ମୁମ୍ବାଇ ୭/୨: ଦେଶର ପ୍ରସିଦ୍ଧ ନିବେଶକ ରାକେଶ ଝୁନଝୁନୱାଲା କହିଛନ୍ତି ଆଗାମୀ ଲୋକସଭା ନିର୍ବାଚନରେ ବିଜେପି ନିର୍ବାଚନ ଜିତିବ ଏବଂ ପୁଣିଥରେ ମୋଦି ପ୍ରଧାନମନ୍ତ୍ରୀ ହେବେ । ସେ ଏକଥା ମଧ୍ୟ କହିଛନ୍ତି ଯେ ଲୋକସଭା ନିର୍ବାଚନର ରେଜଲ୍ଟ ସମସ୍ତଙ୍କୁ ଚକିତ କରିବ । ସେ ଟଙ୍କାର ଅସ୍ଥିରତାକୁ ବିକାଶ ପାଇଁ ବିପଦ ବୋଲି କହିଛନ୍ତି । ମୁମ୍ବାଇରେ ବୁଧବାର ହୋଇଥିବା ଟାଇକୋନ୍ ସମିତିରେ ସେ ଏକଥା କହିଛନ୍ତି ।
ଝୁନଝୁନୱାଲା କହିଛନ୍ତି ଯେ ଡେମୋଗ୍ରାଫିକ ଇଭୋଲ୍ୟୁସନ୍ ମାମଲାରେ ଭାରତ ସବୁଠାରୁ ସ୍ଥିର ସ୍ଥିତିରେ ରହିଛି । ସେ କହିଛନ୍ତି ଯେ ‘ସ୍ୱାଧୀନତା ପରେ ପ୍ରତି ଦଶକରେ ଭାରତ ବିକାଶର ପାହାଚ ଚଢିବାରେ ଲାଗିଛି’ ।
{"id":2686}ଫେମସ୍ ନିବେଶକ ଜଣଙ୍କ କହିଛନ୍ତି ବିକାଶ ଓ ସମୃଦ୍ଧି ସେତିକିବେଳେ ଆସିଥାଏ ଯେତେବେଳେ ବ୍ୟବସ୍ଥାରେ ଜୁଆର-ଭଟ୍ଟା ଆସିଥାଏ ଯେମିତିକି ଭାରତ ଓ ଆମେରିକାରେ ହୋଇଥିଲା । ସେ କହିଛନ୍ତି ଯେ ଭାରତର ବିକାଶରେ ଗଣତନ୍ତ୍ର, ଉଦ୍ୟମ ଓ ପ୍ରାକୃତିକ ସଂଶାଧନର ବଡ ଯୋଗଦାନ ରହିଛି । ସେ ଏକଥା ମଧ୍ୟ କହିଛନ୍ତି ଯେ ଯୁଦ୍ଧ କିମ୍ବା ଅଶୋଧିତ ତୈଳର ମୂଲ୍ୟ ଯୋଗୁଁ ବ୍ୟାପାରରେ କୌଣସି ପ୍ରଭାବ ପଡିବନି ।