PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଜେବି କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର
  • ||
  • ୨୦୨୨-୨୩ ବଜେଟ୍‌ : ଶିକ୍ଷା ଓ ଦକ୍ଷତା ବିକାଶ କ୍ଷେତ୍ର ପାଇଁ ୨୭,୩୨୪କୋଟି ଟଙ୍କା ଆବଣ୍ଟନ
  • ||
  • ଉଦୟପୁର ହତ୍ୟାକାଣ୍ଡ ଘଟଣା : କୋର୍ଟ ୪ ଅଭିଯୁକ୍ତଙ୍କୁ ୧୦ଦିନର NIA ରିମାଣ୍ଡରେ ପଠାଇଲେ
  • ||
  • ଭୁବନେଶ୍ବର ପରେ କଟକରେ ମାସ୍କ ପିନ୍ଧିବା ବାଧ୍ୟତାମୂଳକ
  • ||
  • ପୁରୀ : ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗିଲେ ଦୁର୍ବୃତ୍ତ, ୨୦ରୁ ଅଧିକ ଚୁଲି ଭାଙ୍ଗି ଥିବା ସୂଚନା
  • ||
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ସ୍କୁଲରେ ସଂସ୍କୃତ ଶ୍ଳୋକ, ହିନ୍ଦୀ ପ୍ରାର୍ଥନା ବୋଲାଯିବା ଉପରେ ଆପତ୍ତି: ସାମ୍ବିଧାନିକ ଖଣ୍ଡପୀଠ କରିବେ ବିଚାର

source:www.youtube.com

ନୂଆଦିଲ୍ଲୀ: ସ୍କୁଲଗୁଡିକରେ ସଂସ୍କୃତ ଶ୍ଲୋକ ଏବଂ ହିନ୍ଦୀ ପ୍ରାର୍ଥନା ବୋଲାଯିବାକୁ ବିରୋଧ କରି ସୁପ୍ରିମକୋର୍ଟରେ ଏକ ମାମଲା ଦାୟର କରାଯାଇଛି । ଏହା ଉପରେ ଶୁଣାଣି କରି ସୁପ୍ରିମକୋର୍ଟର ଏକ ଖଣ୍ଡପୀଠ କହିଛନ୍ତି କି ଏହି ଆବେଦନ ଉପରେ ସାମ୍ବିଧାନିକ ଖଣ୍ଡପୀଠ ବିଚାର କରିବା ଉଚିତ୍‌ । ବିଚାରପତି ଆର ଏଫ ନରିମାନଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ମାମଲାକୁ ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କ ନିକଟକୁ ପଠାଇଛନ୍ତି ଏବଂ ଏହା ଉପରେ ଶୁଣାଣି କରିବାକୁ ଉପଯୁକ୍ତ ଖଣ୍ଡପୀଠ ଗଠନ କରିବାକୁ ନିବେଦନ କରିଛନ୍ତି । କେନ୍ଦ୍ରୀୟ ବିଦ୍ୟାଳୟଗୁଡିକରେ ପ୍ରତିଦିନ ସକାଳ ପ୍ରାର୍ଥନାରେ ସଂସ୍କୃତ ଶ୍ଲୋକ ବୋଲାଯିବାକୁ ବିରୋଧ କରି ମଧ୍ୟପ୍ରଦେଶର ଜଣେ ବ୍ୟକ୍ତି ଅଦାଲତଙ୍କ ଦ୍ୱାରସ୍ଥ ହୋଇଥିଲେ ।
ସେ ଦର୍ଶାଇଥିଲେ କି ସ୍କୁଲଗୁଡିକରେ ସଂସ୍କୃତ ଶ୍ଲୋକ ଏବଂ ହିନ୍ଦୀ ପ୍ରାର୍ଥନା ବୋଲାଯାଇ ଏକପ୍ରକାର ହିନ୍ଦୁ ଧର୍ମର ପ୍ରଚାର କରାଯାଉଛି । ଏହା ସମ୍ବିଧାନର ଧାରା ୧୯ ଏବଂ ୨୮(କ)ର ଉଲ୍ଲଂଘନ କରୁଛି । ସମ୍ବିଧାନରେ ସରକାରୀ ଅନୁଦାନ ପ୍ରାପ୍ତ ସ୍କୁଲଗୁଡିକରେ ଧାର୍ମିକ ଶିକ୍ଷା ଦେବାକୁ ବାରଣ କରାଯାଇଛି । ତା’ଛଡା ଏଭଳି ମନ୍ତ୍ର ବୋଲାଯାଇ ପିଲାମାନଙ୍କୁ ବିଜ୍ଞାନ ଭିତ୍ତିକ ଚିନ୍ତାଧାରା ଯୁକ୍ତ କରିବା ବଦଳରେ ଭାଗ୍ୟବାଦୀ କରାଯାଉଛି ।
ଏହାର ଜବାବରେ କେନ୍ଦ୍ର ସରକାର ଦର୍ଶାଇଥିଲେ କି ସ୍କୁଲରେ ‘ଅସତୋ ମା’ ସଦଗମୟ’ ବୋଲାଯିବା ଦ୍ୱାରା କୌଣସି ପ୍ରକାର ସାମ୍ବିଧାନିକ ନିୟମର ଉଲ୍ଲଂଘନ ହେଉନାହିଁ । ଏହା ମାଧ୍ୟମରେ ହିନ୍ଦୁ ଧର୍ମର ପ୍ରସାର କରାଯାଉଛି ବୋଲି କୁହାଯିବା ଠିକ୍‌ ନୁହେଁ । ଏହି ଶ୍ଲୋକରେ ଯାହା କୁହାଯାଇଛି ବିଶ୍ୱର ସବୁ ଧର୍ମରେ ସେହି କଥା କୁହାଯାଉଛି । ଖ୍ରୀଷ୍ଟିୟାନ ସ୍କୁଲଗୁଡିକରେ ବି ପିଲାମାନଙ୍କୁ ‘ଅନେଷ୍ଟି ଇଜ୍‌ ଦି ବେଷ୍ଟ ପଲିସି’ ବୋଲି ଶିକ୍ଷା ଦିଆଯାଉଛି । ଏହାଦ୍ୱାରା କ’ଣ ଖ୍ରୀଷ୍ଟିୟାନ ଧର୍ମର ପ୍ରଚାର କରାଯାଉଛି ବୋଲି କୁହାଯିବ? ଏହାପରେ ବିଚାରପତି ନରିମାନ କହିଥିଲେ କି ‘ଅସତୋ ମା’ ସଦଗମୟ’ ଶ୍ଲୋକ ସିଧାସଳଖ ଉପନିଷଦରୁ ଆସିଛି । ଏହାର ଜବାବରେ ସଲିସିଟର ଜେନେରାଲ ତୁଷାର ମେହେଟ୍ଟା କହିଥିଲେ କି ସୁପ୍ରିମକୋର୍ଟଙ୍କ ଲୋଗୋରେ ବି ଗୀତାର ଏକ ପଂକ୍ତି ‘ୟତୋ ଧର୍ମସ ତତୋ ଜୟ’ ଲେଖାଯାଇଛି । ଏହାକୁ କ’ଣ ଧାର୍ମିକ ନୀତିର ପ୍ରସାର ବୋଲି ମନେ କରାଯିବ?

ସମ୍ବନ୍ଧିତ ଖବର