ପାଟଣା, ୪।୫ : ଖାଇବାକୁ ଦେବାରେ ବିଳମ୍ବ ହେବାରୁ ବୃଦ୍ଧା ମାଆକୁ ମାଡ଼ ମାରିବା ପରେ ତଣ୍ଟି ଚିପି ହତ୍ୟା କରିଛି ପୁଅ ।ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଖିରେଇଟାଙ୍ଗିରୀ ଗ୍ରାମର ଭାଲୁ ପାହାଡ଼ିସାହିରେ । ମୃତକ ହେଲେ ଗୌରୀ ନାଏକ।
ଶୁକ୍ରବାର ରାତିରେ ମାଆ ଗୌରୀ ପୁଅ ସୁରେନ୍ଦ୍ରକୁ ଖାଇବାକୁ ଦେବାରେ ବିଳମ୍ବ ହୋଇଥିଲା। ଏଥିରେ ପୁଅ ଉତ୍ତ୍ୟକ୍ତ ହୋଇ ମଦ ନିଶାରେ ମା’କୁ ମାଡ଼ ମାରିବା ସହ ତଣ୍ଟି ଚିପି ହତ୍ୟା କରିଛି। ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ କୁ ଜବତ କରିଛି। ପୁଅ ସୁରେନ୍ଦ୍ରଙ୍କୁ ପୋଲିସ ଅଟକ ରଖି ତଦନ୍ତ ଚଳାଇଛି।