PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ପଲିଥିନ୍‌ କଟକଣା ନା ପ୍ରହସନ ? ସବୁଠି ବେଧଡ଼କ ବିକ୍ରି, କେହି ବି ମାନୁନାହାନ୍ତି…

ଭୁବନେଶ୍ୱର,୮ା୨(ବ୍ୟୁରୋ): ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀରୁ ପଲିଥିନ୍‌ ସାମଗ୍ରୀ ଉପରେ ସରକାର କଟକଣା ଲଗାଇଥିଲେ । ରାଜଧାନୀ ସମେତ ୫ଟି ସହରରେ କଟକଣା ଲାଗିଲା । ପଲିଥିନ୍‌ ସାମଗ୍ରୀର ବିକ୍ରି, ବ୍ୟବହାର, ପରିବହନ ଓ ତିଆରିକୁ ନିଷିଦ୍ଧ ଘୋଷଣା ହେଲା । ପଲିଥିନ୍‌ ବ୍ୟବହାର ବନ୍ଦ ପାଇଁ ବିଏମ୍‌ସି ଓ ପ୍ରଦୂଷଣ ନିୟନ୍ତ୍ରଣ ବୋର୍ଡ ଦାୟିତ୍ୱ ନେଲେ । ପଲିଥିନ୍‌ ବ୍ୟବହାର କଲେ ଜରିମନା ଆଦାୟ କରିବୁ ବୋଲି ବିଏମ୍‌ସି ବାହାସ୍ପୋଟ ମାରିଲା । ହେଲେ ଏହି ଘୋଷଣା ଏବେ ତୁଚ୍ଛା ପ୍ରହସନ ପାଲଟିଛି । ସହର ସାରା ବେଧଡକ ପଲିଥିନ୍‌ ସାମଗ୍ରୀ ବିକ୍ରି ଚାଲିଛି । ହାଟ, ବଜାର, ରାସ୍ତାକଡ଼ ଦୋକାନ, ଯୁଆଡ଼େ ଚାହିଁଲେ ପଲିଥିନ୍‌ କ୍ୟାରି ବ୍ୟାଗ୍‌ରେ ଦୋକାନୀ ବିନା ସଙ୍କୋଚରେ ସାମଗ୍ରୀ ଦେଉଛନ୍ତି । ଦେଖିଲେ ଲାଗୁଛି ଯେମିତି ପଲିଥିନ୍‌କୁ ନେଇ ସହରରେ କୌଣସି କଟକଣା ନାହିଁ । ପୂର୍ବରୁ କିଛି ଦିନ ଯାଏ ବିଏମ୍‌ସି ପଲିଥିନ୍‌କୁ ନେଇ ସହରରେ ତନାଘନା କରିଥିଲା । ପଲିଥିନ୍‌ କଟକଣା ମାନୁନଥିବା ଦୋକାନ ଉପରେ ଚଢ଼ଉ କରି କାର୍ଯ୍ୟାନୁଷ୍ଠାନ ନେଇଥିଲା । ଜୋନ୍‌ସ୍ତରରେ ସ୍କ୍ୱାର୍ଡ ଗଠନ କରି ନିଷିଦ୍ଧ ଘୋଷିତ ପଲିଥିନ୍‌ ସାମଗ୍ରୀ ବିକ୍ରି କରୁଥିବା ଦୋକାନୀଙ୍କଠାରୁ ଜରିମାନା ଆଦାୟ ଚାଲିଲା । ପଲିଥିନ୍‌ କଟକଣାକୁ କାର୍ଯ୍ୟକାରୀ କରିବାକୁ ବିଏମ୍‌ସିରେ ଘନ ଘନ ବୈଠକ ବସିଲା । ମିଶନ ମୋଡ୍‌ରେ ବିଏମ୍‌ସି କାମ ଆରମ୍ଭ କରି ଦେଇଥିଲା । ବିଏମ୍‌ସିର ତନାଘନା ଦେଖି ଦୋକାନୀମାନେ ବି ଛାନିଆ ହୋଇପଡିଥିଲେ । କିଏ ନିଜ ଆଡୁ ଆଉ କିଏ ଜରିମାନା ଓ କାର୍ଯ୍ୟାନୁଷ୍ଠାନ ଭୟରେ ପଲିଥିନ୍‌ ସାମଗ୍ରୀ ବିକ୍ରି କରିବା ବନ୍ଦ କରି ଦେଇଥିଲେ । ପଲିଥିନ୍‌ର ବିକଳ୍ପ ଭାବେ କାଗଜ ଠୁଙ୍ଗା ଓ ଅନ୍ୟ ସାମଗ୍ରୀ ବଜାରକୁ ଆସିଲା ।

