ୱେଲିଂଟନ୍,୧୨/୦୩: ପାକିସ୍ତାନ ବିପକ୍ଷ ୫ମ୍ୟାଚ୍ ବିଶିଷ୍ଟ ଘରୋଇ ଟି-ଟ୍ୱେଣ୍ଟି ସିରିଜ ପାଇଁ ନ୍ୟୁଜିଲାଣ୍ଡ ଦଳ ଘୋଷଣା ହୋଇଛି । ଆଇପିଏଲ୍ କ୍ରୀଡ଼ାସୂଚୀ ପାଇଁ ଡେଭନ କନୱେ, ରଚିନ ରବିନ୍ଦ୍ର, ମିଚେଲ ସାଣ୍ଟନର, ଗ୍ଲେନ୍ ଫିଲିପ୍ସ ଓ ଲୋକି ଫର୍ଗୁସନ ଏହି ସିରିଜ ଖେଳିବେ ନାହିଁ ।
ସେହିପରି କେନ୍ ୱିଲିୟମସନ୍ ପିଏସ୍ଏଲ୍ ଖେଳିବାକୁ ଚୁକ୍ତି କରିଛନ୍ତି । ଫଳରେ ଅଲରାଉଣ୍ଡର ମାଇକେଲ ବ୍ରେସୱେଲଙ୍କୁ ଦଳର ନେତୃତ୍ୱ ଦାୟିତ୍ୱ ପ୍ରଦାନ କରାଯାଇଛି । ପେସ୍ ବୋଲର ବେନ୍ ସିୟର୍ସ, ସ୍ପିନର ଆଇସ୍ ସୋଧି, ବ୍ୟାଟର ଟିମ୍ ସାଇଫର୍ଟ, ଫିନ୍ ଆଲେନ୍ ଓ ଜେମ୍ସ ନୀଶମ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି । ଆସନ୍ତା ୧୬ ତାରିଖ ଖ୍ରୀଷ୍ଟଚର୍ଚ୍ଚରେ ଉଭୟ ଦଳ ମଧ୍ୟରେ ପ୍ରଥମ ଟି-ଟ୍ୱେଣ୍ଟି ଖେଳାଯିବ । ଏହାପରେ ୧୮, ୨୧, ୨୩, ୨୬ତାରିଖରେ ଶେଷ ୪ଟି ମ୍ୟାଚ୍ ଅନୁଷ୍ଠିତ ହେବ । ଟି-ଟ୍ୱେଣ୍ଟି ସିରିଜ ପରେ ଉଭୟ ଦଳ ମଧ୍ୟରେ ୩ଟି ଦିନିକିଆ ମ୍ୟାଚ୍ ଖେଳାଯିବ।
ନ୍ୟୁଜିଲାଣ୍ଡ ଦଳ: ମାଇକେଲ ବ୍ରେସୱେଲ (ଅଧିନାୟକ), ଫିନ୍ ଆଲେନ, ମାର୍କ ଚାପମାନ, ଜାକବ ଡଫି, ଜାକ୍ ଫାଉଲକେସ୍ (ଶେଷ ୨ ମ୍ୟାଚ୍), ମିଚ୍ ହାୟ, ମାଟ୍ ହେନରୀ (ଶେଷ ୨ମ୍ୟାଚ୍), କେଲି ଜାମିସନ୍ (ପ୍ରଥମ ୩ମ୍ୟାଚ୍), ଡାରିଲ ମିଚେଲ, ଜିମ୍ମି ନୀଶମ, ୱିଲ୍ ଓ’ରୁର୍କ (ପ୍ରଥମ ୩ମ୍ୟାଚ୍), ଟିମ୍ ରବିନସନ, ବେନ ସିୟର୍ସ, ଟିମ୍ ସାଇଫର୍ଟ, ଆଇସ୍ ସୋଧି ।
