ନୂଆଦିଲ୍ଲୀ: ମେକ୍ସିକୋର ଏକ ଇସ୍ପାତ କାରଖାନାରେ ବିସ୍ଫୋରଣ ଘଟି ୧୨ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଆହତ ହୋଇଛନ୍ତି । ସ୍ଥାନୀୟ ଅଧିକାରୀ ମାନେ ଏ ସମ୍ପର୍କରେ ସୂଚନା ଦେଇଛନ୍ତି । ମେକ୍ସିକୋ ସିଟିର ପ୍ରାୟ ୧୪୦ କିଲୋମିଟର ପୂର୍ବରେ ଥିବା ଆକ୍ଲୋଜଟୋକରେ ରାତି ୩ ଟାରେ ନିଆଁ ଲାଗିଥିଲା । ସୂଚନା ପାଇବା ପରେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ।
ସୂଚନା ଅନୁଯାୟୀ, ବିସ୍ଫୋରଣ ଯୋଗୁଁ ଅନ୍ୟ ଜଣେ ବ୍ୟକ୍ତି ମଧ୍ୟ ଆହତ ହୋଇଛନ୍ତି କିନ୍ତୁ ତାଙ୍କ ଅବସ୍ଥା ସମ୍ପର୍କରେ ସୂଚନା ମିଳିନାହିଁ । ଏଜେନ୍ସି ଏକ ବିବୃତ୍ତିରେ କହିଛି ଯେ ଶ୍ରମିକ ମାନଙ୍କ ପ୍ରାଥମିକ ସୂଚନା ଅନୁଯାୟୀ, ଏହି ଇସ୍ପାତ ନିଆଁ ସଂସ୍ପର୍ଶରେ ରସାୟନିକ ପଦାର୍ଥ ଆସିବା ଦ୍ବାରା ଏହି ବିସ୍ଫୋରଣ ହୋଇଛି । ବର୍ତ୍ତମାନ ନିଆଁକୁ ନିୟନ୍ତ୍ରଣକୁ ନିଆଯାଇଛି ଏବଂ ତଦନ୍ତ ଜାରି ରହିଛି । ଟ୍ଲାକ୍ସାଲା ରାଜ୍ୟପାଳ ଲୋରେନା କୁଏଲର୍ ପୀଡିତଙ୍କ ପରିବାର ପ୍ରତି ସମବେଦନା ଜଣାଇଛନ୍ତି।
ନିଆଁକୁ ନିୟନ୍ତ୍ରଣକୁ ଆଣିବା ପରେ ଉଦ୍ଧାରକାରୀ ଏବଂ ଜରୁରୀକାଳୀନ କର୍ମଚାରୀମାନେ ବଞ୍ଚିଥିବା ଲୋକଙ୍କୁ ଖୋଜିବା ଏବଂ ଉକ୍ତ ସ୍ଥାନକୁ ସୁରକ୍ଷିତ ରଖିବା ପାଇଁ ଉଦ୍ୟମ ଆରମ୍ଭ କରିଛନ୍ତି ।
