PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

ସରକାରୀ କର୍ମଚାରୀଙ୍କୁ ଲାଗିଲା ଜିପିଏଫ୍ ଝଟକା; ଏହି କର୍ମଚାରୀଙ୍କୁ ସହିବାକୁ ପଡ଼ିବ କ୍ଷତି

ନୂଆଦିଲ୍ଲୀ,୧୭।୭: ସରକାରୀ କର୍ମଚାରୀଙ୍କୁ ଏବେ ଲାଗିଲା ଝଟକା। ମୋଦି ସରକାର ସରକାରୀ କର୍ମଚାରୀଙ୍କୁ ଝଟକା ଦେଇ ଜେନେରାଲ ପ୍ରୋଭିଡେଣ୍ଟ ଫଣ୍ଡ(ଜିପିଏଫ୍‌) ଓ ଏଥିସହିତ ଜଡ଼ିତ ଅନ୍ୟ ଫଣ୍ଡ ଉପରେ ମିଳୁଥିବା ସୁଧ ହାରରେ ୧୦ ବେସିସ୍‌ ପଏଣ୍ଟ ହ୍ରାସ କରିଛନ୍ତି। ଗତ ତିନୋଟି ତ୍ରୈମାସରେ ଜିପିଏଫ୍‌ ଉପରେ ୮ ପ୍ରତିଶତ ସୁଧ ହାର ମିଳୁଥିବା ବେଳେ ଚଳିତ ଆର୍ଥିକ ବର୍ଷର ଦ୍ୱିତୀୟ ତ୍ରୈମାସ ଲାଗି ସୁଧ ହାର ୭.୯% ଘୋଷଣା କରାଯାଇଛି। ସୁଧ ହାର ହ୍ରାସ ଯୋଗୁ କେନ୍ଦ୍ର ସରକାରୀ, ରେଲଓ୍ବେ ଓ ପ୍ରତିରକ୍ଷା କ୍ଷେତ୍ରରେ କାର୍ଯ୍ୟରତ ଲକ୍ଷ ଲକ୍ଷ କର୍ମଚାରୀଙ୍କୁ କ୍ଷତି ହେବ।

ତେବେ ​‌ନୂଆ ସୁଧ ହାର ଜୁଲାଇ ପହିଲାରୁ ଲାଗୁ ହେବ ବୋଲି ଅର୍ଥ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ସୂଚନାଥାଉ କି, କେନ୍ଦ୍ର ସରକାରୀ କର୍ମଚାରୀ ନିଜର ପିଏଫ୍‌ ଅର୍ଥାତ ଭବିଷ୍ୟନିଧି ପାଣ୍ଠିରେ ବେତନର ଏକ ଅଂଶବିଶେଷ ଜମା କରିଥାନ୍ତି। ଅବସର ପରେ ସେମାନଙ୍କୁ ସେହି ଅର୍ଥ ପ୍ରଦାନ କରାଯାଇଥାଏ।

୨୦୦୩, ଡିସେମ୍ବର ୩୧ ପୂର୍ବରୁ ନିଯୁକ୍ତ ସମସ୍ତ ସରକାରୀ କର୍ମଚାରୀଙ୍କୁ ଜିପିଏଫ୍‌ ସୁବିଧା ମିଳୁଛି। ଜିପିଏଫ୍‌ ସମେତ ଅନ୍ୟ କେତେକ ଫଣ୍ଡ ତଥା କଣ୍ଟ୍ରିବ୍ୟୁଟୋରୀ ପ୍ରୋଭିଡେଣ୍ଟ ଫଣ୍ଡ(ଇଣ୍ଡିଆ), ଅଲ୍‌ ଇଣ୍ଡିଆ ସର୍ଭିସେସ୍‌ ପ୍ରୋଭିଡେଣ୍ଟ ଫଣ୍ଡ, ଷ୍ଟେଟ୍‌ ରେଲଓ୍ବେ ପ୍ରୋଭିଡେଣ୍ଟ ଫଣ୍ଡ, ଜେନେରାଲ ପ୍ରୋଭିଡେଣ୍ଟ ଫଣ୍ଡ(ଡିଫେନ୍ସ ସର୍ଭିସେସ୍‌), ଇଣ୍ଡିଆନ ଅର୍ଡିନାନ୍ସ ଡିପାର୍ଟମେଣ୍ଟ ପ୍ରୋଭିଡେଣ୍ଟ ଫଣ୍ଡ, ଇଣ୍ଡିଆନ ଅର୍ଡିନାନ୍ସ ଫ୍ୟାକ୍ଟରିଜ ଓ୍ବର୍କମେନ୍ସ ପ୍ରୋଭିଡେଣ୍ଟ ଫଣ୍ଡ, ଇଣ୍ଡିଆନ ନେଭାଲ ଡକ୍‌ୟାର୍ଡ ଓ୍ବର୍କମେନ୍ସ ପ୍ରୋଭିଡେଣ୍ଟ ଫଣ୍ଡ, ଡିଫେନ୍ସ ସର୍ଭିସେସ୍‌ ଅଫିସର୍ସ ପ୍ରୋଭିଡେଣ୍ଟ ଫଣ୍ଡ ଏବଂ ଆର୍ମଡ ଫୋର୍ସେସ୍‌ ପର୍ସନାଲ ପ୍ରୋଭିଡେଣ୍ଟ ଫଣ୍ଡର ସୁଧ ହାର ମଧ୍ୟ ହ୍ରାସ ପାଇଛି।

ଏଥିପୂର୍ବରୁ ୨୦୧୮ ଅକ୍ଟୋବରରେ ଜିପିଏଫ୍‌ ସୁଧ ହାରରେ ପରିବର୍ତ୍ତନ କରାଯାଇ ସୁଧ ହାର ୦.୪% ବୃଦ୍ଧି କରାଯାଇଥିଲା। ଏହା ସେବେଠାରୁ ୮% ରହିଥିଲା। ସୂଚନାଥାଉ କି, କେନ୍ଦ୍ର ସରକାର ଗତ ମାସରେ ପବ୍ଲିକ୍‌ ପ୍ରୋଭିଡେଣ୍ଟ ଫଣ୍ଡ, ନ୍ୟାଶନାଲ ସେଭିଙ୍ଗସ ସାର୍ଟିଫିକେଟ ସମେତ ସମସ୍ତ ସ୍ବଳ୍ପ ସଞ୍ଚୟ ଯୋଜନାର ସୁଧ ହାର ୦.୧% ହ୍ରାସ କରିଥିଲେ।