ବୃଷ ରାଶିରେ ଅସ୍ତ ହେବାକୁ ଯାଉଛନ୍ତି ବୁଧ, ସମସ୍ୟାର ଝଡରେ ଘେରି ରହିବେ ଏହି ୪ ରାଶିର ବ୍ୟକ୍ତି
ନୂଆଦିଲ୍ଲୀ ୨୬/୦୫: ଜ୍ୟୋତିଷ ଶାସ୍ତ୍ରରେ ବୁଧ ଗ୍ରହକୁ ବୁଦ୍ଧି ଓ ତର୍କର କାରକ ଭାବରେ ବିବେଚନା କରାଯାଏ। ଯେବେ ରାଶିରେ ବୁଧ ଗ୍ରହ ଶକ୍ତିଶାଳୀ ହୁଅନ୍ତି, ବ୍ୟକ୍ତିଙ୍କୁ ତୀକ୍ଷ୍ଣ ବୁଦ୍ଧି, ଉତ୍ତମ ସ୍ୱାସ୍ଥ୍ୟ ଏବଂ ଜୀବନରେ ସନ୍ତୁଷ୍ଟତା ମିଳିଥାଏ। ଏହି କାରଣରୁ, ବ୍ୟବସାୟ, ଚାକିରି, ବାଣିଜ୍ୟରେ ଭଲ ସଫଳତା ମିଳିଥାଏ। ଅନ୍ୟ ପକ୍ଷେ, ଯେଉଁ ବ୍ୟକ୍ତିଙ୍କ କୁଣ୍ଡଳୀରେ ବୁଧ ଗ୍ରହ ରାହୁ-କେତୁ କିମ୍ବା ମଙ୍ଗଳ ସହିତ ଉପସ୍ଥିତ ରହିଥାନ୍ତି, ତେବେ ଲୋକଙ୍କୁ ଏହାର ନକାରାତ୍ମକ ପ୍ରଭାବ ବହନ କରିବାକୁ ପଡିଥାଏ। ଏହି ସଂଯୋଗ ହେତୁ ବ୍ୟକ୍ତିର ବୁଦ୍ଧି ହ୍ରାସ ହୁଏ ଏବଂ ଆଚରଣ ଉଗ୍ର ହେବାର ସମ୍ଭାବନା ରହିଥାଏ। ଏହାର ପ୍ରଭାରେ ନିଦ୍ରା ଅଭାବ, ଚର୍ମ ରୋଗ ଏବଂ ସ୍ନାୟୁ ଜନିତ ସମସ୍ୟା ଦେଖାଦେଇଥାଏ। ବୁଧ ଗ୍ରହ ଜୁନ୍ ୧୯ରେ ବୃଷ ରାଶିରେ ଅସ୍ତ ହେବାକୁ ଯାଉଛନ୍ତି। ବୁଧ ଅସ୍ତ ହେତୁ, ୪ ଟି ରାଶି ବ୍ୟକ୍ତିଙ୍କର ଏକାଗ୍ରତା କମ୍ ହୋଇପାରେ। ଏହା ସହିତ ଆର୍ଥିକ ପ୍ରତିବନ୍ଧକ ଏବଂ ମାନସିକ ଚାପର ସମ୍ମୁଖୀନ ହେବାକୁ ପଡିପାରେ। ଏହି ସ୍ଥିତିରୁ ବଞ୍ଚିବା ପାଇଁ କିଛି ବିଶେଷ ଉପାୟ ଗ୍ରହଣ କରିପାରିବେ।
ବୃଷ : ବୁଧ ବୃଷ ରାଶିରେ ଅସ୍ତ ହେବାକୁ ଯାଉଛନ୍ତି। ଏହି କାରଣରୁ, ବ୍ୟକ୍ତିଙ୍କୁ ଅନେକ ସମସ୍ୟାର ସମ୍ମୁଖୀନ ହେବାର ସମ୍ଭାବନା ରହିଛି। ଆୟଠାରୁ ଅଧିକ ଖର୍ଚ୍ଚ ବଢିପାରେ। ସାଥୀ ସହିତ ବିବାଦର ସମ୍ଭାବନା ରହିଛି। ଯାତ୍ରା ସମୟରେ ଆପଣ କିଛି ମୂଲ୍ୟବାନ ସାମଗ୍ରୀ ମଧ୍ୟ ହରାଇ ପାରନ୍ତି, ତେଣୁ ସତର୍କ ରୁହିବେ। ଏହାକୁ ଏଡାଇବା ପାଇଁ ପ୍ରତିଦିନ ୧୧ ଥର ‘ଓଁ ନମୋ ନାରାୟଣାୟ’ ଜପ କରନ୍ତୁ।
