ଖନ୍ତାପଡ଼ା, ୧୬/୦୫: ବାଲେଶ୍ୱର ଜିଲ୍ଲା ବାହାନଗା ବ୍ଲକ କସବା ଜୟପୁର ପଞ୍ଚାୟତ ଜିରିତାଳ ଗ୍ରାମରେ ଅଘଟଣ। ଉକ୍ତ ଗାଁର ପ୍ରଭାକର ମହାରଣାଙ୍କ ଏକ ମାତ୍ର ନାବାଳକ ପୁଅ ଆୟୁଷ ମହାରଣାଙ୍କ ବିଦ୍ୟୁତ ଆଘାତରେ ମୃତ୍ୟୁ ହୋଇଛି।
ସୂଚନା ମୁତାବକ, ଆୟୁଷ ଶୁକ୍ରବାର ସକାଳେ ଘରେ ପାଣି ଦେଉଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ। ପରିବାର ଲୋକେ ଗୁରୁତର ଅବସ୍ଥାରେ ଉଦ୍ଧାର କରି ଚିକିତ୍ସା ନିମନ୍ତେ ଖନ୍ତାପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ହେଁ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଛନ୍ତି। ନାବାଳକର ମୃତ୍ୟୁ ଖବର ଜାଣିବା ପରେ ମେଡିକାଲରେ ଶୋକାକୁଲ ପରିବେଶ ସୃଷ୍ଟି ହୋଇଥିଲା। ତେବେ ଆୟୁଷ ନବମ ଶ୍ରେଣୀର ଛାତ୍ର ବୋଲି ଜଣାପଡିଛି। ଏପଟେ ନାବାଳକର ମୃତ୍ୟୁରେ ଅଞ୍ଚଳରେ ଗାଁରେ ଶୋକର ଛାୟା ଖେଳି ଯାଇଛି। ଘଟଣା ବାବଦରେ ଖନ୍ତାପଡ଼ା ପୋଲିସ ଖବର ପାଇ ମେଡିକାଲରେ ପହଞ୍ଚି ମୃତଦେହ ଜବତ କରିବା ସହ ଅଧିକ ତଦନ୍ତ ଜାରି ରଖିଛି।
