ପାଟନା ୩୦/ ୧୦: ସେ ଜଣେ ବିଧାୟକ । କିନ୍ତୁ ଅନ୍ୟ ବିଧାୟକଙ୍କ ଭଳି ନା ଅଛି ବିଳାସପୂର୍ଣ୍ଣ ଗାଡି ନା ରହିବାକୁ ଅଛି ଖଣ୍ଡେ ଭଲ ଘର । ସାଧାରଣରେ ଗୋଟେ କଥା ସବୁବେଳେ ଚର୍ଚ୍ଚା ହୁଏ । ଥରେ ବିଧାୟକ କିମ୍ବା ସାଂସଦ ହୋଇଗଲେ କୁଆଡେ ପିଢି ପରେ ପିଢି ବସି ଖାଇବାକୁ ଧନ ସମ୍ପତ୍ତି ଠୁଳ କରିପକାନ୍ତି । ସେ ବି ଜଣେ ଜନପ୍ରତିନିଧି ଆଉ ତାଙ୍କ କ୍ଷେତ୍ରରେ କିନ୍ତୁ ଭିନ୍ନ ଏକ ଉଦାହରଣ ଦେଖିବାକୁ ମିଳିଛି ।
ବିହାର ଅଲଉଲି ବିଧାୟକ ରାମବୃକ୍ଷ ସଦା । ବିଧାୟକ ହେଲାପରେ ବି ନିଜ ଗାଁ ରଉନରେ ରୁହନ୍ତି । ଲୋକମାନଙ୍କ ସମସ୍ୟା ଆଉ ସମାଧାନ ଭିତରେ ତାଙ୍କର ଦିନ କଟିଯାଏ । ଘର କହିଲେ ୨୦୦୪ରେ ମିଳିଥିବା ଇନ୍ଦରା ଆବାଦ ଗୃହ ଦୁଇ ବଖରା । ତାହା ବି ଅଧା ଭାଙ୍ଗି ଗଲାଣି । ସମ୍ପତ୍ତି କହିଲେ ସ୍ତାବର ଆଉ ଅସ୍ତାବର ମିଶି ମାତ୍ର ୭୦ ହଜାର ଟଙ୍କାର ହେବ । ରାମବୃକ୍ଷ ହେଉଛନ୍ତି ବିହାରର ସବୁଠାରୁ ଗରିବ ବିଧାୟକ । ଏବେ ସରକାରୀ ଘର ଖଣ୍ଡେ ମିଳିବା ପରେ ଭୋ ଭୋ ହୋଇ କାନ୍ଦି ପକାଇଛନ୍ତି ରାମବୃକ୍ଷ ସଦା।
ବିହାର ମୁଖ୍ୟମନ୍ତ୍ରୀ ନୀତିଶ କୁମାର ବିଧାୟକମାନଙ୍କ ପାଇଁ ବାସଗୃହ ଯୋଗାଇଦେବାକୁ ଘୋଷଣା କରିଥିଲେ । ଏବେ ତାହା ସମ୍ପୂର୍ଣ୍ଣ ହେବା ସହିତ ବିଧାୟକଙ୍କୁ ଦିଆଯାଉଛି । ଗତ ବୁଧବାର ରାମବୃକ୍ଷଙ୍କୁ ମଧ୍ୟ ପାଟନାରେ ବିଧାୟକ କୋଟାରେ ଘର ମିଳିଥିଲା । ମୁଖ୍ୟମନ୍ତ୍ରୀଙ୍କ ଠାରୁ ଘର ଚାବି ଗ୍ରହଣ କରିବା ପରେ ଭାବବିହ୍ବଳ ହୋଇ ଭୋ ଭୋ କାନ୍ଦିଥିଲେ ବିଧାୟକ ରାମବୃକ୍ଷ ସଦା । ଖୁସିରେ ଆଖିରୁ ଝରୁଥିଲା ଧାରଧାର ଲୁହ । ମୁଖ୍ୟମନ୍ତ୍ରୀଙ୍କ ପାଦ ଛୁଇଁ ରାମବୃକ୍ଷ କହିଥିଲ, ଜଣେ ଗରିବ ଲୋକ ଘର ପାଇବା କୌଣସି ଦିଓ୍ବାଲୀ ଖୁସି ଠାରୁ କମ ନୁହେଁ ।
ରାମବୃକ୍ଷ ସଦା ଜଣେ ମୁସହର ଶ୍ରେଣୀର ହରିଜନ ବିଧାୟକ । ପୂର୍ବରୁ ଇନ୍ଦିରା ଆବାସ ଘରେ ରହୁଥିବା ବିଧାୟକ ଏବେ ୭ ଶଯ୍ୟା ବିଶିଷ୍ଟ ଘର ପାଇ ବେଶ୍ ଖୁସି ଅଛନ୍ତି । ଯାହାକି ବିହାର ବିଧାନସଭା ନିକଟରେ ରହିଛି ।
wp:html/wp:htmlसरकारी आवास मिलते ही ये विधायक फफक-फफक कर क्यों रोने लगा? | Unseen India pic.twitter.com/CqGFUX9Xvf
— UnSeen India (@USIndia_) October 27, 2022