OLYMPUS DIGITAL CAMERA


ଦୋକାନୀମାନେ ଏହାକୁ ଆପଣାଇବାକୁ ଲାଗିଲେ । ଲୋକେ ବି ଧୀରେ ଧୀରେ ଏହା ସହ ଅଭ୍ୟସ୍ତ ହେଉଥିଲେ । କିନ୍ତୁ ଦିନ କେଇଟା ପରେ ବିଏମ୍‌ସିର କାର୍ଯ୍ୟାନୁଷ୍ଠାନ ଠପ୍‌ ହୋଇଗଲା । ପଲିଥିନ୍‌ ବ୍ୟବହାର କଲେ ଜରିମାନା ସହ ଲାଇସେନ୍ସ ବାତିଲ କରିବ ବୋଲି ବିଏମ୍‌ସି ଘୋଷଣା କରିଥିଲା । କିନ୍ତୁ ବିଏମ୍‌ସିର ଏହି ବାହାସ୍ପୋଟ ଉଡ଼ିଗଲା । ଲାଇସେନ୍ସ ବାତିଲ ତ ଦୂର, ଦୋକାନ ଯାଞ୍ଚ ପାଇଁ ଏବେ ବିଏମସି ଅଫିସର ଓ କର୍ମଚାରୀଙ୍କୁ ସମୟ ନାହିଁ । ଆଉ ଏହାର ଫଳ, ଏବେ ସବୁଠି ବେଧଡକ ଭାବେ ପଲିଥିନ୍‌ ବିକ୍ରି ଓ ବ୍ୟବହାର ପୁଣି ଆରମ୍ଭ ହୋଇଯାଇଛି । ପ୍ରଦୂଷଣ ନିୟନ୍ତ୍ରଣ ବୋର୍ଡ ବି ଶୋଇପଡ଼ିଛି । ପଲିଥିନ୍‌ ଉତ୍ପାଦନ ଉପରେ ରୋକ୍‌ ଲଗାଇବା ହେଉ କି ସହରକୁ ପଲିଥିନ୍‌ ସାମଗ୍ରୀ କେଉଁଠୁ ଆସୁଛି ତାର ଯାଞ୍ଚ କରି କାର୍ଯ୍ୟାନୁଷ୍ଠାନ ନେବାକୁ ପଛଘୁଞ୍ଚା ଦେଉଛି । ବିଏମ୍‌ସିର ଜଣେ ବରିଷ୍ଠ ଅଧିକାରୀଙ୍କୁ ଏ ସମ୍ପର୍କରେ ପଚାରିବାରୁ ସେ ଏହାକୁ ଅତି ହାଲୁକା ଭାବେ ନେଇଛନ୍ତି । ପଲିଥିନ୍‌ କଟକଣାକୁ କାର୍ଯ୍ୟକାରୀ ପାଇଁ ଆମେ ଡେପୁଟି ଜୋନାଲ ଅଫିସରଙ୍କୁ କହିଛୁ । ଦାୟିତ୍ୱରେ ଥିବା ଅଫିସରମାନେ ନିର୍ବାଚନ ପ୍ରଶିକ୍ଷଣରେ ଯାଇଛନ୍ତି । ସେମାନେ ଆସିଲେ ଆମେ ଯାହା କରିବୁ ବୋଲି ସେ କହିଛନ୍ତି ।