ନୂଆଦିଲ୍ଲୀ,୪/୨ : ପାକିସ୍ତାନ ୟୁଟ୍ୟୁବରଙ୍କ ଖୋଲା ଚେତାବନୀ । ଯାହା ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ସେ ଏକ ଭିଡ଼ିଓ ଜାରି କରି ICCକୁ ଟାର୍ଗେଟ କରିଛନ୍ତି । ପାକିସ୍ତାନ ସରକାରଙ୍କ ତରଫରୁ ଗତ ରବିବାର ଏହି କଥାର ଘୋଷଣା କରାଯାଇଥିଲା କି ତାଙ୍କ ଟିମ୍ ୨୦୨୬ ଟି-୨୦ ବିଶ୍ବକପ ଲାଗି ମୈଦାନରେ ଓହ୍ଲାଇବ । କିନ୍ତୁ ୧୫ଫେବୃଆରୀରେ ଭାରତ ବିପକ୍ଷରେ ଶ୍ରୀଲଙ୍କାରେ ହେବାକୁ ଥିବା ମ୍ୟାଚ୍ ଖେଳିବ ନାହିଁ । ଏହାପରେ ଏହି ମୁଦ୍ଦା ଚର୍ଚ୍ଚାରେ ରହିଛି । ଏବେ ପାକିସ୍ତାନ ୟୁଟ୍ୟୁବର ଏବଂ ଅଭିନେତା ଅରସଲାନ ନସୀର ବିବାଦିତ ବୟାନ ଦେଇ କହିଛନ୍ତି କି, ଯଦି ଆଇସିସିର ଅଫିସ ଭାରତରେ ହୋଇଥାନ୍ତା ତେବେ ବମରେ ଉଡ଼ାଇ ଦେଇଥାନ୍ତୁ । ଏହା ବ୍ୟତୀତ ପାକ୍ ୟୁଟ୍ୟୁବର ଆଇସିସି ଚେୟାରମ୍ୟାନ ଜୟ ଶାହଙ୍କ ବିରୁଦ୍ଧରେ ବି ନିଜର ଆକ୍ରୋଶ ବାହାର କରିଛନ୍ତି ।
ସୋସିଆଲ ମିଡ଼ିଆରେ ଭାଇରାଲ ହେଉଥିବା ଏକ ଭିଡ଼ିଓରେ ଅରସଲାନ କହିଛନ୍ତି କି, ନିଜ ଓକାତରେ ରୁହ । ଏହା ତୁମ ଲୋକଙ୍କ ଛୋଟିଆ ୨୫ଲୋକଙ୍କ ଅଫିସ ଅଟେ । ସେଠାରେ ବସି ୟୁଟ୍ୟୁବ ଦେଖ, ନେଟଫ୍ଲିକ୍ସ ଦେଖନ୍ତୁ । ଆଇସିସିର ଅଫିସ ଦୁବାଇରେ ଅଟେ, ଏଥିଲାଗି ସେଠାରେ ଭଲରେ ଅଛନ୍ତି । ଯଦି ଅଫିସ ଭାରତରେ ହୋଇଥାନ୍ତା, ତ ଆମ ଲୋକ ତା’ର ମୁଖ୍ୟ କ୍ବାର୍ଟର ଏବଂ ନିକଟରେ ଥିବା ଜାଗାକୁ ବମରେ ଉଡ଼ାଇ ଦେଇଥାନ୍ତେ ।
ଅଫିସକୁ ବମରେ ଉଡ଼ାଇବାକୁ ଧମକ ଦେବା ମଧ୍ୟରେ ଅରସଲାନ ଆଇସିସି ଚେୟାରମ୍ୟାନ ଜୟ ଶାହଙ୍କୁ ବି ଟାର୍ଗେଟ କରିଛନ୍ତି । ପାକ୍ ଅଭିନେତାଙ୍କ ଏହି ବିବାଦିୟ ବୟାନ ସୋସିଆଲ ମିଡ଼ିଆରେ ଦ୍ରୁତଗତିରେ ଭାଇରାଲ ହେବାରେ ଲାଗିଛି ।
