭) ଭୁବନେଶ୍ୱରରେ ଅଧ୍ୟୟନ କରି କଟକରେ ଆଇଟିଆଇ ଏବଂ ପରେ ଡିପ୍ଲୋମା ସାରିଥିଲେ । ପରବର୍ତ୍ତୀ ସମୟରେ ସେ ଡିପ୍ଲୋମା କରି ଅଧ୍ୟୟନ ଜାରି ରଖିଥିଲେ । ତେବେ ସେ ସେଥିରେ କୃତକାର୍ଯ୍ୟ ।ହାଇ ଏବେ ଇସ୍ରୋରେ ଜଣେ ଟେକ୍ନିସିଆନ୍ ଭାବେ ଯୋଗ ଦେଇଥିବାର ଜଣାଯାଇଛି ।
ଶିଶିର ଇସ୍ରୋରେ ଅବସ୍ଥାପିତ ହେବା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି । ଶିଶିରଙ୍କ ବାପା କଟକର ଏକ ଅନାଥାଶ୍ରମରେ ଚାକିରି କରୁଛନ୍ତି । ମା ମିଞ୍ଜାରି ବାନ୍ଦିଆ ଓ ବଡ଼ ଭଉଣୀ ମୌସୁମୀ ବାନ୍ଦିଆ (ଦିଗଧର ହାଇସ୍କୁଲ ଶିକ୍ଷୟିତ୍ରୀ) ମଧ୍ୟ ତାଙ୍କର ପାଠ ପଢା ଆଦି ସମ୍ପର୍କରେ ବୁଝାସୁଝା କରୁଥିଲେ । ପିତାମାତାଙ୍କ ପ୍ରେରଣାରେ ସେ ଏଭଳି ସଫଳତା ହାସଲ କରିଛନ୍ତି ବୋଲି ଶିଶିର ପ୍ରକାଶ କରିଛନ୍ତି । ସେ ଇସ୍ରୋରେ ନିଜ କାର୍ଯ୍ୟଦକ୍ଷତା ପ୍ରଦର୍ଶନ କରି ମୟୂରଭଞ୍ଜ ତଥା ରାଜ୍ୟକୁ ବେଶ ଗୌରବାନ୍ୱିତ କରିବେ ବୋଲି କହିଛନ୍ତି।
