ପ୍ରମୁଖ ଖବର
  • ଭୁବନେଶ୍ୱରରେ ସିଲ୍‌ ହେଲା ୭ ବାର, ପୈଠ କରି ନଥିଲେ ଭଡ଼ା ଚୁକ୍ତିନାମା
  • ||
  • ମାର୍ଚ୍ଚ ୧୦ ଯାଏ ବଢ଼ିଲା ଇଗ୍ନୋ ନାମଲେଖା ଅବଧି, ସମସ୍ତ ତଥ୍ୟ ୱେବସାଇଟ୍‌ରେ ଉପଲବ୍ଧ
  • ||
  • ଶନିବାର ସତ୍‌ସଙ୍ଗ ବିହାର ଫୁଟ୍‌ ଓଭର ବ୍ରିଜ୍‌ ଲୋକାର୍ପଣ, ଉଦ୍‌ଘାଟନ୍ କରିବେ ସାଂସଦ ଅପରାଜିତ ଷଡ଼ଙ୍ଗୀ
  • ||
  • ୧୦୦ ଆସନରେ ବିଜେପି ପ୍ରାର୍ଥୀ ଚୂଡାନ୍ତ ! କଟିପାରେ ୭୦ ସାଂସଦଙ୍କ ଟିକେଟ, ନୂଆ ମୁହଁ ଓ ମହିଳାଙ୍କୁ ମିଳିପାରେ ସୁଯୋଗ
  • ||
  • ନିଳାଦ୍ରୀ ବିହାର ଏଟିଏମ୍‌ ଛକରେ ବୋମାମାଡ, ବିଳମ୍ବିତ ରାତି କାର୍‌କୁ ବୋମା ଫିଙ୍ଗି ଚମ୍ପଟ୍ ମାରିଲେ ୨ ଦୁର୍ବୃତ୍ତ
  • ||
  • ଏ ବର୍ଷ ଗ୍ରୀଷ୍ମ ଲହରୀ ଲମ୍ବିବ: ମାର୍ଚ୍ଚରୁ କଲବଲ କରିବ ଖରା, ଆକାଶରୁ ନିଆଁ ବର୍ଷିବ
  • ||

ଶ୍ରୀମନ୍ଦିରରେ ପାନ ଓ ଗୁଟ୍‌ଖା କଟକଣାକୁ ବେଖାତିର, ସିଂହଦ୍ୱାରରୁ ସାତ ପାହାଚ ପଡିଛି ପାନ ଛେପ

ପୁରୀ,୨୮/୧୧ ପାନ, ଗୁଟ୍‌ଖା ଆଦି ନିଶା ଦ୍ରବ୍ୟ ସେବନ କରି ଶ୍ରୀମନ୍ଦିର କେହି ବି ପ୍ରବେଶ କରି ପାରିବ ନାହିଁ । ୨୦୨୧ ଅଗଷ୍ଟ ୧ ତାରିଖରୁ ଶ୍ରୀମନ୍ଦିର ପ୍ରଶାସନ ଜାରି କରିଥିଲା ଏହି କଟକଣା । ଶ୍ରୀମନ୍ଦିର ପରିଚାଳନା କମିଟି ଏହି ନିଷ୍ପତ୍ତିକୁ ଅନୁମୋଦନ କରିଥିଲା । ଅଗଷ୍ଟ ୧ ତାରିଖରୁ ଏହି କଟକଣା ଲାଗୁ ହେଲା ବୋଲି ଶ୍ରୀମନ୍ଦିର ପ୍ରଶାସନ ନୋଟିସ ଜାରି କରିଥିଲା । ପାନ ଛେପ ତଥା ମାଦକ ଦ୍ରବ୍ୟ ସେବନ କରି ମନ୍ଦିର ପ୍ରବେଶ କଲେ ଏବଂ ପାନ ଛେପ ପକାଇଲେ ଜରିମନା ବ୍ୟବସ୍ଥା ହୋଇଥିଲା । ଏହି କଟକଣା ଲାଗୁ ହେବାର ଦୁଇ ମାସ ମଧ୍ୟରେ ଛଅ ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ମଧ୍ୟ ହୋଇଥିଲା । ଏହା ପରେ ବର୍ଷେ ଗଲାଣି ଆଉ କାର୍ଯ୍ୟାନୁଷ୍ଠାନ ହେଉନି ।

କଟକଣା ନଥିବାରୁ ସିଂହଦ୍ୱାରରୁ ସାତ ପାହାଚ, ଆନନ୍ଦବଜାର, ଚାରି ଦ୍ୱାର ପଛ ପଟ, ଭିତର ଗୁମୁଟ କୋଣ, ରୁପା ଦ୍ୱାର ପଛ ପଟ ଆଦି ସ୍ଥାନରେ ଅବାଧରେ ପାନ ଛେପ ପଡ଼ିଛି । ଭକ୍ତମାନେ ପାନ, ଗୁଟ୍‌ଖା ଆଦି ସେବନ କରି ଶ୍ରୀମନ୍ଦିରରେ ପ୍ରବେଶ କରୁଛନ୍ତି । ଏମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ତଥା ଧରପଗଡ଼ ନିମନ୍ତେ ୧୨ ଜଣିଆ ସ୍କ୍ୱାଡ୍‌ ଗଠନ ହୋଇଥିଲା । ଏବେ ଏହି ଟିମ୍‌ ଆଉ ନାହିଁ । ପାନଖିଆଙ୍କ ଉପରେ ନଜର ରଖିବାକୁ କର୍ମଚାରୀ ଅଭାବ ଦେଖା ଦେଇଛି । ଅତିରିକ୍ତ କର୍ମଚାରୀ ବା ଜେଟିପି ନିଯୁକ୍ତ ନ ହେବାରୁ ମନ୍ଦିର ଭିତର ପରିବେଶ ନଷ୍ଟ ହେବାରେ ଲାଗିଛି । ସେହିଭଳି ପାନ ତଥା ଛେପ ପଡୁଥିବା ସ୍ଥାନ, ବାଟରେ ଅବଢ଼ା ବିକ୍ରି ଉପରେ ନଜର ରଖିବାକୁ ମନ୍ଦିର ଭିତରେ ସିସିଟିଭି ଲଗାଇବା ଆଦି ପ୍ରସ୍ତାବ ମଧ୍ୟ ଝୁଲି ରହିଛି । କଟକଣାର ମହତ ଉଦ୍ଦେଶ୍ୟକୁ ସମସ୍ତେ ଭୁଲି ଯାଇଛନ୍ତି ।

