ନୂଆଦିଲ୍ଲୀ : ପାକିସ୍ତାନକୁ ଯେତେବେଳେ ବି ସୁଯୋଗ ମିଳେ, ସେ ଭାରତକୁ ନିନ୍ଦିତ କରିବାରେ କୌଣସି ସୁଯୋଗ ଛାଡ଼େ ନାହିଁ। ପାକିସ୍ତାନ ସମର୍ଥକ କର୍ମୀମାନେ ସୋସିଆଲ ମିଡିଆରେ ମିଛ ପ୍ରଚାର କରି ଚାଲିଛନ୍ତି। ଏହିପରି ଏକ ଗୁଜବ ପ୍ରଚାର କରାଯାଉଛି, ଯାହା କି ଗୁଜରାଟର ନାଲିଆ ଏୟାର ବେସରେ ଭାରତୀୟ ବାୟୁସେନାର ସ୍ୱଦେଶୀ ହାଲୁକା ଫାଇଟର ବିମାନ ଏଲସିଏ ତେଜସ ସହ ଜଡ଼ିତ ଏକ ଘଟଣା ଥିଲା।

ଉଲ୍ଲେଖନୀୟ ଯେ, ଚଳିତବର୍ଷ ୭ ଫେବ୍ରୁଆରୀ, ୨୦୨୬ରେ ରୁଟିନ ଟ୍ରେନିଂ ଉଡ଼ାଣ ବେଳେ ଭୂମି ଉପରେ ଭାରତୀୟ ବାୟୁସେନାର ତେଜସ Mk1 ବିମାନ ସହ ଏକ ଘଟଣା ଘଟିଥିଲା। ଏହି ଘଟଣାର ବିଭିନ୍ନ କାରଣ ଦିଆ ଯାଇଛି, ଯେପରିକି ରନୱେରୁ ଅଧିକ ଖସି ଯିବା, ଖାତ କିମ୍ବା କାଦୁଅରେ ଅବତରଣ କରିବା। ପାଇଲଟ ଜିରୋ-ଜିରୋ ମାର୍ଟିନ୍-ବେକର ସିଟ୍ ବ୍ୟବହାର କରି ସୁରକ୍ଷିତ ଭାବରେ ବିମାନରୁ ବାହାରି ଥିଲେ ଏବଂ ତାଙ୍କୁ ସାମାନ୍ୟ ଆଘାତ ଲାଗି ଥିଲା। କୌଣସି ଗୁରୁତର କ୍ଷତି କିମ୍ୱା ଜୀବନ ପ୍ରତି ବିପଦ ହୋଇ ନଥିଲା। ହେଲେ ଏହା ଦାବି କରାଯାଇ ଥିଲା ଯେ, ଯୁଦ୍ଧ ବିମାନଟି ବ୍ୟବହାର ଯୋଗ୍ୟ ହୋଇ ନଥିଲା। ବର୍ତ୍ତମାନ, ରିପୋର୍ଟ ଅନୁଯାୟୀ ତେଜସ୍ Mk1A ପାଇଁ ଇଞ୍ଜିନ ଆସୁଛି।

ତେଜସ : ଡିଜାଇନର ତ୍ରୁଟିକୁ ନେଇ ଗୁଜବ -

ତେଜସରେ ତ୍ରୁଟି ଥିବା ଖବରକୁ ଅନଲାଇନ ଓ ମିଡିଆରେ ଅନେକ ପ୍ରକାରର ଆଡମ୍ୱରପୂର୍ଣ୍ଣ ଭାବେ ବଢାଇ ଚଢାଇ ପ୍ରସାର କରାଯାଇଛି। କିଛି ମିଡିଆ ଆଉଟଲେଟ୍ସ ଏହାକୁ କ୍ରାସ୍ ଦର୍ଶାଇ କହିଛନ୍ତି ,ଏହି ଜେଟ୍ ଆଉ କାର୍ଯ୍ୟକ୍ଷମ ହେବ ନାହିଁ। ଡିଜାଇନର ଗୁରୁତର ତ୍ରୁଟି ଯୋଗୁଁ ପୂରା ଜେଟ ସମୂହକୁ ଗ୍ରାଉଣ୍ଡ କରିବାର ଖବର ଦିଆଯାଇଛି କିମ୍ୱା ନିଆଁ ଲାଗିବା ସମୟରେ ପାଇଲଟମାନେ ଇଜେକ୍ଟ କରିବା କଥା ମଧ୍ୟ କୁହାଯାଇଛି।

ପାକିସ୍ତାନୀ ବିଶେଷଜ୍ଞଙ୍କ ପ୍ରଚାର କାମ କରି ନଥିଲା-

ପାକିସ୍ତାନ ସ୍ତରୀୟ ବିଶେଷଜ୍ଞ ତେଜସକୁ ଅବିଶ୍ୱସନୀୟ ଦର୍ଶାଇ ପ୍ରୋଗାଗେଣ୍ଡା ପ୍ରସାର କରିବା ଓ ପାଇଲଟଙ୍କ ଦକ୍ଷତା କିମ୍ୱା ଦେଶରେ ନିର୍ମିତ ଇଞ୍ଜିନିୟରିଂ ଉପରେ ପ୍ରଶ୍ନ ଉଠାଇ ଥିଲେ। ସୋସିଆଲ ମିଡିଆରେ ପୂରା ଜେଟ୍ ସମୂହକୁ ଅନିଶ୍ଚିତ ସମୟ ପାଇଁ ଗ୍ରାଉଣ୍ଡ କରିବା , ମାର୍ଟିନ-ବେକରଙ୍କ ଦ୍ୱାରା କୌଣସି ଇଜେକ୍ସନର ସ୍ପଷ୍ଟ ନହେବା ଓ ସାମ୍ପ୍ରତିକ ବର୍ଷ ଗୁଡ଼ିକରେ ୩ୟ ବଡ଼ କ୍ଷତି ହୋଇଥିବା ବିଷୟରେ ଆଲୋଚନା ଚାଲିଲା।

