ନୂଆପଡ଼ା,୧୬।୬(ଆପ୍ର): ନୂଆପଡ଼ା ବ୍ଳକ ଖୁଟମନଭେରା ମଣ୍ଡିରୁ ଧାନ ମଣ୍ଡିରୁ ଧାନ ଉଠୁନଥିବା ଚାଷୀ ଅଭିଯୋଗ କରିଛନ୍ତି । ଏନେଇ ଆଜି ଚାଷୀମାନେ ସିଏସଓ ଅଫିସ ଘେରାଉ କରିଥିଲେ ।
ଖବର ମୁକାବକ, ଗତ ୧୦ ଦିନ ହେଲା ଖୁଟମନଭେରା ମଣ୍ଡିରେ ଧାନ ସଂଗ୍ରହରେ ଅଚଳାବସ୍ଥା ଜାରି ରହିଛି । ଏବେ ମଣ୍ଡିରେ ୫୦ରୁ ଉର୍ଦ୍ଧ ଚାଷୀଙ୍କ ପ୍ରାୟ ୧୫ ହଜାର ବସ୍ତା ଧାନ ପଡିଛି । ଏମିତିକି ମଣ୍ଡିରେ ମଇ ୨୧ରୁ ମିଳିଥିବା ଟୋକାନ ଚାଷୀଙ୍କ ଧାନ ବିକ୍ରି ହୋଇନଥିବା ଚାଷୀ ଅଭିଯୋଗ କରିଛନ୍ତି । ଏହାକୁ ନେଇ ଚାଷୀମାନେ ପ୍ୟାକ୍ସ କର୍ମଚାରୀଙ୍କୁ ବାରମ୍ବାର ଅବଗତ କରିଥିଲେ ବି କୌଣସି ସୁଫଳ ମିଲିନିଥିଲା ।
ଆଜି ଖୁଟମନଭେରା ମଣ୍ଡିରୁ ୩୦ରୁ ଅଧିକ ଚାଷୀ ଜିଲ୍ଲା ପ୍ରଶାସନ ର ଦ୍ୱାରସ୍ଥ ହୋଇଥିଲେ । ଜିଲାପାଳଙ୍କ ଅନୁପସ୍ଥିତରେ ଜିଲ୍ଲା ଯୋଗାଣ ଅଧିକାରୀ କାର୍ଯ୍ୟାଳୟ ଘେରାଉ କରିଥିଲେ । ଏସିଏସଓ ଥଣ୍ଡୁରାମ ନାଏକ ଚାଷୀଙ୍କୁ ବୁଝାସୁଝା କରିଥିଲେ । ଏହି ଖବର ପାଇ ଜିଲ୍ଲା ପରିଷଦ ସଭ ଭରତଲାଲ ରାଉତ, ବିଜେପି ଜିଲ୍ଲା ସଭାପତି କମଲେଶ ଦୀକ୍ଷିତ, ଯୁବ ମୋର୍ଚ୍ଚା ଜିଲ୍ଲା ସଭାପତି ଅଭିନନ୍ଦନ ପଣ୍ଡା, ମଣ୍ଡଳ ସଭାପତି ସଦାନନ୍ଦ ଯୋଶୀ, ଜିଲ୍ଲା ଆଦିବାସୀ କଲ୍ୟାଣ ସଂଘ ସାଧାରଣ ସମ୍ପାଦକ ଭକ୍ତବନ୍ଧୁ ଧରୁଆ ସିଏସଓ ଅଫିସରେ ପହଞ୍ଚିଥିଲେ । ସେଠି ମଣ୍ଡିକୁ ଦୁଇଟି ଟ୍ରକ ପଠାଇବାକୁ ପ୍ରତିଶ୍ରୁତି ଦେବାରୁ ଆନ୍ଦୋଳନ ପ୍ରତ୍ୟାହୃତ ହୋଇଥିଲା ।
