UP Minimum Wage Hike 2026: ୟୁପି ଶ୍ରମିକଙ୍କ ପାଇଁ ବଡ଼ ଉପହାର: ସର୍ବନିମ୍ନ ମଜୁରୀ ବଢ଼ାଇଲେ ଯୋଗୀ ସରକାର; ଜାଣନ୍ତୁ ଏବେ କେତେ ମିଳିବ ଦରମା

ଲକ୍ଷ୍ନୌ, ୧୮।୪: ଉତ୍ତରପ୍ରଦେଶର ଶ୍ରମିକମାନଙ୍କ ପାଇଁ ଏକ ବଡ଼ ଆଶ୍ୱସ୍ତିର ଖବର ସାମ୍ନାକୁ ଆସିଛି । ରାଜ୍ୟର ଯୋଗୀ ଆଦିତ୍ୟନାଥ ସରକାର ଶ୍ରମିକମାନଙ୍କ ସର୍ବନିମ୍ନ ମଜୁରୀ ହାରରେ ବ୍ୟାପକ ସଂଶୋଧନ କରିଛନ୍ତି । ନୋଏଡ଼ା ଏବଂ ଗ୍ରେଟର ନୋଏଡ଼ାରେ ଶ୍ରମିକମାନଙ୍କ ଦୀର୍ଘଦିନର ଆନ୍ଦୋଳନ ଓ ବିରୋଧ ପ୍ରଦର୍ଶନ ପରେ ସରକାର ଏହି ବଡ଼ ନିଷ୍ପତ୍ତି ନେଇଛନ୍ତି । ରାଜ୍ୟପାଳଙ୍କ ମୋହର ବାଜିବା ପରେ ନୂତନ ଦର ଲାଗୁ ନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି ।

ତିନୋଟି ଶ୍ରେଣୀରେ ବିଭକ୍ତ ହେଲା ମଜୁରୀ:

ଜୀବନଧାରଣର ବ୍ୟୟକୁ ଦୃଷ୍ଟିରେ ରଖି ୟୁପି ସରକାର ସମଗ୍ର ରାଜ୍ୟକୁ ତିନୋଟି ଶ୍ରେଣୀରେ ବିଭକ୍ତ କରିଛନ୍ତି । ଏହି ନୂତନ ମଜୁରୀ ହାରରେ ମୂଳ ଦରମା ସହିତ ପରିବର୍ତ୍ତନଶୀଳ ମହଙ୍ଗା ଭତ୍ତା (VDA) ମଧ୍ୟ ସାମିଲ ରହିଛି ।

କାହିଁକି ନିଆଗଲା ଏହି ନିଷ୍ପତ୍ତି ?

ସୂଚନାଯୋଗ୍ୟ ଯେ, ଗତ କିଛି ଦିନ ହେବ ନୋଏଡ଼ା ଏବଂ ଗ୍ରେଟର ନୋଏଡା ଅଞ୍ଚଳରେ ଶ୍ରମିକ ଓ ମାଲିକଙ୍କ ମଧ୍ୟରେ ଦରମା ବୃଦ୍ଧିକୁ ନେଇ ବିବାଦ ଦେଖାଦେଇଥିଲା । ଏହାକୁ ନିୟନ୍ତ୍ରଣ କରିବା ପାଇଁ ସରକାର ଏକ ଉଚ୍ଚସ୍ତରୀୟ କମିଟି ଗଠନ କରିଥିଲେ । ୨୦୧୯ ଏବଂ ୨୦୨୪ରେ ପ୍ରସ୍ତାବିତ ସଂଶୋଧନ ଲାଗୁ ହୋଇପାରିନଥିବାରୁ ଶ୍ରମିକମାନଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଥିଲା ।

ଶିଳ୍ପ ଜଗତରେ ସୁଧାର ଆସିବ:

ସରକାରଙ୍କ କହିବା ଅନୁସାରେ, ଏହି ନିଷ୍ପତ୍ତି ଦ୍ୱାରା କେବଳ ଶ୍ରମିକଙ୍କୁ ଆର୍ଥିକ ସହାୟତା ମିଳିବ ତାହା ନୁହେଁ, ବରଂ ଶିଳ୍ପ କ୍ଷେତ୍ରରେ ଶାନ୍ତି ବଜାୟ ରହିବ । ଦରମା ବୃଦ୍ଧି ହେବା ଫଳରେ ଶ୍ରମିକ ଓ ନିୟୋକ୍ତାଙ୍କ ମଧ୍ୟରେ ଥିବା ଗତିରୋଧ ଦୂର ହେବ ଏବଂ ରାଜ୍ୟର ଉତ୍ପାଦନ ଚକ୍ର ସୁଚାରୁରୂପେ ଚାଲିପାରିବ । ଉପଭୋକ୍ତା ମୂଲ୍ୟ ସୂଚକାଙ୍କ (Consumer Price Index) ଆଧାରରେ ଶ୍ରମିକଙ୍କୁ ଏହି ଅନ୍ତରୀଣ ସହାୟତା ପ୍ରଦାନ କରାଯାଇଛି, ଯାହା ସେମାନଙ୍କ ଜୀବନଶୈଳୀରେ ଉନ୍ନତି ଆଣିବାରେ ସହାୟକ ହେବ ।

ଆହୁରି ପଢ଼ନ୍ତୁ... ମହିଳା ସଂରକ୍ଷଣ ବିଲ୍ ଫେଲ୍ : ଆସିଲା ପ୍ରିୟଙ୍କାଙ୍କ ପ୍ରଥମ ପ୍ରତିକ୍ରିୟା