ଅନେକ ଗବେଷଣାରେ ପିଆଜ ରସ ଅନେକ ସ୍ୱାସ୍ଥ୍ୟ ସମସ୍ୟା ଦୂର କରିବାରେ ସହାୟକ ବୋଲି ପ୍ରମାଣିତ ହୋଇଛି। ପ୍ରକୃତରେ, ପିଆଜ କେବଳ ପୁଷ୍ଟିକର ପୋଷକ ତତ୍ତ୍ୱରେ ଭରପୂର ନୁହେଁ, ବରଂ ଏହାର ଆଣ୍ଟି-ଅକ୍ସିଡାଣ୍ଟ, ଆଣ୍ଟି-ଇନଫ୍ଲାମେଟରୀ ଏବଂ ଆଣ୍ଟି ବ୍ୟାକ୍ଟେରିଆଲ ଗୁଣ ଏକ ପ୍ରାକୃତିକ ଔଷଧ ପରି କାମ କରିଥାଏ। ଆସନ୍ତୁ ଆମେ ଆପଣଙ୍କୁ ସେହି ୫ଟି ସମସ୍ୟା ବିଷୟରେ କହିବୁ ଯାହା ପିଆଜ ରସ ଦ୍ୱାରା ଭଲ ହୁଏ।

ପିଆଜରେ ଭିଟାମିନ୍ ସି, ଭିଟାମିନ୍ ବି୬, ଫୋଲେଟ୍, ପୋଟାସିୟମ୍, ମ୍ୟାଗ୍ନେସିୟମ୍ ଏବଂ ସଲଫର୍ ସହ କ୍ୱେରସେଟିନ୍ ଏବଂ ଆଲିଲ୍ ପ୍ରୋପିଲ୍ ଡାଇସଲଫାଇଡ୍ ଭରପୂର ପରିମାଣରେ ରହିଥାଏ। ଜର୍ଣ୍ଣାଲ୍ ଅଫ୍ ନ୍ୟୁଟ୍ରିସନ୍ (୨୦୨୪)ରେ ପ୍ରକାଶିତ ଏକ ଅଧ୍ୟୟନ ଅନୁସାରେ, ପିଆଜରେ ଥିବା ଆଣ୍ଟିଅକ୍ସିଡାଣ୍ଟ ଶରୀରରେ ଥିବା ମୁକ୍ତ ରେଡିକାଲ୍ସକୁ ନଷ୍ଟ କରିଦିଏ । ଯାହା ହୃଦରୋଗ, କର୍କଟ ଏବଂ ମଧୁମେହ ଭଳି ରୋଗର ଆଶଙ୍କା ହ୍ରାସ କରେ।

ଦିଲ୍ଲୀ ସ୍ଥିତ ଫୋର୍ଟିସ୍ ହସ୍ପିଟାଲର ପୁଷ୍ଟିସାର ବିଶେଷଜ୍ଞ ଡାକ୍ତର ସଞ୍ଜୟ ଗୁପ୍ତାଙ୍କ ଅନୁସାରେ, ପିଆଜ ରସ ଏକ ପ୍ରାକୃତିକ ଡିଟକ୍ସ ଏଜେଣ୍ଟ । ଏହା କେବଳ ପାଚନ ପ୍ରଣାଳୀକୁ ମଜବୁତ କରେ ନାହିଁ, ବରଂ ରକ୍ତରେ ଶର୍କରା ଏବଂ କୋଲେଷ୍ଟ୍ରଲକୁ ନିୟନ୍ତ୍ରଣ କରିବାରେ ମଧ୍ୟ ସାହାଯ୍ୟ କରେ। ତଥାପି, ଏହାକୁ ସନ୍ତୁଳିତ ପରିମାଣରେ ନେବା ଗୁରୁତ୍ୱପୂର୍ଣ୍ଣ।

ପିଆଜ ରସ ରକ୍ତ ଶର୍କରା ସ୍ତର ନିୟନ୍ତ୍ରଣ କରିବାରେ ପ୍ରଭାବଶାଳୀ । ଇଣ୍ଡିଆନ୍ ଜର୍ଣ୍ଣାଲ୍ ଅଫ୍ ଫିଜିଓଲୋଜି ଆଣ୍ଡ୍ ଫାର୍ମାକୋଲୋଜି (୨୦୨୩)ରେ ପ୍ରକାଶିତ ଏକ ଅଧ୍ୟୟନ ଅନୁଯାୟୀ, ପିଆଜ ରସ ମଧୁମେହ ରୋଗୀଙ୍କଠାରେ ହାଇପରଗ୍ଲାଇସେମିଆ ନିୟନ୍ତ୍ରଣ କରିବାରେ ସାହାଯ୍ୟ କରେ। ଏଥିରେ ଥିବା ଆଲାଇଲ୍ ପ୍ରୋପିଲ୍ ଡାଇସଲଫାଇଡ୍ ଇନସୁଲିନ୍ ସମ୍ବେଦନଶୀଳତାକୁ ବୃଦ୍ଧି କରେ ଏବଂ ଗ୍ଲୁକୋଜ୍ ସ୍ତରକୁ ସ୍ଥିର ରଖେ।

