ଭୁବନେଶ୍ୱର,୨୭/୦୩: ବିଧାନସଭାରେ OSRTC ର ଆୟ ଏବଂ ବ୍ୟୟକୁ ନେଇ ପ୍ରଶ୍ନୋତ୍ତର । ଆୟଠୁ ବଢି ଯାଉଛି ବ୍ୟୟ । ଘାଟାରେ ଚାଲୁଛି OSRTC । ଦୁଇ ବର୍ଷରେ ୪୫ କୋଟି ୪୬ ଲକ୍ଷ ଟଙ୍କା କ୍ଷତି କଲାଣି OSRTC । ପରିବହନ ମନ୍ତ୍ରୀ ବିଭୂତି ଜେନା ଏନେଇ ବିଧାନସଭାରେ ଲିଖିତ ଉତ୍ତର ରଖିଛନ୍ତି ।
OSRTC ରେ ୨୦୨୨-୨୩ ଆର୍ଥିକ ବର୍ଷରେ ୧୮ କୋଟି ୮୩ ଲକ୍ଷ କ୍ଷତି ହୋଇଥିବା ବେଳେ ୨୦୨୩-୨୪ ରେ ୨୬ କୋଟି ୬୨ ଲକ୍ଷ ଟଙ୍କା କ୍ଷତି ହୋଇଛି । ୨୦୨୨-୨୩ ରେ ୧୪୫ କୋଟି ଟଙ୍କା ଆୟ ହୋଇଥିବା ବେଳେ ବ୍ୟୟ ହୋଇଛି ୧୬୪ କୋଟି ୧୨ ଲକ୍ଷ ଟଙ୍କା ହୋଇଛି । ସେହିଭଳି ୨୦୨୩-୨୪ ରେ ୧୫୬ କୋଟି ୪୩ ଲକ୍ଷ ଆୟ ହୋଇଥିବା ବେଳେ ବ୍ୟୟ ହୋଇଛି ୧୮୩ କୋଟି ୬ ଲକ୍ଷ ଟଙ୍କା । ତେବେ ପୂର୍ବ ବର୍ଷ ଅପେକ୍ଷା ଆୟ ବଢିଥିବା ବେଳେ ବ୍ୟୟ ବି ବଢ଼ିଛି । ବିଧାନସଭାରେ ଲିଖିତ ଉତ୍ତର ରଖିଲେ ପରିବହନ ମନ୍ତ୍ରୀ ବିଭୂତି ଜେନା ।
ସେହିଭଳି ରାଜ୍ୟରେ କେତୋଟି ରୁଟରେ କେତେ ସଂଖ୍ୟକ ବସ୍ ଚଳାଚଳ କରୁଛି ଏବଂ ବର୍ତ୍ତମାନ ସରକାରୀ ବସ୍ ଚଳାଚଳ ଦ୍ୱାରା ନିଗମରେ ଗତ ୨ ବର୍ଷ ମଧ୍ୟରେ ଆର୍ଥିକ ସ୍ଥିତି କଣ ରହିଛି ବୋଲି ପ୍ରଶ୍ନ କରିଥିଲେ କଂଗ୍ରେସ ବିଧାୟକ ତାରା ବାହିନୀପତି । ଏହାର ଲିଖିତ ଦେଇ ବିଭୂତି ଭୂଷଣ ଜେନା କହିଛନ୍ତି ଯେ, ଓଡ଼ିଶା ରାଜ୍ୟ ସଡ଼କ ପରିବହନ ନିଗମ ତରଫରୁ ୨୬୦ଟି ରୁଟରେ ୩୮୮ ସରକାରୀ ବସ ଚଳାଚଳ କରୁଅଛି । ବର୍ତ୍ତମାନ ବସ ଚଳାଚଳ ଦ୍ୱାରା ନିଗମରେ ଗତ ୨ ବର୍ଷ ମଧ୍ୟରେ ଆର୍ଥିକ ସ୍ଥିତିର ବର୍ଷୱାରୀ ବିବରଣୀ ପରିଶିଷ୍ଟ କରେ ସଂଲଗ୍ନ କରାଗଲା ।
