ନୂଆଦିଲ୍ଲୀ – ନୀତା ଅମ୍ୱାନୀଙ୍କର ଲାଇଫ୍ଷ୍ଟାଇଲ ସର୍ବଦା ଚର୍ଚ୍ଚାରେ ରହିଥାଏ। ତାଙ୍କର କପଡ଼ା ଠାରୁ ନେଇ ଗାଡ଼ି ଯାଏ ସବୁ କିଛିର ଦାମ ଲକ୍ଷ ଲକ୍ଷ ଓ କୋଟି କୋଟି ଟଙ୍କା ହୋଇଥାଏ । ହେଲେ ଆପଣ ନୀତା ଅମ୍ୱାନୀ ପିଉଥିବା ପାଣି ବିଷୟରେ ଜାଣିଲେ ଆଶ୍ଚର୍ଯ୍ୟ ହୋଇଯିବେ । କାରଣ ଏହି ପାଣିର ଦାମ୍ ସହ ବିଶେଷତା ସେମିତି ରହିଛି । ସେ ଯେଉଁ ପାଣି ପିଅନ୍ତି ତାହା କୌଣସି ସାଧାରଣ ପାଣି ନୁହେଁ । ଏହି ପାଣି ଖୁବ୍ ସ୍ୱତନ୍ତ୍ର ପ୍ରକାରର ହୋଇଥାଏ । ଏହି ପାଣିର ଗୋଟିଏ ବୋତଲର ଦାମ୍ କଥା ଯଦି କହିବା ତ ଏହା ଲକ୍ଷ ଲକ୍ଷ ଟଙ୍କାର ହୋଇଥାଏ । ଅନେକ ଲକ୍ଷ ଟଙ୍କା ଖର୍ଚ୍ଚ କରିବା ପରେ ଏହାର କେବଳ ଏକ ଲିଟର ବୋତଲ କିଣିହୁଏ । ଏହା ଏତେ ମହଙ୍ଗା କି ଏତେ ଟଙ୍କାରେ ଆପଣ ଏକ ଭଲ ଘର କିଣି ପାରିବେ ବା ଏକ ଲଗଜରୀ କାର୍ କିଣି ପାରିବେ । ଏତେ ଟଙ୍କା ତ ଲୋକେ ନିଜର ପୂରା ଜୀବନରେ ଆୟ କରିପାରନ୍ତି ନାହିଁ ।
ମିଡ଼ିଆ ରିପୋର୍ଟ ମୁତାବିକ , ନୀତା ଅମ୍ୱାନୀ ଯେଉଁ ପାଣି ପିଅନ୍ତି , ତାର ଦାମ୍ ପାଖାପାଖି ୬୦ ହଜାର ଡଲାର । ଭାରତୀୟ ଟଙ୍କାରେ ଦେଖିବାକୁ ଗଲେ , ଏହା ପାଖାପାଖି ୪୪ ଲକ୍ଷ ଟଙ୍କାର ହୋଇଥାଏ । ଏତେ ଟଙ୍କାରେ ଏହି ପାଣିକୁ କେବଳ ୭୫୦ ଏମଏଲର ହିଁ ବୋତଲ ମିଳିଥାଏ । ନୀତା ଅମ୍ୱାନ ନିଜକୁ ସୁସ୍ଥ ରଖିବା ପାଇଁ Acqua di Cristallo Tributo a Modiglianiର ବୋତଲରୁ ପାଣି ପିଇଥାନ୍ତି । ୨୦୧୦ରେ Acqua di Cristallo Tributo a Modiglianiର ନାମ ଗିନିଜ ବୁକ୍ସରେ ସବୁଠୁ ମହଙ୍ଗା ପାଣି ବୋତଲ ଭାବେ ନାମିତ ହୋଇଥିଲା । ଏହା ବିଶ୍ୱର ସବୁଠୁ ମହଙ୍ଗା ବୋତଲ ମଧ୍ୟରୁ ଗୋଟିଏ । ଏହି ବୋତଲ ସୁନାରେ ତିଆରି ହୋଇଥାଏ । ବୋତଲରେ ମିଳୁଥିବା ପାଣି ଫ୍ରାନ୍ସ ବା ଫିଜିର ହୋଇଥାଏ । କୁହାଯାଏ ଏହି ପାଣିରେ ୫ଗ୍ରାମର ସୁନା ଭସ୍ମ ମିଶା ଯାଇଥାଏ , ଯାହା ଶରୀର ପାଇଁ ଖୁବ୍ ଉପକାରୀ ଭାବେ ଜଣାଯାଏ ।
ଏହି ବୋତଲଟି ଦେଖିବାକୁ ଯେତିକି ସୁନ୍ଦର , ଏହାଠାରୁ ଅଧିକ ସୁନ୍ଦର ଏହାର ଲେଦରର ପ୍ୟାକେଜିଂ । ଯଦି ଏହି ବ୍ରାଣ୍ଡ୍ର ସବୁଠୁ ଶସ୍ତା ବୋତଲ କଥା କହିବା ତ ଏହାର ଦାମ ମଧ୍ୟ ପାଖାପାଖି ୨୮୫ ଡଲାର ହେବ।
