PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେସିଙ୍ଗା : କେସିଙ୍ଗାରେ ବୃଦ୍ଧି ପାଇବାରେ ଲାଗିଛି ସଟ୍ଟା ଖେଳ ସହିତ ବେଆଇନ ମଦ ବିକ୍ରି, ୩ ଗିରଫ
  • ||
  • କଣ୍ଟାବାଞ୍ଜି : ରାଜ୍ୟ ବାହାରେ ଓଡ଼ିଆ ପରିବାରକୁ ନିର୍ମମ ହତ୍ୟା, ସ୍ଵାମୀ-ସ୍ତ୍ରୀ ସମେତ ଦୁଇ ଛୁଆ ମୃତ
  • ||
  • କଟକ : ବଢିବ ହାଇସିକ୍ୟୁରିଟି ନମ୍ଵର ପ୍ଲେଟ ଅବଧି, ମାସେ ସମୟସୀମା ବୃଦ୍ଧିକଲେ ସରକାର
  • ||

ଏଥର ଅନଲାଇନରେ ବୁକିଂ କରିପାରିବେ ନିଜ ପସନ୍ଦର ସିଟ୍; ମୋବାଇଲରେ ଜଣାପଡ଼ିବ କେଉଁ ବଗିରେ କେତେ ସିଟ୍ ଅଛି ଖାଲି

ରେଳ ବିଭାଗ ପକ୍ଷରୁ ରିଜର୍ବେସନ୍ ବା ସଂରକ୍ଷଣ ଚାର୍ଟର ସୁବିଧାକୁ ଅନଲାଇନ୍ କରି ଦିଆଯାଇଛି। ଏବେ ଆପଣ ନିଜ ମୋବାଇଲରେ ହିଁ ଜାଣିପାରିବେ କି ଟ୍ରେନର କେଉଁ ବଗିରେ କେତେ ସିଟ୍ ଖାଲି ଅଛି। ବର୍ତ୍ତମାନ ପର୍ଯ୍ୟନ୍ତ ସଂରକ୍ଷଣ ଚାର୍ଟ ତିଆରି କରିବା ପରେ ଆପଣ ଖାଲି ଥିବା ସିଟଗୁଡ଼ିକର ତଥ୍ୟ ସଂରକ୍ଷଣ କାଉଣ୍ଟରରୁ ନେଇପାରିଥାନ୍ତେ କିନ୍ତୁ ଏବେ ଏହି କାମକୁ ମୋବାଇଲରେ ହିଁ କରିପାରିବେ।

ଏହାର ଅନ୍ୟ ଏକ ଫାଇଦା ହେଉଛି କି, ସିଟ ବିଷୟରେ ଜାଣିବା ପାଇଁ ହେଲେ ଟିଟିଆଇ ପାଖକୁ ଯିବାକୁ ପଡ଼ିବନାହିଁ। ଯାତ୍ରୀଙ୍କୁ ନିଜ ମୋବାଇଲରେ ଏହା ବି ଜଣାପଡ଼ିଯିବ କି, କେଉଁ ବଗିରେ କେଉଁ ବର୍ଥ ଖାଲି ଅଛି। ଆପଣ ଅନଲାଇନରେ ନିଜ ପସନ୍ଦର ସିଟ୍ ବୁକ୍ କରିପାରିବେ। ଏହିସବୁ ସୁବିଧା ପାଇବାକୁ ହେଲେ ଆପଣଙ୍କୁ ଏମିତି କରିବାକୁ ପଡ଼ିବ।

୧. ପ୍ରଥମେ ଗୁଗୁଲରେ ଆଇଆରସିଟିସି ରିଜର୍ବେସନ୍ ଚାର୍ଟ ଲେଖି ସର୍ଚ କରନ୍ତୁ।

୨. ଏବେ ରିଜର୍ବେସନ୍ ଚାର୍ଟ, ଟ୍ରେନ୍ ଏବଂ ବୋଡିଂ ଷ୍ଟେସନର ତଥ୍ୟ ବା ଇନଫରମେସନ୍ ଦେବାକୁ ପଡ଼ିବ।

୩. ଇନଫରମେସନ୍ ଭରିବା ସମୟରେ ହିଁ ‘ଗେଟ୍ ଟ୍ରେନ୍ ଚାର୍ଟ’ ଅପ୍ସନରେ କ୍ଲିକ୍ କରନ୍ତୁ। ଏଠାରେ ଆପଣଙ୍କୁ ଖାଲି ଥିବା ସିଟର ସମ୍ପୂର୍ଣ୍ଣ ବିବରଣୀ ମିଳିଯିବ।

୪. ଏହା ପରେ ଆପଣ ସେଇଠୁ ହିଁ ଖାଲି ଥିବା ସିଟକୁ ବୁକ୍ କରିପାରିବେ ।

୫. ଏହି ଟିକଟ ସାମାନ୍ୟ ଟିକଟ ଅପେକ୍ଷା ୧୦ ପ୍ରତିଶତ କମ ଦରରେ ଉପଲବ୍ଧ ହେବ।

୫.  ଏହି ସୁବିଧାର ଉପଯୋଗ ରିଜର୍ବେସନ୍ ଚାର୍ଟ ତିଆରି ହେବା ପରେ ହିଁ କରାଯାଇପାରିବ।