PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ସୁକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ, ୪ ହାର୍ଡକୋର ମାଓବାଦୀ ନିହତ
  • ||
  • ସମ୍ଵଲପୁର : ମୌର୍ଯ୍ୟ ରେସିଡେନ୍ସରୁ ଚୋରି ଅଭିଯୋଗ, ସିସିଟିଭି ତାଡ଼ି ନେଇଗଲେ ଲୁଟେରା
  • ||
  • ଭୁବନ : ଚୋରା କୋଇଲା ବୋଝେଇ ୪୦୭ ଜବତ, ଡ୍ରାଇଭର୍ ଓ ହେଲପର ଗିରଫ
  • ||
  • କେନ୍ଦୁଝର : କେନ୍ଦୁଝର ରାଜ ଉଆସରୁ ୨ଟି ବିରାଟକାୟ ଅଜଗର ସାପ ଉଦ୍ଧାର
  • ||

ସ୍କୁଲ୍‌ରେ ଉତ୍ତେଜନା, ଦଳିତ ଛାତ୍ରଛାତ୍ରୀଙ୍କ ଭୋଗ ଲଗାଇଲେନି

ଦଶପଲ୍ଲା,୧୧ା୨(ଆପ୍ର): ନୟାଗଡ଼ ଜିଲ୍ଳା ଦଶପଲ୍ଲାରୁ ୪୦ କିଲୋମିଟର ଦୂର ଆଦିବାସୀବହୁଳ ବାଣୀଗୋଚ୍ଛା ପଞ୍ଚାୟତର ବୁରୁପାଲୁ ଗ୍ରାମରେ ଥିବା ବୁରୁପାଲୁ ଆଶ୍ରମ ସ୍କୁଲରେ ସରସ୍ୱତୀ ପୂଜାରେ ଦଳିତ ଛାତ୍ରଛାତ୍ରୀଙ୍କ ଭୋଗ ନ ଲାଗିବାକୁ କେନ୍ଦ୍ର କରି ଉତ୍ତେଜନା ପ୍ରକାଶ ପାଇଛି । ଏହାର ପ୍ରତିବାଦରେ ଆଜି ସଂପୃକ୍ତ ଛାତ୍ରଛାତ୍ରୀ ଓ ଅଭିଭାବକମାନେ ବିଦ୍ୟାଳୟ ସମ୍ମୁଖରେ ଧାରଣା ଦେଇଥିଲେ । ପ୍ରଧାନଶିକ୍ଷକ ବିଦ୍ୟାଳୟକୁ ନ ଆସିବାରୁ ସେମାନେ ଫେରି ଯାଇଥିବା ଜଣାଯାଇଛି । ଏ ନେଇ ଛାତ୍ରଛାତ୍ରୀ, ଅଭିଭାବକ, ୱାର୍ଡସଭ୍ୟ ଓ ଗ୍ରାମବାସୀ ବିଭାଗୀୟ ଅଧିକାରୀଙ୍କୁ ଲିଖିତ ଭାବେ ଅଭିଯୋଗ କରିଛନ୍ତି ।
ଅଭିଯୋଗରୁ ପ୍ରକାଶ, ରବିବାର ସରସ୍ୱତୀ ପୂଜା ଅବସରରେ ଦଳିତ ବର୍ଗର ଛାତ୍ରଛାତ୍ରୀମାନେ ବିଦ୍ୟାଳୟକୁ ପୂଜା ନିମନ୍ତେ ଭୋଗ ନେଇ ଯାଇଥିଲେ । ବିଦ୍ୟାଳୟର ପ୍ରଧାନଶିକ୍ଷକ କୁଆଡ଼େ ସେମାନଙ୍କର ଭୋଗ ସରସ୍ୱତୀଙ୍କ ପାଖରେ ଲାଗି ପାରିବ ନାହିଁ ବୋଲି କହିବାରୁ ଛାତ୍ରଛାତ୍ରୀମାନେ ଘରକୁ ଫେରି ଏ ସମ୍ପର୍କରେ ଅଭିଭାବକଙ୍କୁ ଜଣାଇଥିଲେ । ଏହାର ପ୍ରତିବାଦରେ ଆଜି ସଂପୃକ୍ତ ଛାତ୍ରଛାତ୍ରୀ, ସେମାନଙ୍କର ଅଭିଭାବକ ଓ ଗ୍ରାମବାସୀ ବିଦ୍ୟାଳୟ ଆଗରେ ଧାରଣା ଦେଇଥିଲେ । ପ୍ରଧାନଶିକ୍ଷକ ବିଦ୍ୟାଳୟକୁ ନଆସିବାରୁ ସେମାନେ ଫେରି ଯାଇଥିଲେ । ଏଭଳି ଅଭିଯୋଗ ସମ୍ପର୍କରେ ପ୍ରଧାନଶିକ୍ଷକଙ୍କୁ ତାଙ୍କ ମୋବାଇଲ୍‌ରେ ବାରମ୍ବାର ଯୋଗାଯୋଗ କରାଯାଇଥିଲେ ହେଁ ତାହା ସୁଇଚ୍‌ ଅଫ୍‌ ରହିଥିବାରୁ ତାଙ୍କର ମତାମତ ନିଆଯାଇ ପାରିନାହିଁ । ଏହାକୁ ନେଇ ସଂପୃକ୍ତ ଅଞ୍ଚଳରେ ଉତ୍ତେଜନା ଲାଗି ରହିଛି ।