ମୁମ୍ବାଇ,୨/୪ : ପାକିସ୍ତାନ ସୁପର ଲିଗ୍ ୨୦୨୬ କୌଣସି ନା କୌଣସି କଥାକୁ ନେଇ ଚର୍ଚ୍ଚା ଜାରି ରହିଛି । ଏବେ ଟୁର୍ଣ୍ଣାମେଣ୍ଟର ଏକ ମ୍ୟାଚରୁ ସାମ୍ନାକୁ ଆସିଥିବା ଭିଡ଼ିଓ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି । ପ୍ରକାଶ ଯେ, ଟୁର୍ଣ୍ଣାମେଣ୍ଟ ମଧ୍ୟରେ ପୁଣି ଥରେ ଲାଇଭ୍ ଟିଭିରେ ସିଗାରେଟର ଝଲକ ଦେଖାଯାଇଛି । ଆସନ୍ତୁ ଜାଣିବା କି ଏଥର ପିଏସଏଲ ଏବଂ ସିଗାରେଟ୍ ମଧ୍ୟରେ କ’ଣ ରହିଛି ବିବାଦ ।
ସାମ୍ନାକୁ ଆସିଥିବା ଭିଡ଼ିଓରେ ଦେଖାଯାଉଛି କି ଜଣେ ବ୍ୟକ୍ତି ଷ୍ଟାଣ୍ଡ୍ସରେ ବସି ସିଗାରେଟ୍ ଟାଣୁଛନ୍ତି । ଯେଭଳି କ୍ୟାମେରା ଉକ୍ତ ବ୍ୟକ୍ତିଙ୍କ ଉପରକୁ ଯାଉଛି ସେ ସମ୍ପୂର୍ଣ୍ଣ ଭାବେ ଛିଡ଼ା ହୋଇଯାଉଛନ୍ତି ଏବଂ ସେଠାରୁ ଉଠି ଯିବାକୁ ପ୍ରୟାସ କରିବାକୁ ଲାଗୁଛନ୍ତି । ଏହା ବ୍ୟତୀତ ସେ ସିଗାରେଟକୁ ବି ଲୁଚାଇବାକୁ ପ୍ରୟାସ କରୁଛନ୍ତି। କିନ୍ତୁ ସେତେବେଳେ ଭିଡ଼ିଓରେ ସବୁ କିଛି କଏଦ ହୋଇ ସାରିଥିଲା ।
ସିଗାରେଟ୍ ପିଉଥିବା ବ୍ୟକ୍ତିଙ୍କ ନାଁ ଏଜାଜ ବସୀମ ବଖରୀ କୁହାଯାଉଛି, ଯାହାଙ୍କୁ ପାକିସ୍ତାନର ଜଣେ ସାମ୍ବାଦିକ ବୋଲି କୁହାଯାଉଛି । ସିଗାରେଟ୍ ଭଳି ଜିନିଷର ଷ୍ଟାଡିୟମ ଭିତରକୁ ନେଇ ଯିବା ପାକିସ୍ତାନ କ୍ରିକେଟ ବୋର୍ଡ଼ ଉପରେ ଏବେ ପ୍ରଶ୍ନବାଚୀ ସୃଷ୍ଟି କରିଛି । ଏବେ ଦେଖିବାକୁ ବାକି ରହିଲା କି ପାକ୍ ବୋର୍ଡ଼ ଏହା ଉପରେ କ’ଣ ଆକ୍ସନ ନେଉଛି ।
