ହରଭଙ୍ଗା ବ୍ଲକରେ ମିଶନ ଲାଇଫ କାର୍ଯ୍ୟକ୍ରମ
ହରଭଙ୍ଗା ୨୫/୫: ଆଜି ନେହେରୁ ଯୁବ କେନ୍ଦ୍ର ବୌଦ୍ଧ ତରଫରୁ ଏକ ମିଶନ ଲାଇଫ କାର୍ଯ୍ୟକ୍ରମ ପୁରୁଣା କଟକ, ସରଧାପୂର ଏବଂ ହରେକୃଷ୍ଣପୁରଠାରେ ଅନୁଷ୍ଟିତ ହେଇଯାଇଛି । ଏହି କାର୍ଯ୍ୟକ୍ରମରେ ପ୍ରାୟ ୧୦୦ ଜଣ ଯୁବକ ଯୁବତୀ ଅଂଶ ଗ୍ରହଣ କରିଥିଲେ । ପ୍ରଥମେ ମିଶନ ଲାଇଫର ଥିମ୍ ଅନୁସାରେ ପ୍ରତିଭାଗୀଙ୍କୁ ନେଇ ଯୋଗର ଅଭ୍ୟାସ କରାଯାଇଥିଲା। ଯୋଗ କରିବା ଦ୍ୱାରା ଆମେ କେମିତି ସୁସ୍ଥ ରହିବା , ଆମ ଶରୀର ପାଇଁ ଯୋଗ କେତେ ଆବଶ୍ୟକ ଏହା ଉପରେ ନେହେରୁ ଯୁବ କେନ୍ଦ୍ର ବୌଦ୍ଧର ଯୁବ ସ୍ବେଚ୍ଛାସେବୀ ସୁପ୍ରିୟା ଦେହୁରୀ ବୁଝେଇଥିଲେ। ସମସ୍ତଙ୍କୁ ନେଇ ଏକ ଆଲୋଚନାଚକ୍ର ମଧ୍ୟ ଅନୁଷ୍ଠିତ ହୋଇ ଥିଲା ।
ଏହି ଆଲୋଚନା ଚକ୍ରରେ ରଞ୍ଜନ କୁମାର ସାମଲ ପରବର୍ତ୍ତୀ ସମୟରେ ଜାତୀୟ ଯୁବ ସ୍ୱେଛାସେବୀ ସୁଧୀର ଦୀପ ଏବଂ ସୁପ୍ରିୟା ଦେହୁରୀଙ୍କ ନେତୃତ୍ୱରେ ଶପଥ ପାଠ ମଧ୍ୟ ହୋଇଥିଲା।। ଏହି କାର୍ଯ୍ୟକ୍ରମରେ ଅତିଥି ଭାବରେ ଧିରେନ ସାହୁ, ଅରୁଣ କୁମାର ବେହେରା, ସୁଶାନ୍ତ କୁମାର ବେହେରା ,ଶ୍ରୀଯୁକ୍ତ ରଞ୍ଜନ କୁମାର ସାମଲ ,ଶ୍ରୀପତି ପ୍ରଧାନ କାର୍ଯ୍ୟକ୍ରମରେ ଯୋଗ ଦେଇଥିଲେ। ସରଧାପୂର୍ର ସ୍ଵଂୟ ସହାୟକ ଗୋଷ୍ଠୀର ମାଆ ମାନେ ସକ୍ରିୟ ଅଂଶ ଗ୍ରହଣ କରିଥିଲେ। ଶେଷରେ ଜାତୀୟ ଯୁବ ସ୍ଵେଚ୍ଛାସେବୀ ସୁଧୀର ଦୀପ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ।
