PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଏକନାଥ ସିନ୍ଦେ, ଶପଥ ପାଠ କରାଇଲେ ରାଜ୍ୟପାଳ
  • ||
  • ଦେବେନ୍ଦ୍ର ଫଡନବିସ୍ ହେବେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ , ଟ୍ୱିଟ୍‌ କରି ସୂଚନା ଦେଲେ ଜେପି ନଡ୍ଡା
  • ||
  • ପୁଣି ଭୁବନେଶ୍ୱରରେ ମାସ୍କ ପିନ୍ଧିବା ବାଧ୍ୟତାମୂଳକ, କୋଭିଡ୍ ସଂକ୍ରମଣ ବଢ଼ିବାରୁ କଟକଣା ଜାରି । ମଲ୍ , ଦୋକାନ, ସରକାରୀ ଓ ଘରୋଇ ଅଫିସରେ କଟକଣା ପାଳନ ନିର୍ଦ୍ଦେଶ। ସର୍ବସାଧାରଣ ସ୍ଥାନରେ ୨ ମିଟର ସାମାଜିକ ଦୂରତା ନିର୍ଦ୍ଦେଶ
  • ||
  • ଏକନାଥ ସିନ୍ଦେ ହେବେ ମହାରାଷ୍ଟ୍ର ମୁଖ୍ୟମନ୍ତ୍ରୀ , ପ୍ରେସ୍‌ମିଟ୍‌ରେ ଦେବେନ୍ଦ୍ର ଫଡନବିସ୍‌ଙ୍କ ଘୋଷଣା
  • ||
  • ପୁରୀ : ଅଟକିଛି ପେଟା ନାଳର ପୁନରୁଦ୍ଧାର ଓ ସୌନ୍ଦର୍ଯ୍ୟକରଣ କାର୍ଯ୍ୟ, ନାଳ ଭିତରେ ପଶି ପ୍ରତିବାଦ କଲେ ମହମ୍ମଦ ମୋକିମ୍
  • ||
  • ପୁରୀ : ରଥଯାତ୍ରା ପାଇଁ ସ୍ଵାସ୍ଥ୍ୟ ବିଭାଗର ସ୍ଵତନ୍ତ୍ର ବ୍ୟବସ୍ଥା, କୋଭିଡ୍ ପାଇଁ ପ୍ରସ୍ତୁତ ଅଛି ସ୍ଵତନ୍ତ୍ର ବେଡ୍
  • ||
  • ମୋରଡ଼ା : ମୋରଡ଼ାରେ ଥମୁନି ହାତୀ ଉପଦ୍ରବ, ଦନ୍ତା ଆକ୍ରମଣରେ ୨ ମୃତ
  • ||
  • ପୁରୀ : ରଥଖଳାକୁ ବିଜେ ହେଲା ଆଜ୍ଞାମାଳ, ସିଂହଦ୍ଵାର ସମ୍ମୁଖକୁ ଆସିବେ ୩ ରଥ
  • ||
  • ପୁରୀ : ରଥଯାତ୍ରା ପାଇଁ ଟ୍ରାଫିକ୍ ଓ ପାର୍କିଂ ବ୍ୟବସ୍ଥା, ମାଳତିପାଟପୁର ବସଷ୍ଟାଣ୍ଡରେ ରହିବେ ରାଜ୍ୟ ବାହାରୁ ଆସୁଥିବା ଯାତ୍ରୀବାହି ବସ୍
  • ||
  • ଭୁବନେଶ୍ଵର : ବିଏମସିର ଡ୍ରାଇ ଡେ ପାଳନ, ମଶା ବଂଶ ବୃଦ୍ଧିକୁ ନାଶ କରିବାକୁ ରାଜଧାନୀବାସୀଙ୍କୁ ଆହ୍ଵାନ କଲେ ବିଏମସି କମିଶନର
  • ||
  • ଭୁବନେଶ୍ଵର : କଂଗ୍ରେସକୁ ଝଟ୍‌କା, ଦଳର ସମ୍ପାଦକ ପଦରୁ ଇସ୍ତଫା ଦେଲେ ମହମ୍ମଦ ମୋକିମ୍
  • ||

