ବଙ୍ଗୋମୁଣ୍ଡା,୫।୬: ପ୍ରାଥମିକ ଶିକ୍ଷକଙ୍କ ପଦୋନ୍ନତି ପାଇଁ ଓଟିଇଟି ବାଧ୍ୟତାମୂଳକ ନିର୍ଦ୍ଦେଶକୁ ବିରୋଧ। ରାଜ୍ୟସ୍ତରୀୟ ମିଳିତ ପ୍ରାଥମିକ ଶିକ୍ଷକ ସଂଘର ଆହ୍ବାନ କ୍ରମେ ବଲାଙ୍ଗୀର ଜିଲ୍ଲା ବାଙ୍ଗୋମୁଣ୍ଡା  ମିଳିତ ପ୍ରାଥମିକ ଶିକ୍ଷକ ସଂଘ ତରଫରୁ ପ୍ରାଥମିକ ଶିକ୍ଷକମାନଙ୍କ ପଦୋନ୍ନତି ପାଇଁ ଓଟିଇଟି ବାଧ୍ୟତାମୂଳକ ନିର୍ଦ୍ଦେଶକୁ ବିରୋଧ କରାଯାଇଛି। ସଂଘର ସଭାପତି କୋଷରାଜ୍ ବେହେରାଙ୍କ ନେତୃତ୍ୱରେ ବଙ୍ଗୋମୁଣ୍ଡା ବିଇଓଙ୍କ ମାଧ୍ୟମରେ ସରକାରଙ୍କୁ ଦାବିପତ୍ର ପ୍ରଦାନ କରାଯାଇଛି । 

ସୂଚନା ଅନୁଯାୟୀ, ଓଡିଶା ସରକାରଙ୍କ ଦ୍ଵାରା ପ୍ରାଥମିକ ଶିକ୍ଷକଙ୍କ ପଦୋନ୍ନତି ସମ୍ବନ୍ଧୀୟ ସଂଶୋଧନ ଅଧିନିୟମ ୨୦୧୯ ଅନୁସାରେ ୧୧.୦୨.୨୦୧୧ ପୁର୍ବରୁ ନିଯୁକ୍ତ ଶିକ୍ଷକମାନଙ୍କ ପାଇଁ ଓଟିଇଟି ଦକ୍ଷତାକୁ ବାଧ୍ୟତା ମୂଳକ କରାଯାଇନାହିଁ । ୧୧.୦୨.୨୦୧୧ ପରେ ନିଯୁକ୍ତ ସମସ୍ତ ଶିକ୍ଷକଙ୍କୁ ଓଟିଇଟିରେ ଉତ୍ତୀର୍ଣ୍ଣ ହେବା ବାଧ୍ୟତାମୂଳକ କରାଯାଇଛି। ଯଦ୍ବାରା ଶିକ୍ଷକ ମହଲରେ ନୈରାଶ୍ୟ  ମନୋଭାବ ସୃଷ୍ଟି ହେବା ସହିତ ଘୋର ଅସନ୍ତୋଷ ପ୍ରକାଶ ପାଇଛି। ଆଗାମୀ ଦିନରେ ସରକାର ଯଦି ଶିକ୍ଷକମାନଙ୍କର ଦାବି ପ୍ରତି କର୍ଣ୍ଣପାତ ନ କରାଯାଏ ତାହେଲେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରି ରାଜରାସ୍ତାକୁ ଓହ୍ଲାଇବାକୁ ଶିକ୍ଷକ ସଂଘ ଚେତାବନୀ ଗେଇଛନ୍ତି। ଏହି ଦାବିପତ୍ର ପ୍ରଦାନ ସମୟରେ ମିଳିତ ପ୍ରାଥମିକ ଶିକ୍ଷକ ସଂଘର ଉପ-ସଭାପତି ରାଘବ ବାଗ, ଟଙ୍କଧର ବିଶ୍ଵାଳ, ଲଳିତ ସାହୁ, କୋଷାଧ୍ୟକ୍ଷ ଅମିୟ କୁମାର ନାଗ, ସହ- କୋଷାଧ୍ୟକ୍ଷ ସୋମନାଥ କୁମ୍ଭାର, ହିସାବ ସମୀକ୍ଷକ ଦେବରାଜ ମେହେର ପ୍ରମୁଖ ଉପସ୍ଥିତ ଥିଲେ।