ନୂଆଦିଲ୍ଲୀ ୦୪/ ୦୬: ବାଲେଶ୍ବର ବାହାନଗା ଟ୍ରେନ୍ ଦୁର୍ଘଟଣାର କାରଣ ସାମ୍ନାକୁ ଆସିଛି । ରେଳ ବିଭାଗ ପକ୍ଷରୁ ଦୁର୍ଘଟଣାର ବାବଦରେ ସୂଚନା ଦିଆଯାଇଥିବା ସୁଦ୍ଧା ଚୂଡାନ୍ତ ତଦନ୍ତ ରିପୋର୍ଟ ଦିଆଯାଇ ନାହିଁ । ପ୍ରାଥମିକ ତଦନ୍ତ ଅନୁଯାୟୀ, ସିଗନାଲିଂରେ ସମସ୍ୟା କାରଣରୁ ଏଭଳି ଭୟଙ୍କର ଦୁର୍ଘଟଣା ଘଟିଥିଲା । ତେବେ କୌଣସି ଟ୍ରେନ୍ର ଗତି ଅତ୍ୟଧିକ ନଥିବା ରେଳ ବିଭାଗ ପକ୍ଷରୁ କୁହାଯାଇଛି ।
ରେଳ ବିଭାଗର ବରିଷ୍ଠ ଅଧିକାରୀ ଜୟା ବର୍ମା ସିହ୍ନା ପ୍ରେସମିଟ୍ରେ କହିଛନ୍ତି, 'କେବଳ କରମଣ୍ଡଳ ଏକ୍ସପ୍ରେସ୍ ହିଁ ଦୁର୍ଘଟଣା ଘଟାଇଥିଲା । ସିଗନାଲିଂରେ ସମସ୍ୟା କାରଣରୁ ଛିଡା ହୋଇଥିବା ଏକ ମାଲବାହୀ ଟ୍ରେନ୍କୁ ପ୍ରଥମେ ଧକ୍କା ଦେଇଥିଲା କରମଣ୍ଡଳ ଏକ୍ସପ୍ରେସ୍ । ପରେ ବଗିଗୁଡିକ ଲାଇନଚ୍ୟୁତ ହୋଇ ଡାଉନ୍ ଟ୍ରାକ୍ରେ ଯାଉଥିବା ଯଶୋବନ୍ତପୁର-ହାଓ୍ବଡା ଏକ୍ସପ୍ରେସ୍ର ଶେଷ ଦୁଇଟି ବଗିରେ ଧକ୍କା ହୋଇଥିଲା । ଯଶୋବନ୍ତପୁର-ହାଓ୍ବଡା ଏକ୍ସପ୍ରେସର ଗତି ସେତେବେଳେ ୧୨୬କିମି ପ୍ରତିଘଣ୍ଟା ଥିଲା । ଦୁର୍ଘଟଣା ସମୟରେ କରମଣ୍ଡଳ ଏକ୍ସପ୍ରେସର ଗତି ଘଣ୍ଟାପ୍ରତି ୧୨୮କିମି ଥିଲା । ମାଲବାହୀ ଟ୍ରେନ୍ରେ ଲୁହାପଥର ବୋଝେଇ ଥିଲା । ତେଣୁ କରମଣ୍ଡଳ ଟ୍ରେନ ହିଁ ସର୍ବାଧିକ କ୍ଷତିଗ୍ରସ୍ତ ହୋଇଥିଲା । ଯାହାକି ଏତେ ସଂଖ୍ୟକ ଯାତ୍ରୀଙ୍କ ମୃତ୍ୟୁର କାରଣ ପାଲଟିଲା'।
wp:html/wp:html#WATCH | Sandeep Mathur, Principal Executive Director of Signalling and Jaya Varma Sinha, Member of Operation and Business Development, Railway Board explains the functioning of interlocking. pic.twitter.com/gQ1XuZbBv3
— ANI (@ANI) June 4, 2023
ରେଳ ବିଭାଗ କହିଛି କି, 'ଟ୍ରେନକୁ ଯିବା ପାଇଁ ଗ୍ରୀନ୍ ସିଗନାଲ ହିଁ ମିଳିଥିଲା । ରେଡ୍ ସିଗନାଲରେ ଟ୍ରେନ ଯାଇଥିବା ଯେଉଁ ଗୁଜବ ପ୍ରଚାର ହେଉଛି ତାହା ସମ୍ପୂର୍ଣ୍ଣ ଭାବେ ମିଛ । ଗ୍ରୀନ୍ ସିଗନାଲ ମିଳିବା ପରେ ଯାଇ ଚାଳକ ଆଗକୁ ବଢିଥିଲେ । କରମଣ୍ଡଳ ଏକ୍ସପ୍ରେସର ଲୋକୋ ପାଇଲଟ୍ଙ୍କୁ ପଚରାଯିବା ପରେ ସେ ନିଜେ ଏହି ସୂଚନା ଦେଇଛନ୍ତି'।
ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ଦୁର୍ଘଟଣାର ପ୍ରକୃତ କାରଣ ବାବଦରେ ସ୍ପଷ୍ଟ କରିଛନ୍ତି । ରେଲଓ୍ବେ ଇଣ୍ଟର ଲକିଂ ସିଷ୍ଟମ କାମ ନକରିବାରୁ ଏତେ ବଡ଼ ଦୁର୍ଘଟଣା ଘଟିଛି । ହେଲେ ଏଥିପାଇଁ କିଏ ଦାୟୀ ତାହା ସ୍ପଷ୍ଟ ହୋଇନାହିଁ । ଏବେ ପୁନରୁଦ୍ଧାର କାର୍ଯ୍ୟ ଉପରେ ଗୁରୁତ୍ବ ଦିଆଯାଉଛି। ଟ୍ରାକ୍ ମରାମତି କାମ ଏବଂ ବିଦ୍ୟୁତକରଣ କାର୍ଯ୍ୟ ଶେଷ ହେଲା ପରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ଦେଇଛନ୍ତି ରେଳମନ୍ତ୍ରୀ ।
wp:html/wp:html#WATCH | The root cause of this accident has been identified. PM Modi inspected the site yesterday. We will try to restore the track today. All bodies have been removed. Our target is to finish the restoration work by Wednesday morning so that trains can start running on this… pic.twitter.com/0nMy03GUWK
— ANI (@ANI) June 4, 2023
Also Read:
wp:embed {"url":"https://www.prameya.com/bahanga-railway-station-down-main-line-work-has-been-completed-tweeted-ashwini-vaishnav/","type":"wp-embed","providerNameSlug":"prameya"}
