ଦଶରଥପୁର, ୨।୭: ଦଶରଥପୁର ବ୍ଲକ ଅନ୍ତର୍ଗତ ସୁନ୍ଦରାଇମୁହଁ ବୈତରଣୀ ନଦୀ ଘାଟରେ ଗାଧୋଉ ଥିବା ବେଳେ ଜଣେ ବ୍ୟକ୍ତି ନିଖୋଜ ହୋଇଛନ୍ତି। ନିଖୋଜ ବ୍ୟକ୍ତି ଜଣକ ବିରଜାପୁର ପଞ୍ଚାୟତ ବାମଦେବପୁର ମାଝୀସାହିର ଫକୁନା ଦାସ(୬୧) । ଯାଜପୁର ଅଗ୍ନିଶମ ବାହିନୀ ପହଞ୍ଚି ନଦୀରେ ଖୋଜା ଖୋଜି ଜାରି ରଖିଛନ୍ତି।
ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଦଶରଥପୁର ବ୍ଲକ ଅଞ୍ଚଳ ଦେଇ ପ୍ରବାହିତ ବୈତରଣୀ ନଦୀରେ ଜଳସ୍ତର ବୃଦ୍ଧି ପାଇଛି। ସୁନ୍ଦରାଇମୁହଁ ବୈତରଣୀ ନଦୀ ଘାଟକୁ ବିରଜାପୁର ପଞ୍ଚାୟତ ବାମଦେବପୁର ମାଝୀସାହିର ଫକୁନା ଦାସ(୬୧) ଗାଧୋଇବାକୁ ଯାଇଥିଲେ। ଏହି ସମୟରେ ସେ ନଦୀରେ ବୁଡିଯାଇ ନିଖୋଜ ହୋଇଥିଲେ। ଖବର ପାଇ ଯାଜପୁର ଅଗ୍ନିଶମ ବାହିନୀ ଘାଟ ନିକଟରେ ପହଂଚି ନିଖୋଜ ବ୍ୟକ୍ତିଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରଖିଥିଲେ ମଧ୍ୟ ଫୁକୁନାଙ୍କ କୌଣସି ପତ୍ତା ମିଳିନାହିଁ।
