PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ସୁକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ, ୪ ହାର୍ଡକୋର ମାଓବାଦୀ ନିହତ
  • ||
  • ସମ୍ଵଲପୁର : ମୌର୍ଯ୍ୟ ରେସିଡେନ୍ସରୁ ଚୋରି ଅଭିଯୋଗ, ସିସିଟିଭି ତାଡ଼ି ନେଇଗଲେ ଲୁଟେରା
  • ||
  • ଭୁବନ : ଚୋରା କୋଇଲା ବୋଝେଇ ୪୦୭ ଜବତ, ଡ୍ରାଇଭର୍ ଓ ହେଲପର ଗିରଫ
  • ||
  • କେନ୍ଦୁଝର : କେନ୍ଦୁଝର ରାଜ ଉଆସରୁ ୨ଟି ବିରାଟକାୟ ଅଜଗର ସାପ ଉଦ୍ଧାର
  • ||

୬୬ ମୃତ, ୭୬ ଆହତ

ନ୍ୟୁୟର୍କ,୧୯ ।୧(ଏଜେନ୍ସି): ମେକ୍ସିକୋ ସହର ଠାରୁ ୧୨୦ କିମି ଉତ୍ତରରେ ଅବସ୍ଥିତ ଟିଆହୁଲିପାନ ସହରରେ ଶନିବାର ଏକ ଗ୍ୟାସୋଲିନ୍‌ ପାଇପ୍‌ରେ ବିସ୍ଫୋରଣ ହେବାରୁ ୬୬ ଜଣ ବ୍ୟକ୍ତି ପ୍ରାଣ ହରାଇଥିଲାବେଳେ ଆହୁରି ୭୬ ଜଣ ଆହତ ହୋଇଛନ୍ତି । ଏହି ଗ୍ୟାସୋଲିନ୍‌ ପାଇପରେ ବେଆଇନ ଭାବେ କିଛି ଟ୍ୟାପ୍‌ ଲଗାଇ କିଛି ଅସାଧୁ ଲୋକେ ଗ୍ୟାସୋଲିନ୍‌ ଚୋରି କରୁଥିଲାବେଳେ ଏହି ଦୁର୍ଘଟଣା ଘଟିଛି ବୋଲି ପ୍ରାଥମିକ ରିପୋର୍ଟରେ କୁହାଯାଇଛି । ସ୍ଥାନୀୟ ପ୍ରଶାସନ ତରଫରୁ ଏହି ବିସ୍ଫୋରଣ ପରେ ଆଖପାଖ ଅଞ୍ଚଳରୁ ସ୍ଥାନୀୟ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଥିଲା । ଇତିମଧ୍ୟରେ ଘଟଣାସ୍ଥଳରେ ନିଆଁକୁ ଆୟତ୍ତ କରାଯାଇଛି ଏବଂ ମୃତଦେହଗୁଡିକୁ ଉଦ୍ଧାର କରିବା ପାଇଁ ଉଦ୍ୟମ କରାଯାଉଛ ବୋଲି ସୂଚନା ଦିଆଯାଇଛି ।
ଦେଶର ରାଷ୍ଟ୍ରପତି ଆଣ୍ଡ୍ରେସ୍‌ ମାନୁଏଲ ଲୋପେଜ୍‌ ଓବ୍ରାଡର ଦୁର୍ଘଟଣାସ୍ଥଳ ପରିଦର୍ଶନ କରିବା ସହିତ ସଂପୃକ୍ତ ସହରର ସରକାରୀ ଅଧିକାରୀମାନଙ୍କ ସହିତ ଆଲୋଚନା କରିଛନ୍ତି । ସେ କହିଛନ୍ତି କି ଏହି ବିସ୍ଫୋରଣ ଯୋଗୁ ମେକ୍ସିକୋ ସହରରେ ଗ୍ୟାସୋଲିନ୍‌ ଯୋଗାଣ ବାଧାପ୍ରାପ୍ତ ହେବ ନାହିଁ । ଗତ ଦୁଇ ସପ୍ତାହ ଧରି ଦେଶର ଅଧିକାଂଶ ସହରରେ ସରକାର ଗ୍ୟାସୋଲିନ୍‌ ଯୋଗାଣ ବନ୍ଦ ରଖିଥିଲାବେଳେ ଏହି ଦୁର୍ଘଟଣା ଘଟିଛି ।

ସମ୍ବନ୍ଧିତ ଖବର