ମୁମ୍ବାଇ,୧/୫ : ପଳାତକ ହୀରା ବ୍ୟବସାୟୀ ମେହୁଲ ଚୋକସିଙ୍କ ବିରୋଧରେ ଜାମିନ ବିହୀନ ଓ୍ବିରେଣ୍ଟ ଜାରି । କାନାରା ବ୍ୟାଙ୍କ ଏବଂ ବ୍ୟାଙ୍କ ଅଫ୍ ମହାରାଷ୍ଟ୍ରର ଏକ ସଂଘ ସହ ଜଡ଼ିତ ୫୫.୨୬କୋଟି($୬.୫ ମିଲିୟନ)ବ୍ୟାଙ୍କ ଠକେଇ ମାମଲାରେ ଏସପ୍ଲାନେଡର ଏକ ମେଟ୍ରୋପଲିଟାନ୍ ମାଜିଷ୍ଟେ୍ରଟ୍ କୋର୍ଟ ଚୋକସିଙ୍କ ବିରୋଧରେ ଜାମିନ ବିହୀନ ଓ୍ବାରେଣ୍ଟ ଜାରି କରିଛନ୍ତି ।
ଚୋକସିଙ୍କ ସହ ଜଡ଼ିତ ଥିବା ସଂସ୍ଥା ବେଜେଲ ଜୁଏଲାରୀ ପ୍ରାଇଭେଟ ଲିମିଟେଡ୍ ଦ୍ବାରା ବ୍ୟାଙ୍କ ପାଣ୍ଠିର ଅପବ୍ୟବହାର ଏବଂ ଆତ୍ମସାତ ଘଟଣାର ତଦନ୍ତ କରୁଥିବା ସିବିଆଇର ଅନୁରୋଧ ପରେ ଏପ୍ରିଲ ୧୯ତାରିଖରେ ଏହି ଓ୍ବାରେଣ୍ଟ ଜାରି କରାଯାଇଛି ।
କାନାରା ବ୍ୟାଙ୍କର ମୁଖ୍ୟ ମହାପ୍ରବନ୍ଧକଙ୍କ ଅଭିଯୋଗ ଆଧାରରେ ସିବିଆଇ ଜୁଲାଇ ୨୦୨୨ରେ ଏତଲା ଦେଇଥିଲା । ଏହି ଅଭିଯୋଗରେ ବେଜେଲ ଜୁଏଲାରୀର ନିର୍ଦ୍ଦେଶକ ମେହୁଲ ଚୋକସୀ, ଚେତନା ଜୟନ୍ତୀଲାଲ ଝାଭେରୀ, ଦିନେଶ ଗୋପାଳଦାସ ଭାଟିଆ ଏବଂ ମିଲିନ୍ଦ ଅନନ୍ତ ଲିମାୟେ ଏବଂ ଅନ୍ର ସରକାରୀ ଅଫିସରଙ୍କ ନାଁ ଉଲ୍ଲେଖ କରାଯାଇଥିଲା ।
