ଭାରତୀୟ ନୌସେନାର ହେଲିକପ୍ଟର ଦୁର୍ଘଟଣାଗ୍ରସ୍ତ, ଉଦ୍ଧାର ହେଲେ ଚାଳକ ଦଳ
ମୁମ୍ବାଇ,୮।୩: ଭାରତୀୟ ନୌସେନାର ଏକ ଆଡଭାନ୍ସ ଲାଇଟ୍ ହେଲିକପ୍ଟର ବୁଧବାର ସକାଳେ ନିୟମିତ ଉଡାଣ ବେଳେ ମୁମ୍ବାଇ ଉପକୂଳ ନିକଟରେ ଦୁର୍ଘଟଣାର ସମ୍ମୁଖୀନ ହୋଇଛି। ନୌସେନାର ପାଟ୍ରୋଲିଂ ଜାହାଜ ତୁରନ୍ତ ସର୍ଚ୍ଚ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା ଏବଂ ୩ ଜଣ କ୍ରୁ ସଦସ୍ୟଙ୍କୁ ନିରାପଦ ଉଦ୍ଧାର କରିଛି। ଏହି ଘଟଣାର ତଦନ୍ତ ପାଇଁ ଭାରତୀୟ ନୌସେନା ନିର୍ଦ୍ଦେଶ ଦେଇଛି।
ଏହା ପୂର୍ବରୁ ଗତ ବର୍ଷ ଅକ୍ଟୋବରରେ ସେନାର ଆଡଭାନ୍ସଡ ଲାଇଟ୍ ହେଲିକପ୍ଟର ଅରୁଣାଚଳ ପ୍ରଦେଶରେ ଦୁର୍ଘଟଣାଗ୍ରସ୍ତ ହୋଇଥିଲା। ହେଲିକପ୍ଟରରେ ଥିବା ସମସ୍ତ ପାଞ୍ଚ ଜଣଙ୍କ ମୃତ୍ୟୁ ଘଟିଥିଲା। ଘାତକ ଦୁର୍ଘଟଣା ପରେ, ଉଦ୍ଧାର କାର୍ଯ୍ୟରେ ତିନି ସେନାରେ ସେବା ଦେଉଥିବା ସବୁ ଏଏଲଏଚ ସୁରକ୍ଷା ଯାଞ୍ଚ ପାଇଁ ଗ୍ରାଉଣ୍ଡ କରାଯାଇଥିଲା, ଯାହାଙ୍କ ସଂଖ୍ୟା ପ୍ରାୟ ୩୦୦ ରୁ ଅଧିକ। ସେନାର ଜଣେ ଅଫିସିଆଲ ସୁତ୍ର ଗତ ବର୍ଷ କହିଥିଲେ, ଆମେ ସବୁ ଆଡଭାନ୍ସ ଲାଇଟ ହେଲିକପ୍ଟରକୁ ପୁଣିଥରେ ତଦନ୍ତ ପରିସରରେ ରଖିଛୁ। ସୁରକ୍ଷା ଯାଞ୍ଚ ପୁରା ହେବାପରେ ଉଡାଣ ଆରମ୍ଭ କରାଯିବ।
