ପ୍ରମୂଖ ଖବର
  • ଭୁବନେଶ୍ୱର : ଏମ୍ସରେ ପହଞ୍ଚିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ; ଏମ୍ସର ନିର୍ଦ୍ଦେଶକଙ୍କ ସହ କରିଲେ ଆଲୋଚନା
  • ||
  • FM କଲେଜରେ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ ଘଟଣା; ପୀଡ଼ିତାଙ୍କ ପରିବାରକୁ ଭେଟିବେ ମୁଖ୍ୟମନ୍ତ୍ରୀ
  • ||
  • ରାଜ୍ୟସଭାକୁ ୪ ମନୋନୀତ, ମନୋନୀତ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
  • ||
  • ବାଲେଶ୍ବର: ଟ୍ରକ୍‌ ଧକ୍କାରେ ଓଲଟି ପଡ଼ିଲା ବସ୍‌, ୨୦ରୁ ଉର୍ଦ୍ଧ୍ୱ ଗୁରୁତର
  • ||
  • ଏନ୍‌ସିଇଆର୍‌ଟି ବିଏଡ୍‌ ପ୍ରବେଶିକା ପରୀକ୍ଷା, ଆଜି ରାଜ୍ୟର ୪୪ କେନ୍ଦ୍ରରେ ୨୨ ହଜାର ଛାତ୍ରଛାତ୍ରୀ ଦେବେ ପରୀକ୍ଷା
  • ||
  • ସୋମବାର ଓଡ଼ିଶା ଆସୁଛନ୍ତି ରାଷ୍ଟ୍ରପତି: ଆଜି ପୁଲିସର କାର୍‌କେଡ୍‌ ରିହର୍ସାଲ, ଜଗିବେ ୫୦ ପ୍ଲାଟୁନ୍‌ ଫୋର୍ସ
  • ||
  • ଗାଜା ଉପରେ ଇସ୍ରାଏଲର ଭୟଙ୍କର ହମଲା, ୧୧୦ ପାଲେଷ୍ଟାନୀୟ ମୃତ
  • ||
  • ୧୬ରେ ବଙ୍ଗୋପସାଗରରେ ପୁଣି ଏକ ଘୂର୍ଣ୍ଣିବଳୟ ସମ୍ଭାବନା, ଆଜି ବର୍ଷା ନେଇ ଅଧା ଓଡ଼ିଶାକୁ ୟେଲୋ ଓ୍ବାର୍ଣ୍ଣିଂ
  • ||

ଦ୍ୱିତୀୟ ସପ୍ତାହରେ ନୂଆ ପିସିସି ସଭାପତି ! ଦିଲ୍ଲୀରେ ସପ୍ତଗିରି, ମୋକିମ

Published By : Prameya | February 3, 2025 9:43 AM

ଭୁବନେଶ୍ୱର,୦୩/୦୨: ଆସନ୍ତା ୫ ତାରିଖରେ ଦିଲ୍ଲୀ ବିଧାନସଭା ନିର୍ବାଚନ । ୮ରେ ଫଳ ଘୋଷଣା । ତା’ପରେ ଫେବ୍ରୁଆରୀ ଦ୍ୱିତୀୟ ସପ୍ତାହରେ ଓଡ଼ିଶାକୁ ମିଳିବ ନୂଆ ପିସିସି ସଭାପତି । ନିର୍ବାଚନ ପରେ ଦଳର ବରିଷ୍ଠ ନେତାମାନେ ବିଚାରବିମର୍ଶ କରି  ନାଁ ଘୋଷଣା କରିବେ। ତା’ ପୂର୍ବରୁ ଦିଲ୍ଲୀରେ  ପହଞ୍ଚିଛନ୍ତି କଟକ ବାରବାଟିର ପୂର୍ବତନ ବିଧାୟକ ମହମ୍ମଦ ମୋକିମ । ଦିଲ୍ଲୀ ବିଧାନସଭା ନିର୍ବାଚନରେ ସାମିଲ ହୋଇ ଦଳ ପାଇଁ ବିଭିନ୍ନ ସ୍ଥାନରେ ପ୍ରଚାର  କରୁଛନ୍ତି । ତେବେ ମୋକିମ ନୂଆ ପିସିସି ସଭାପତି  ହୋଇପାରନ୍ତି ବୋଲି ଦଳର କିଛି ନେତା ସୂଚନା  ଦେଉଛନ୍ତି ।   

