ଲକ୍ଷ୍ନୌ,୦୨/୧୨: ମନ୍ଦିରରେ ଜନ୍ମଦିନ ପାଳି ଅଡୁଆରେ ପଡିଛନ୍ତି ଜଣେ ମଡେଲ । ବାରଣୀସୀ କାଳ ଭୈରଭ ମନ୍ଦିରରେ ଜନ୍ମଦିନ କେକ୍ କାଟି ବିବାଦରେ ପଡିଛନ୍ତି ଜଣେ ମଡେଲ । ତାଙ୍କ ନାମ ହେଉଛି ମମତା ରାଏ । ମନ୍ଦିର ଭିତରେ କେକ୍ କାଟିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।
ମଡେଲ ଜଣଙ୍କର ଇନଷ୍ଟାଗ୍ରାମରେ ୧୦ ଲକ୍ଷରୁ ଅଧିର ଫଲୋର୍ସ ରହିଛନ୍ତି । ମନ୍ଦିର ଭିତରେ ଜନ୍ମଦିନର କେକ୍ କାଟି ଫଟୋ ଓ ଭିଡିଓ ଅପଲୋଡ କରିବା ପରେ ତାଙ୍କୁ ଅନେକ ୟୁଜର୍ସ ସମାଲୋଚନା କରିଥିଲେ । ୩୨ ସେକେଣ୍ଡର ଭିଡିଓରେ ଦେଖିବାକୁ ମିଳିଛି କି ମମତା ପ୍ରଥମେ ମନ୍ଦିର ଯାଇ ଭଗବାନଙ୍କୁ ଦର୍ଶନ କରିଥିଲେ ଏବଂ ମନ୍ଦିର ଭିତରେ ହିଁ ଜନ୍ମଦିନ କେକ୍ କାଟିଥିଲେ ।
ମନ୍ଦିର ପରି ପବିତ୍ର ସ୍ଥାନରେ କିପରି କେକ୍ କାଟିଲେ । ପୂଜକ ଏପରି କରିବାକୁ କାହିଁକି ଅଟକେିଲେ ନାହିଁ ବୋଲି ୟୁଜର୍ସ ପ୍ରଶ୍ନ କରିଛନ୍ତି । ଏହା ଉପରେ ମନ୍ଦିର ମୁଖ୍ୟ ପୂଜକ ନବୀର ଗିରି କହିଛନ୍ତି, ଘଟଣାକୁ ଭୁଲ ଭାବେ ଦର୍ଶାଯାଇଛି । ମମତା ଭାଗବାନଙ୍କ ଲାଗି କେକ୍ ପୂଜାରେ ଅର୍ପଣ କରିବା ଲାଗି ଆଣିଥିଲେ । ମନ୍ଦିରରେ କେକ୍ କାଟିବା ଘଟଣା ନୂଆ ନୁହେଁ । ଅନ୍ୟମାନଙ୍କ ପରି ସେ ମଧ୍ୟ ଏଠାରେ କେକ୍ ଠାକୁରଙ୍କୁ ଲାଗି କରିଥିଲେ । ତେବେ ମନ୍ଦିର ଭିତରେ ଏପରି ନ କରିବା ଲାଗି ମନ୍ଦିର ପ୍ରଶାସନ ସ୍ଥିର କରିଥିବା ପୂଜକ କହିଛନ୍ତି ।