ପିଆଜରେ ଥିବା କ୍ୱେରସେଟିନ୍ ଏବଂ ଅନ୍ୟାନ୍ୟ ଆଣ୍ଟିଅକ୍ସିଡାଣ୍ଟ ହୃଦୟ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ବ୍ରିଟିଶ ଜର୍ଣ୍ଣାଲ ଅଫ୍ ନ୍ୟୁଟ୍ରିସନ୍ (୨୦୨୪)ରେ ପ୍ରକାଶିତ ଏକ ଅଧ୍ୟୟନରୁ ଜଣାପଡିଛି ଯେ, ନିୟମିତ ପିଆଜ ସେବନ (LDL) ଖରାପ କୋଲେଷ୍ଟ୍ରଲ୍ ଏବଂ ସିଷ୍ଟୋଲିକ୍ ରକ୍ତଚାପକୁ ହ୍ରାସ କରେ । ଯାହା ଦ୍ୱାରା ହୃଦରୋଗର ଆଶଙ୍କା ହ୍ରାସ ପାଏ । ପିଆଜ ରସ ରକ୍ତରେ ହୋମୋସିଷ୍ଟାଇନ୍ ସ୍ତରକୁ ହ୍ରାସ କରେ, ଯାହା ହୃତପିଣ୍ଡ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ।

ପିଆଜରେ ଇନ୍ୟୁଲିନ୍ ଭଳି ପ୍ରୋବାୟୋଟିକ୍ ଫାଇବର ଥାଏ, ଯାହା ଅନ୍ତନଳୀରେ ଭଲ ବ୍ୟାକ୍ଟେରିଆ ବୃଦ୍ଧି କରେ। ଜର୍ଣ୍ଣାଲ୍ ଅଫ୍ ଫୁଡ୍ ଆଣ୍ଡ୍ ଫଙ୍କସନ୍ (୨୦୨୩) ଅନୁଯାୟୀ, ଏହି ଫାଇବରଗୁଡ଼ିକ ହଜମ ପ୍ରକ୍ରିୟାକୁ ଉନ୍ନତ କରେ ଏବଂ କୋଷ୍ଠକାଠିନ୍ୟ, ଫୁଲିବା ଏବଂ ଅନ୍ୟାନ୍ୟ ପେଟ ସମ୍ବନ୍ଧୀୟ ସମସ୍ୟାକୁ ହ୍ରାସ କରେ ।

ପିଆଜ ରସ କେଶ ଏବଂ ଚର୍ମ ସମସ୍ୟା ପାଇଁ ଏକ ପ୍ରାକୃତିକ ଔଷଧ ଭାବରେ କାମ କରେ । ଚର୍ମରୋଗ ଏବଂ ଯୌନରୋଗ ବିଭାଗ ଦ୍ୱାରା (୨୦୨୩) କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ପିଆଜ ରସ କେଶ ବଢିବାରେ ସାହାଯ୍ୟ କରେ । ଏଥିରେ ଥିବା ସଲଫର ଏବଂ ସିଲିକନ୍ କେଶ ଫଲିକିଲ୍ସକୁ ମଜବୁତ କରେ । ଏହା ବ୍ୟତୀତ ପିଆଜ ରସ ଚର୍ମରେ ବ୍ରଣର ପ୍ରଦାହ ଏବଂ ନାଲିପଣକୁ ହ୍ରାସ କରେ।

ପିଆଜରେ ଭିଟାମିନ୍ ସି, ଜିଙ୍କ୍ ଏବଂ ଆଣ୍ଟିଅକ୍ସିଡାଣ୍ଟ ଭରପୂର ପରିମାଣରେ ଥାଏ । ଯାହା ରୋଗ ପ୍ରତିରୋଧକ ଶକ୍ତିକୁ ଦୃଢ଼ କରିଥାଏ । ପିଆଜ ରସ ଋତୁକାଳୀନ ସଂକ୍ରମଣ ଏବଂ ଥଣ୍ଡାକୁ ରୋକିବାରେ ସାହାଯ୍ୟ କରେ । ଏହାର ଆଣ୍ଟି-ଇଫ୍ଲେମେଟରୀ ସହ ଆଣ୍ଟି-ବ୍ୟାକ୍ଟେରିଆଲ ଗୁଣ ବ୍ୟାକ୍ଟେରିଆ ଏବଂ ଭାଇରାଲ୍ ସଂକ୍ରମଣକୁ ରୋକିଥାଏ।