PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ: ରେଞ୍ଜରଙ୍କ ହେପାଜତରେ ଅଭିଯୁକ୍ତଙ୍କ ମୃତ୍ୟୁ, ବଡ଼ମ୍ବା ରେଞ୍ଜରଙ୍କ ସମେତ ୧୫ ଅଟକ
  • ||
  • ଭୁବନେଶ୍ୱର: ଥଣ୍ଡା ଜ୍ୱରରେ ରାଜ୍ୟ କଲବଲ: ପୀଡ଼ିତ ଶିଶୁଙ୍କ ସଂଖ୍ୟା ୩ଗୁଣ ବଢ଼ିଛି, ଚିନ୍ତାରେ ଅଭିଭାବକ
  • ||
  • ଭୁବନେଶ୍ୱର: ବରମୁଣ୍ଡା ବସ୍ ଷ୍ଟାଣ୍ଡରେ ବୋମାମାଡ଼, ଜଣେ ଅଟକ
  • ||
  • ଭୁବନେଶ୍ୱର: ସରିଲା ଖଣ୍ଡଗିରି କୁମ୍ଭମେଳା, ଫେରିଲେ ସାଧୁସନ୍ଥ
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ତ୍ରୀବତା ଥିଲା ୭.୮
  • ||

ମାଆବାପାଙ୍କ ବିରୋଧରେ ପୁଅର ମାମଲା: ମୋର ବିନା ସ୍ୱୀକୃତିରେ ମୋତେ କାହିଁକି ଜନ୍ମ ଦେଲ

source:www.oneindia.com

ମୁମ୍ବାଇ,୫ ।୨(ଏଜେନ୍ସି): ଆଜିକାଲି ଅନେକ ଲୋକ ଅଦ୍ଭୁତ କାରଣ ପାଇଁ ଅଦାଲତର ଦ୍ୱାରସ୍ଥ ହେଉଛନ୍ତି । ଏବେ ମୁମ୍ବାଇରେ ଏଭଳି ଏକ ଘଟଣା ସାମ୍ନାକୁ ଆସିଛି । ସେଠାରେ ରାଫେଲ ସାମୁଏଲ ନାମକ ଜଣେ ୨୭ ବର୍ଷୀୟ ଯୁବକ ନିଜର ମାଆବାପାଙ୍କ ବିରୋଧରେ ଅଦାଲତରେ ମାମଲା ଦାୟର କରିବେ ବୋଲି ସୂଚନା ଦେଇଛନ୍ତି । ଏକ ଫେସବୁକ୍‌ ପୋଷ୍ଟ ମାଧ୍ୟମରେ ସେ କହିଛନ୍ତି କି ତାଙ୍କର ବିନା ସ୍ୱୀକୃତିରେ ତାଙ୍କୁ ଜନ୍ମ ଦେଇଥିବାରୁ ସେ ଏଥିପାଇଁ ତାଙ୍କ ମାଆବାପାଙ୍କ ବିରୋଧରେ ମାମଲା ଦାୟର କରିବେ ।
ସାମୁଏଲ କହିଛନ୍ତି କି ତାଙ୍କ ପିତାମାତାଙ୍କ ସହିତ ତାଙ୍କର ସମ୍ପର୍କ ଖୁବ୍‌ ଭଲ ଅଛି ଏବଂ ସେ ବ୍ୟକ୍ତିଗତ ଜୀବନରେ ବି ବହୁତ ଖୁସି ଅଛନ୍ତି । କିନ୍ତୁ ସେ ସାମାଜିକ ଓ ଅନ୍ୟ କାରଣରୁ ମଣିଷ ବଂଶବୃଦ୍ଧି କରିବାକୁ ବିରୋଧ କରନ୍ତି । ତାଙ୍କ ଅନୁସାରେ, ମଣିଷର ବଂଶବୃଦ୍ଧି ଯୋଗୁ ପୃଥିବୀର ପରିବେଶ ନଷ୍ଟ ହେଉଛି । ତା’ଛଡା ଅନ୍ୟ ଜଣକୁ ଜୀବନ ଦେଇ ତା’କୁ ବଞ୍ଚିବାକୁ ବାଧ୍ୟ କରିବା ପାଇଁ କୌଣସି ମଣିଷର ଅଧିକାର ନାହିଁ । ସେହିପରି ମଣିଷର ଯୌନସୁଖରୁ ସନ୍ତାନର ଜନ୍ମ ହେଉଥିବାରୁ ସେ ଏହାକୁ ବିରୋଧ କରନ୍ତି । ତେଣୁ ସେ ସମସ୍ତଙ୍କୁ ଜଣାଇବାକୁ ଚାହାନ୍ତି କି କୌଣସି ସନ୍ତାନ ନିଜ ପିତାମାତାଙ୍କ ନିକଟରେ ଋଣୀ ନୁହନ୍ତି । କାରଣ ପିତାମାତା କେବଳ ନିଜର ଆନନ୍ଦ ପାଇଁ ସନ୍ତାନମାନଙ୍କୁ ଜନ୍ମ ଦେଇଛନ୍ତି ।
ସେ ପ୍ରଶ୍ନ କରିଛନ୍ତି କି ଏକ ଦମ୍ପତି ନିଜର ଆନନ୍ଦ ପାଇଁ ଅନ୍ୟ ଜଣକୁ ପୃଥିବୀ ପୃଷ୍ଠକୁ କାହିଁକି ଆଣିବେ? ଜଣକର ଇଛା ନଜାଣି ତା’କୁ ଜନ୍ମ ଦେବା ଏବଂ ତା’କୁ ଶିକ୍ଷାଲାଭ କରିବା ଓ କ୍ୟାରିଅର ଗଢ଼ିବାକୁ ବାଧ୍ୟ କରିବା କ’ଣ ଦାସତ୍ୱ ପ୍ରଥା ସହିତ ସମାନ ନୁହେଁ କି? ସାମୁଏଲ ‘ ନିହିଲାନନ୍ଦ’ ନାମରେ ଏକ ଫେସବୁକ୍‌ ପେଜ୍‌ ତିଆରି କରି ତା’ ମାଧ୍ୟମରେ ଏ ପ୍ରକାର ବିଚାରଧାରାର ପ୍ରସାର କରାଉଛନ୍ତି ।

ସମ୍ବନ୍ଧିତ ଖବର