ପ୍ରକୃତ କଥା ଆଉ କିଛି ଅଛି –

ନାଲିଆ ଏୟାରବେସରେ ତେଜସର ଘଟଣାକୁ ନେଇ ଅନେକ ଦିନ ପରେ ବିଭିନ୍ନ ରିପୋର୍ଟର ତଦନ୍ତରୁ ଏକ ସ୍ପଷ୍ଟ ଚିତ୍ର ସାମ୍ନାକୁ ଆସି ଥିଲା। ରନୱେରୁ ବାହାରିବା ପରେ ତେଜସ ଏୟାରକ୍ରାଫ୍ଟର ଏୟାରଫ୍ରେମର କ୍ଷତି ହୋଇଛି। ଏହା ସଫ୍ଟ ଲ୍ୟାଣ୍ଡରେ ଖସି ଯାଇଥିଲା, ଯେଉଁଥିରେ ଏହାର ଖୁବ୍ କ୍ଷତି ହୋଇଥିଲା। ମରାମତି ଖର୍ଚ୍ଚ ଏବଂ ସମ୍ଭାବ୍ୟ ଚୂଡ଼ାନ୍ତ ମୂଲ୍ୟାଙ୍କନ ଏପର୍ଯ୍ୟନ୍ତ ବାକି ଥିବାରୁ ଏହାକୁ 'ରାଇଟ୍-ଅଫ୍' (ମରାମତି ପାଇଁ ଉପଯୁକ୍ତ ନୁହେଁ) ଘୋଷଣା କରିବାକୁ ପଡ଼ିପାରେ।

ଏହା ଏକ ଛୋଟ ଭୂମିଗତ ଘଟଣା ଥିଲା କହିଛି HAL -

ତେଜସର ନିର୍ମାତା ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ୍ (HAL) SEBI ଏବଂ ସୋସିଆଲ ମିଡିଆରେ ଏକ ବିବୃତ୍ତି ଜାରି କରି ଏହାକୁ "ଛୋଟ ଭୂମି ବୈଷୟିକ ଘଟଣା" ବୋଲି କହିଛି। ଏହା ମଧ୍ୟ କହିଛି ଯେ,କୌଣସି ଦୁର୍ଘଟଣା କିମ୍ବା ବଡ଼ ଦୁର୍ଘଟଣା ହୋଇ ନାହିଁ ଏବଂ ସମସାମୟିକ ଯୁଦ୍ଧ ବିମାନ ମଧ୍ୟରେ ତେଜସର ଦୃଢ଼ ସୁରକ୍ଷା ରେକର୍ଡକୁ ରକ୍ଷା କରିଛି। ଭାରତୀୟ ବାୟୁସେନା ମୁଖ୍ୟତଃ ତାମିଲନାଡୁର ସୁଲୁର ଏବଂ ଗୁଜରାଟର ନାଲିଆ ଏୟାରବେସରେ ତେଜସ୍ ବିମାନ ମୁତୟନ କରିଛି।ଏହା ବ୍ୟତୀତ, ଏହାର ଉନ୍ନତ ସଂସ୍କରଣ, ତେଜସ୍ Mk-1A, ରାଜସ୍ଥାନର ନାଲ୍ ଏୟାରବେସ (ବିକାନେର) ଏବଂ ପାକିସ୍ତାନ ସୀମା ନିକଟସ୍ଥ ଫାଲୋଡି ଏୟାରବେସରେ ମୁତୟନ କରିବାକୁ ପ୍ରସ୍ତାବ ଦିଆଯାଇଛି।

ତେଜସ୍ ବିଶେଷ ଭାବରେ ପାକିସ୍ତାନ ଭଳି ଶତ୍ରୁପାଇଁ ଡିଜାଇନ୍ କରାଯାଇଛି, ଯାହା କ୍ଷୁଦ୍ର ଦୂରଗାମୀ ଏବଂ ସଠିକ୍ ଆକ୍ରମଣ କ୍ଷମତା ପ୍ରଦାନ କରେ।ଏହା ପର୍ବତ ଉପରେ କମ୍ଉଚ୍ଚତାରେ ଉଡ଼ାଣ ଭରିବା ସହ ଶତ୍ରୁର ଲକ୍ଷ୍ୟସ୍ଥଳକୁ ଧ୍ୱଂସ କରିବା ପାଇଁ ସଠିକ୍ କୌଶଳ ପ୍ରଦର୍ଶନ କରିପାରିବ।

ଆହୁରି ମଧ୍ୟ ପଢନ୍ତୁ - Ukraine Attack: "ବହୁତ ହେଲା, ଏବେ ପ୍ରତିଶୋଧ ଦରକାର" କଳା ସାଗରରେ ଭାରତୀୟଙ୍କ ମୃତ୍ୟୁ ପରେ ଗର୍ଜିଲେ ପୂର୍ବତନ ସେନା ଅଧିକାରୀ !