ସାବାଡ୍‌ ହେବେ ମଦୁଆ ଡ୍ରାଇଭର; ଜରିମାନା ସହ ମାମଲା ରୁଜୁ ହେବ

କଟକ,୧୬ା୬(ବ୍ୟୁରୋ): ମଦୁଆ ଗାଡ଼ି ଡ୍ରାଇଭରଙ୍କ ଯୋଗୁଁ ଅଧିକାଂଶ ଦୁର୍ଘଟଣା ଘଟୁଥିବାରୁ ସେମାନଙ୍କୁ ସାବାଡ୍‌ କରିବା ପାଇଁ ସରକାର କଡ଼ା ପଦକ୍ଷେପ ଗ୍ରହଣ କରୁଛନ୍ତି । ଗାଡ଼ି ଯାଞ୍ଚ ବେଳେ ଧରାପଡ଼ୁଥିବା ମଦୁଆ ଚାଳକଙ୍କୁ ଏବେ କେବଳ ଜରିମାନାରେ ଦଣ୍ଡିତ କରାଯିବ ନାହିଁ । ଜରିମାନା ସହ ସେମାନଙ୍କ ନାମରେ ମାମଲା ଦାୟର କରାଯିବ । କେବଳ ସେତିକି ନୁହେଁ, ସେମାନଙ୍କୁ ଦୋଷୀ ସାବ୍ୟସ୍ତ କରିବା ପାଇଁ ପଦକ୍ଷେପ ନେବାକୁ ସରକାରଙ୍କ ପକ୍ଷରୁ ଏମ୍‌ଭିଆଇ ମାନଙ୍କୁ ନିର୍ଦ୍ଦେଶ ଜାରି ହୋଇଛି । ଏଥିପାଇଁ ଆବଶ୍ୟକୀୟ ସମସ୍ତ ପ୍ରକାର ସାକ୍ଷ୍ୟ ଓ ପ୍ରମାଣ ଯୋଗାଡ଼ କରି କୋର୍ଟଙ୍କ ସମ୍ମୁଖରେ ରଖିବା ନେଇ ନିର୍ଦ୍ଦେଶ ଦିଆଯାଇଛି ।

