‘ଦସରା’ରୁ ନାନୀଙ୍କ ନୂଆ ପୋଷ୍ଟର୍ ରିଲିଜ୍, ଏହି ଦିନ ସାମ୍ନାକୁ ଆସିବ ଫିଲ୍ମର ଟିଜର
msn
ନୂଆଦିଲ୍ଲୀ ୨୮/୦୧: ସାଉଥ ସୁପରଷ୍ଟାର ନାନୀଙ୍କ ଆକ୍ସନ୍ ଫିଲ୍ମ ‘ଦସରା’କୁ ଫ୍ୟାନ୍ସ ଉତ୍ସାହର ସହିତ ଅପେକ୍ଷା କରିଛନ୍ତି। ଫିଲ୍ମ ରିଲିଜ ହେବାକୁ ସମୟ ଅଛି, କିନ୍ତୁ ଏହାର ଦମଦାର ପୋଷ୍ଟର ରିଲିଜ ହୋଇଛି ଏବଂ ଫିଲ୍ମର ଟିଜରର ରିଲିଜ ତାରିଖ ମଧ୍ୟ ଘୋଷଣା କରାଯାଇଛି। ନାନୀଙ୍କ ଏହି ପାନ୍ ଇଣ୍ଡିଆ ଫିଲ୍ମକୁ ଶ୍ରୀକାନ୍ତ ଓଡେଲା ନିର୍ଦ୍ଦେଶନା ଦେଇଛନ୍ତି।
ନିର୍ମାତା ‘ଦସରା’ର ଟିଜର ରିଲିଜ୍ ତାରିଖ ଘୋଷଣା କରିଛନ୍ତି। ଜାନୁଆରୀ ୩୦ ରେ ଫିଲ୍ମର ଟିଜର ରିଲିଜ ହେବ ବୋଲି ଘୋଷଣା କରିବା ସହ ନାନି ଏବଂ ନିର୍ମାତା ଏକ ନୂଆ ପୋଷ୍ଟର ରିଲିଜ କରିଛନ୍ତି। ଫିଲ୍ମର ଲାଟେଷ୍ଟ ପୋଷ୍ଟରରେ ନାନି ତାଙ୍କ ହାତରେ ଏକ ବାଡ଼ି ଧରି ବାଇକରେ ବସିଛନ୍ତି। ତାଙ୍କ ଲୁକ୍ ଖୁବ୍ ଚମତ୍କାର ଦେଖାଯାଇଛି।
ଏଥିସହିତ ଏକ ଭିଡିଓ ମଧ୍ୟ ସେୟାର କରାଯାଇଛି। ଯେଉଁଥିରେ, ଜଣେ ବୃଦ୍ଧ ଗ୍ରାମବାସୀଙ୍କୁ ଏକ ବିଡି ଜଳାଉଥିବା ଦେଖାଯାଇଛି। ଯେତେବେଳେ ସେ ଦିଆସିଲି ଲଗାଇ ଫିଙ୍ଗିଛନ୍ତି, ନିଆଁ ଲାଗିଯାଇଛି ଏବଂ ଶେଷରେ ଟିଜର ତାରିଖ ଦେଖାଯାଇଛି।
‘ଦସରା’ରେ ନାନୀଙ୍କ ସହ କିର୍ତ୍ତୀ ସୁରେଶ ଏବଂ ଦୀକ୍ଷିତ ଶେଟ୍ଟୀ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏହି ଫିଲ୍ମଟି ଶ୍ରୀ ଲକ୍ଷ୍ମୀ ଭେଙ୍କଟେଶ୍ୱର ସିନେମା ବ୍ୟାନରରେ ସୁଧାକର ଚେରୁକୁରି ଦ୍ୱାରା ନିର୍ମିତ ହେଉଛି। ଫିଲ୍ମର ସୁଟିଂ ଶେଷ ହୋଇସାରିଛି।
