ଭୁବନେଶ୍ୱର,୧୦/୦୬: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଙ୍ଗଳବାର ସନ୍ଧ୍ୟାରେ ଭୁବନେଶ୍ୱର ବିମାନବନ୍ଦରରୁ ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି । ବୁଧବାର ଏନ୍ଡିଏ ଶାସିତ ରାଜ୍ୟର ମୁଖ୍ୟମନ୍ତ୍ରୀମାନଙ୍କ ବୈଠକ ଭାରତ ମଣ୍ଡପମଠାରେ ଅନୁଷ୍ଠିତ ହେବା କାର୍ଯ୍ୟକ୍ରମ ରହିଛି । ମୋଦି ସରକାର ୧୨ ବର୍ଷ ପୂର୍ତ୍ତି ପାଳନ କରୁଥିବାବେଳେ ଏହି ବୈଠକକୁ ବେଶ୍ ଗୁରୁତ୍ୱପୂର୍ଣ୍ଣ ମନେ କରାଯାଉଛି ।
ଏହି ବୈଠକରେ ମୁଖ୍ୟମନ୍ତ୍ରୀ ଶ୍ରୀ ମାଝୀ ଯୋଗ ଦେବେ । ବୈଠକରେ ସରକାରଙ୍କ ବିଭିନ୍ନ ଉପଲବ୍ଧି ବାବଦରେ ଆଲୋଚନା ସହ ଆଗାମୀ ଦିନ ପାଇଁ ଏଜେଣ୍ଡା ପ୍ରସ୍ତୁତ ହୋଇପାରେ । ସେହିପରି ଗୁରୁବାର ସକାଳୁ ସନ୍ଧ୍ୟା ପର୍ଯ୍ୟନ୍ତ ନୀତି ଆୟୋଗ ପରିଚାଳନା ପରିଷଦ ବୈଠକ ରହିଛି । ଏଥିରେ ମଧ୍ୟ ମୁଖ୍ୟମନ୍ତ୍ରୀ ଯୋଗ ଦେବା ସହ ଓଡ଼ିଶାର ପକ୍ଷ ରଖିବେ । ଗୁରୁବାର ରାତିରେ ମୁଖ୍ୟମନ୍ତ୍ରୀ ଭୁବନେଶ୍ୱର ଫେରିପାରନ୍ତି ବୋଲି ସୂତ୍ରରୁ ଜଣାଯାଇଛି ।
ଅଧିକ ପଢ଼ନ୍ତୁ :- ପିଏମ୍ ମୋଦିଙ୍କ ପୂର୍ବୋତ୍ତରର ବିକାଶ ଭିଜନ; ପଶ୍ଚିମ ପରେ ବିକାଶ ପଥେ ପୂର୍ବ-ଭାରତ, ପ୍ରଗତିରେ ସାମିଲ ଓଡ଼ିଶା