ଶ୍ରୀମନ୍ଦିରର ବିଭିନ୍ନ ସ୍ଥାନ, ଆନନ୍ଦ ବଜାର ଭିତରେ ଏବଂ ବାଇଶି ପାହାଚରେ ଏହି କଟକଣା ସଂପର୍କରେ ସଚେତନତା ଅଭିଯାନ କରାଯାଇଥିଲା । ଜନସଚେତନତା ଅଭାବରୁ ଶ୍ରୀମନ୍ଦିରରେ ପାନ, ଗୁଟ୍‌ଖା ଆଦି ନିଶା ଦ୍ରବ୍ୟର ଅବାଧ ସେବନ ହେଉଥିବା ନେଇ ପୁରୀ ଜିଲ୍ଲାପାଳ ଗତ ବର୍ଷ ଅଗଷ୍ଟ ୨ ତାରିଖରେ ଅନୁଷ୍ଠିତ ଅଫିସର, ପୁଲିସ, ସେବାୟତଙ୍କ ମିଳିତ ବୈଠକରେ ପରାମର୍ଶ ଦେଇଥିଲେ । ସଭାରେ ଶ୍ରୀମନ୍ଦିର ସୁରକ୍ଷା ପ୍ରଶାସକ ଓ ପୁରୀ ଅତିରିକ୍ତ ଏସ୍‌ପି ପ୍ରମୁଖ ଉପସ୍ଥିତ ଥିଲେ । ପ୍ରଶାସନ ନିର୍ଦ୍ଦେଶ ଦେଇଥିଲା ପାନ, ଗୁଟ୍‌ଖା ଖାଇ ଶ୍ରୀମନ୍ଦିର ପ୍ରବେଶ କରିବା ଲୋକଙ୍କ ଠାରୁ ଶହେ ଟଙ୍କା ଲେଖାଏଁ ଜରିମାନା ଆଦାୟ ହେବ । ଶ୍ରୀମନ୍ଦିର ପ୍ରଶାସନ କଟକଣା ଲାଗୁ ହେବାର ପାଞ୍ଚ ଦିନ ପର୍ଯ୍ୟନ୍ତ ତନାଘନା କରିବା ପରେ ସମସ୍ତେ ଭୁଲି ଯାଇଛନ୍ତି ବୋଲି ସ୍କ୍ୱାଡ୍‌ର ଜଣେ କର୍ମଚାରୀ କହିଛନ୍ତି । ଏବେ ଶ୍ରୀମନ୍ଦିରର ବିଭିନ୍ନ କୋଣ, ପାହାଚ କଡ଼, ଆନନ୍ଦ ବଜାର, ଭିତର ବେଢ଼ା, ବାହାର ବେଢ଼ା, ରୋଷଘର ବାହାରେ ପଡ଼ିଛି ପାନ ଛେପ ।

ଶ୍ରୀମନ୍ଦିର ଭିତରେ ପାନ ଓ ଗୁଟଖା କଟକଣାକୁ କାର୍ଯ୍ୟକାରୀ କରିବାରେ ପ୍ରମୁଖ ଭୂମିକା ନେଉଥିବା ଶ୍ରୀଜଗନ୍ନାଥ ମନ୍ଦିର ପୁଲିସ (ଜେଟିପି) ଏବଂ ସିଂହଦ୍ୱାର ଥାନା ପୁଲିସ କର୍ମଚାରୀ ଏବେ ଶ୍ରୀମନ୍ଦିର ସୁରକ୍ଷା, ଯାତ୍ରୀ ପରିଚର୍ଯ୍ୟା ଆଦି ବ୍ୟତୀତ ପ୍ରଶାସନର ଘୋଷଣାକୁ ଆଉ ଗୁରୁତ୍ୱ ଦେଉନାହାନ୍ତି । କାରଣ ୧୭୫ ଜେଟିପିଙ୍କ ସ୍ଥାନରେ ମାତ୍ର ୮୬ ଜଣ ଜେଟିପି କାମ କରୁଛନ୍ତି । ଏମାନଙ୍କ ମଧ୍ୟରେ ୨୨ ଜଣ ଚର୍ଚ୍ଚା ସେବକ ଅଛନ୍ତି । ସେହିଭଳି ଭିଡିଓ ଭାଇରାଲ ଭଳି ଘଟଣାକୁ ରୋକିବାକୁ ଏବେ ପୁଲିସ ଫୋର୍ସ ତନାଘନା ଚଳାଇଛି । ପ୍ରତି ରାତିରେ ଏହି ପାନ ଛେପକୁ ସଫା କରିବା ଛଡ଼ା ପ୍ରଶାସନ ପାଇଁ ଅନ୍ୟ କିଛି ରାସ୍ତା ନାହିଁ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.