ନୂଆଦିଲ୍ଲୀ: ‘ଏକ ଦେଶ, ଏକ ନିର୍ବାଚନ’ ବିଧେୟକର ସମୀକ୍ଷା ଲାଗି ୩୧ ସଦସ୍ୟ ବିଶିଷ୍ଟ ଯୁଗ୍ମ ସଂସଦୀୟ ସମିତି (ଜେପିସି) ଗଠନ ହୋଇଛି । ଏହି କମିଟିରେ ଲୋକସଭାର ୨୧ ଏବଂ ରାଜ୍ୟସଭାର ୧୦ ସାଂସଦଙ୍କୁ ସାମିଲ କରାଯାଇଛି । ମଙ୍ଗଳବାର ଗୃହରେ କେନ୍ଦ୍ରମନ୍ତ୍ରୀ ଏବଂ ବରିଷ୍ଠ ବିଜେପି ନେତା ଅର୍ଜୁନ ରାମ ମେଘଓ୍ବାଲଙ୍କ ଦ୍ବାରା ଆଗତ ହୋଇଥିବା ବିଲ୍ର ସମୀକ୍ଷା ଲାଗି ଏହି କମିଟି ଗଠନ କରାଯାଇଛି । ସମ୍ବିଧାନ ସଂଶୋଧନ କରି ସମଗ୍ର ଦେଶରେ ଏକା ସମୟରେ ଲୋକସଭା ଏବଂ ବିଧାନସଭା ନିର୍ବାଚନ କରାଯିବା ଏହି ବିଲ୍ର ଉଦ୍ଦେଶ୍ୟ ।
ଜେପିସିର ଅଧ୍ୟକ୍ଷତା କରିବେ ବିଜେପି ସାଂସଦ ପିପି ଚୌଧୁରୀ । ଜେପିସିରେ ଓଡ଼ିଶାର ଦୁଇ ସାଂସଦ ଭର୍ତ୍ତୃହରି ମହତାବ ଓ ଡ. ସମ୍ବିତ ପାତ୍ର ରହିଛନ୍ତି । ବିଲ୍ ଉପରେ ସମୀକ୍ଷା କରି ଜେପିସି ରିପୋର୍ଟ ପ୍ରସ୍ତୁତ କରିବ । ବଜେଟ ଅଧିବେଶନର ଶେଷ ସପ୍ତାହର ପ୍ରଥମ ଦିନରେ କମିଟି ନିଜର ରିପୋର୍ଟ ସଂସଦରେ ଉପସ୍ଥାପନ କରିବ । ତେବେ ଜେପିସିରେ ସାମିଲ ଲୋକସଭାର ୨୧ ସାଂସଦଙ୍କ ମଧ୍ୟରେ ବିଜେପରୁ ୧୦, କଂଗ୍ରେସ ୩ ଏବଂ ଏସପିର ଜଣେ ସାଂସଦ ଅଛନ୍ତି । ସେହିଭଳି ଟିଏମସି, ଡିଏମକେ, ଟିଡିପି, ଏନସିପି-ଶରଦ ଗୋଷ୍ଠୀ, ଶିବସେନା-ସିନ୍ଦେ ଗୋଷ୍ଠୀ, ଆରଏଲଡି ଏବଂ ଜନସେନା ପାର୍ଟିରୁ ଜଣେ ଲେଖାଏଁ ଲୋକସଭା ସାଂସଦ ଜେପିସିରେ ସାମିଲ ହୋଇଛନ୍ତି । ସେପଟେ ରାଜ୍ୟସଭାରୁ ୧୦ ଜଣ ସାଂସଦ ଯୁଗ୍ମ ସଂସଦୀୟ କମିଟିରେ ସଦସ୍ୟ ଅଛନ୍ତି ।
ଜେପିସିରେ ଥିବା ୨୧ ଲୋକସଭା ସଦସ୍ୟ
୧ – ପିପି ଚୌଧୁରୀ(ବିଜେପି)
୨ – ଡ. ସିଏମ ରମେଶ(ବିଜେପି)
୩ – ବାଂଶୁରୀ ସ୍ଵରାଜ(ବିଜେପି)
୪- ପରଷୋତ୍ତମଭାଇ ରୂପାଲା(ବିଜେପି)
୫ – ଅନୁରାଗ ସିଂ ଠାକୁର(ବିଜେପି)
୬ - ବିଷ୍ଣୁ ଦୟାଲ ରାମ(ବିଜେପି)
୭ – ଭର୍ତ୍ତୃହରି ମହତାବ(ବିଜେପି)
୮ – ଡ. ସମ୍ବିତ ପାତ୍ର(ବିଜେପି)
୯ – ଅନିଲ ବଲୁନି(ବିଜେପି)
୧୦ – ବିଷ୍ଣୁ ଦତ୍ତ ଶର୍ମା(ବିଜେପି)
୧୧ – ପ୍ରିୟଙ୍କା ଗାନ୍ଧୀ ଭଦ୍ରା(କଂଗ୍ରେସ)
୧୨ – ମନୀଷ ତିଓ୍ଵାରୀ(କଂଗ୍ରେସ)
୧୩ – ସୁଖଦେବ ଭଗତ(କଂଗ୍ରେସ)
୧୪ – ଧର୍ମେନ୍ଦ୍ର ଯାଦବ(ସମାଜବାଦୀ ପାର୍ଟି)
୧୫ – କଲ୍ୟାଣ ବାନାର୍ଜୀ(ଟିଏମସି)
୧୬ – ଟିଏମ ସେଲଭାଗଣପତି(ଡିଏମକେ)
୧୭ – ଜିଏମ ହରିଶ ବାଲଯୋଗୀ(ଟିଡିପି)
୧୮ – ସୁପ୍ରିୟା ସୁଲେ(ଏନସିପି-ଶରଦ ଗୋଷ୍ଠୀ)
୧୯ – ଡ. ଶ୍ରୀକାନ୍ତ ଏକନାଥ ସିନ୍ଦେ(ଶିବସେନା-ସିନ୍ଦେ ଗୋଷ୍ଠୀ)
୨୦ – ଚନ୍ଦନ ଚୌହାନ(ଆରଏଲଡି)
୨୧- ବାଲାଶୋଭରୀ ବଲ୍ଲଭନେନୀ(ଜନସେନା ପାର୍ଟି)