ଦିଲ୍ଲୀ ବିଧାନସଭା ନିର୍ବାଚନରେ ସୋମବାର ରାହୁଲ ଗାନ୍ଧିଙ୍କ ପ୍ରଚାର ଥିବାରୁ ଏଥିରେ ସକ୍ରିୟ  ଭୂମିକା ଗ୍ରହଣ କରିଛନ୍ତି ଓଡ଼ିଶାର ଏକ ମାତ୍ର କଂଗ୍ରେସ ସାଂସଦ ସପ୍ତଗିରି ଉଲ୍ଲାକା । ସେ ପିସିସି ସଭାପତି ହୋଇପାରନ୍ତି ବୋଲି କୁହାଯାଉଥିଲେ ମଧ୍ୟ ସପ୍ତଗିରି ଆଗ୍ରହୀ ନଥିବା ସୂଚନା ମିଳିଛି । ତେଣୁ ଏବେ ମୋକିମଙ୍କ ସମେତ କଂଗ୍ରେସର  ବରିଷ୍ଠ ନେତା ଭକ୍ତଚରଣ ଦାସଙ୍କ ନାମକୁ ନେଇ  ଚର୍ଚ୍ଚା ଜୋର ଧରିଛି । କଂଗ୍ରେସର ଗୋଟିଏ ଗୋଷ୍ଠୀ ମୋକିମ ପିସିସି ସଭାପତି ହେବେ ବୋଲି କହୁଥିବା  ବେଳେ ଅନ୍ୟ ଏକ ଗୋଷ୍ଠୀ ଭକ୍ତ ହେବେ ବୋଲି  କହୁଛନ୍ତି। ତେବେ ଯିଏ ବି ହେଉ ପିସିସି ସଭାପତି ଶୀଘ୍ର ଘୋଷଣା କରାଯାଉ ବୋଲି ବରିଷ୍ଠ କଂଗ୍ରେସ  ବିଧାୟକ ତାରା ବାହିନୀପତି କହିଛନ୍ତି । ଆଗକୁ ପଞ୍ଚାୟତ ଓ ପୌର ନିର୍ବାଚନ । ତେଣୁ ଦଳର  ମୁଖିଆ ନିଯୁକ୍ତି ଶୀଘ୍ର କରାଯାଉ ବୋଲି ତାରା ଯୁକ୍ତି  ବାଢ଼ିଛନ୍ତି । ତେବେ ମୋତେ ଦାୟିତ୍ୱ ଦେଲେ ମୁଁ  ମନା କରିବିନି। କିନ୍ତୁ ନିଜଆଡ଼ୁ ଯାଇ ଅନୁରୋଧ  କରିବିନି ବୋଲି ସେ ସ୍ପଷ୍ଟ କରିଛନ୍ତି ।  

ଇତିମଧ୍ୟରେ ପିସିସି ସଭାପତି ଚୟନ ପାଇଁ  ଏଆଇସିସି ପଠାଇଥିବା ମୀନାକ୍ଷି ନଟରାଜନଙ୍କ  ସମେତ ଦୁଇ ପର୍ଯ୍ୟବେକ୍ଷକ ସେମାନଙ୍କ ରିପୋର୍ଟ  ଦେଇ ସାରିଛନ୍ତି । ତେଣୁ କେବଳ ଦିଲ୍ଲୀ ନିର୍ବାଚନକୁ  ଅପେକ୍ଷା । ତା’ ପରେ ନୂଆ ପିସିସି ସଭାପତି  ନିଯୁକ୍ତ ହେବେ ବୋଲି କଂଗ୍ରେସର ବହୁ ନେତା ସୂଚନା ଦେଇଛନ୍ତି।

କିଏ ନେବ ରାଜ୍ୟ କଂଗ୍ରେସ ନେତୃତ୍ୱ ? ଦିଲ୍ଲୀ ଦରବାରରେ ଛାମୁଆ ନେତା, ଚର୍ଚ୍ଚାରେ ତାରା, ମୋକିମ, ପ୍ରସାଦ ଓ ସପ୍ତଗିରି

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.