କର୍କଟ : ବୁଧ ଗ୍ରହ ଅସ୍ତ ହେତୁ ଅନେକ ଲୋକ ସେମାନଙ୍କ କାର୍ଯ୍ୟରେ ଅସନ୍ତୁଷ୍ଟ ରହିପାରନ୍ତି। ଏହାର ପ୍ରଭାବରେ, ବ୍ୟକ୍ତି ଚାକିରି ବଦଳାଇ ପାରନ୍ତି କିମ୍ବା ଛାଡିପାରନ୍ତି । ବ୍ୟବସାୟ କରୁଥିବା ଲୋକଙ୍କ ଅନେକ ବ୍ୟବସାୟିକ ସମ୍ପର୍କ ଭାଙ୍ଗିପାରେ । ଅନେକ ଗୁରୁତ୍ୱପୂର୍ଣ୍ଣ କାରବାର ଆପଣଙ୍କ ହାତରୁ ବାହାରିପାରେ। ଚର୍ମ ସମ୍ବନ୍ଧୀୟ ସମସ୍ୟା ହୋଇପାରେ। ଏହାକୁ ଏଡାଇବା ପାଇଁ, ପ୍ରତିଦିନ ୧୧ ଥର ‘ଓଁ ସୋମାୟ ନମଃ’ ଜପ କରନ୍ତୁ।
ତୁଳା : ଆପଣଙ୍କ ଖର୍ଚ୍ଚରେ ବୃଦ୍ଧି ହେବାର ସମ୍ଭାବନା ରହିଛି। ଆର୍ଥିକ କ୍ଷତିର ସମ୍ଭାବନା ରହିଛି। ଆପଣ ଅପେକ୍ଷା କରିଥିବା ପ୍ରମୋସନ ବିଳମ୍ବ ହୋଇପାରେ। ସ୍ନାୟୁ ଓ ମୁଣ୍ଡବିନ୍ଧା ସମ୍ବନ୍ଧୀୟ ସମସ୍ୟା ହୋଇପାରେ। ଏହାକୁ ଏଡାଇବା ପାଇଁ, ଆପଣ ଯୋଗର ସାହାଯ୍ୟ ନେବା ଉଚିତ୍ । ଏଥିପା ପାଇଁ ପ୍ରତିଦିନ ୧୧ ଥର ‘ଓଁ ଦୁର୍ଗାୟ ନମଃ’ ଜପ କରନ୍ତୁ।
ମୀନ : ବୃଷ ରାଶିରେ ବୁଧ ଅସ୍ତ ହେତୁ କ୍ୟାରିୟର ଦୃଷ୍ଟିରୁ ଆପଣଙ୍କ ପାଇଁ ସମୟ ଅତ୍ୟନ୍ତ ଅନୁକୂଳ ରହିବ ନାହିଁ । ଏହି ସମୟରେ, ଆପଣ ଆଉଟସୋର୍ସିଂ କିମ୍ବା ବିଦେଶୀ ଉପାୟ ମାଧ୍ୟମରେ ଟଙ୍କା ରୋଜଗାର କରିବାରେ ବିଫଳ ହୋଇପାରନ୍ତି। ବିବାହିତ ଜୀବନରେ ମଧ୍ୟ ସମାନ ସମସ୍ୟାର ସାମ୍ନା କରିବେ। ଶୋଇବାରେ ମଧ୍ୟ ଅସୁବିଧା ହୋଇପାରେ। ଆପଣ ପ୍ରତିଦିନ ୨୧ ଥର ‘ଓଁ ଗଂ ଗଣପତୟେ ନମଃ’ ଜପ କରନ୍ତୁ।