ରାଜପଥ ତଥା ସହର ମଧ୍ୟରେ ହେଉଥିବା ଦୁର୍ଘଟଣାର ପ୍ରାୟ ୮୦ ପ୍ରତିଶତ ଘଟଣାରେ ଗାଡ଼ି ଚାଳକ ମଦ୍ୟପାନ କରିଥିବା ଏକ ସରକାରୀ ରିପୋର୍ଟରେ ଦର୍ଶାଯାଇଛି । ଦୁଇ ଚକିଆ ଗାଡ଼ି ଚାଳକ ହୁଅନ୍ତୁ ବା ବଡ଼ ଗାଡ଼ି ଦୁର୍ଘଟଣାର ଶିକାର ହେଉଥିବା ଗାଡ଼ି ଗୁଡ଼ିକର ଚାଳକମାନେ ମଦ୍ୟପାନ କରୁଥିବା ବିଷୟ ଡାକ୍ତରୀ ରିପୋର୍ଟରେ ଆସୁଛି । ତେଣୁ ସରକାର ଗଲା କିଛି ମାସ ହେବ ମଦୁଆ ଗାଡ଼ି ଚାଳକଙ୍କ ଉପରେ ଅଙ୍କୁଶ ଲଗାଇବା ପାଇଁ ରାଜପଥ ଓ ମୁଖ୍ୟ ସଡ଼କ ଗୁଡ଼ିକରେ ଯାଞ୍ଚ କରୁଛନ୍ତି । ଏଥି ପାଇଁ କ୍ରାଇମବ୍ରାଞ୍ଚ ପକ୍ଷରୁ ସବୁ ରାଜ୍ୟର ପ୍ରାୟ ଅଧାରୁ ଅଧିକ ଥାନାକୁ ଏକାଧିକ ବ୍ରେଥ୍‌ ଆନାଲାଇଜର ମେସିନ୍‌ (ମଦ୍ୟପାନ ଯାଞ୍ଚ ଯନ୍ତ୍ର) ପ୍ରଦାନ କରାଯାଇଛି । ଏହି କ୍ରମରେ ସବୁ ଥାନା ପକ୍ଷରୁ ବଡ଼ଗାଡ଼ି ଚାଳକଙ୍କ ରାସ୍ତାରେ ଅଟକାଯାଇ ଯାଞ୍ଚ ହେଉଛି । ସେହିପରି ଏମ୍‌ଭିଆଇମାନେ ମଧ୍ୟ ଏଭଳି ଯାଞ୍ଚ କରୁଛନ୍ତି । ଏପରିକି କିଛି ସହର ମଧ୍ୟରେ କାର୍‌ ଓ ବାଇକ୍‌ ଆରୋହୀଙ୍କୁ ମଧ୍ୟ ଯାଞ୍ଚ କରାଯାଉଛି । ତେବେ ଏହି ଯାଞ୍ଚ ପରେ ଚାଳକ ଜଣକ ମଦ୍ୟପାନ କରିଥିବା ଜଣାପଡ଼ିଲେ ତୁରନ୍ତ ଜରିମାନା କାଟି ଛାଡ଼ି ଦିଆଯାଉଛି । ମାତ୍ର ଏବେ ଗାଡ଼ି ଚାଳକଙ୍କଠାରୁ କେବଳ ଫାଇନ୍‌ ଆଦାୟ ହେବନି । ଉକ୍ତ ଚାଳକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ସରକାର ନିଷ୍ପତ୍ତି ନେଇଛନ୍ତି । ତେଣୁ ରାସ୍ତାରେ ଯେଉଁଠାରେ ମଦ୍ୟପମାନେ ଧରା ହେଉଛନ୍ତି ସେମାନଙ୍କ ନାମରେ ମାମଲା ରୁଜୁ କରି କୋର୍ଟ ଦୋଷୀ ସାବ୍ୟସ୍ତ କରିବା ପର୍ଯ୍ୟନ୍ତ ପଦକ୍ଷେପ ନେବାକୁ ସରକାର ସ୍ଥିର କରିଛନ୍ତି ।

ଏମ୍‌ଭି (ମୋଟର ଭେଇକିଲ୍‌ )ଆକ୍ଟର ୧୮୫ ଧାରାରେ ଆଇନଗତ କାର୍ଯ୍ୟାନୁଷ୍ଠାନ ନେବାକୁ ସରକାର ସବୁ ଏମ୍‌ଭିଆଇ ମାନଙ୍କୁ ନିର୍ଦ୍ଦେଶ ଦେଇଛନ୍ତି । ତେଣୁ ଆଗକୁ ମଦୁଆ ଗାଡ଼ି ଚାଳକମାନେ ରାସ୍ତାରେ ଧରା ହେବା ମାତ୍ରେ ବ୍ରେଥ୍‌ ଆନାଲାଇଜର ମେସିନ୍‌ ଦେଉଥିବା ରିପୋର୍ଟ ଓ ପାଖରେ ଥିବା ସାକ୍ଷୀଙ୍କୁ ଆଧାର କରି କୋର୍ଟରେ ମାମଲା ଚଲାଇବାକୁ ଏହି ନିର୍ଦ୍ଦେଶନାମାରେ ସ୍ପଷ୍ଟ ହୋଇଛି । କୋର୍ଟରେ ମଦୁଆ ଚାଳକ ମାନେ ଦୋଷୀ ସାବ୍ୟସ୍ତ ହେଲା ପରେ ଧିରେ ଧିରେ ଗାଡ଼ି ଚାଳନା ବେଳେ ମଦ୍ୟପାନ କମିବ ଓ ଦୁର୍ଘଟଣା ହ୍ରାସ ପାଇବ ବୋଲି ସରକାରଙ୍କ ପକ୍ଷରୁ ଆଶାବ୍ୟକ୍ତ କରାଯାଇଛି ।

ସମ୍ବନ୍ଧିତ ଖବର