ନୂଆଦିଲ୍ଲୀ ୦୨/୦୨: ପ୍ରାୟ ସମସ୍ତେ ପାନ୍ କାର୍ଡ ବ୍ୟବହାର କରନ୍ତି। ବ୍ୟାଙ୍କ ଆକାଉଣ୍ଟ ଖୋଲିବା ଠାରୁ ଆରମ୍ଭ କରି ଅନ୍ୟାନ୍ୟ ଯୋଜନାର ଲାଭ ଉଠାଇବା ପର୍ଯ୍ୟନ୍ତ ପାନ୍ କାର୍ଡ ରହିବା ଆବଶ୍ୟକ। ଆର୍ଥିକ ପରିଚୟ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଭାବରେ ମଧ୍ୟ ବିବେଚନା କରାଯାଏ । ପାନ୍ କାର୍ଡ ମାଧ୍ୟମରେ ଆୟକର ବିଭାଗରୁ କୌଣସି ଆର୍ଥିକ ସୂଚନା ପାଇବା ସହଜ ହୋଇଥାଏ। ଆୟକର ବିଭାଗ ପ୍ୟାନ କାର୍ଡ ବ୍ୟବହାରକାରୀଙ୍କ ପାଇଁ ଏକ ସତର୍କ ସୂଚନା ଜାରି କରିଛି । ଯେଉଁଥିରେ କୁହାଯାଇଛି ଯେ କେଉଁ ପ୍ୟାନ କାର୍ଡଧାରୀଙ୍କୁ ୧୦,୦୦୦ ଟଙ୍କା ପର୍ଯ୍ୟନ୍ତ ଜରିମାନା ଲାଗିପାରେ।
ଆୟକର ବିଭାଗ ଦ୍ୱାରା ପ୍ୟାନ କାର୍ଡର ଅପବ୍ୟବହାର କିମ୍ବା ନିୟମ ପାଳନ କରୁନଥିବା ବ୍ୟକ୍ତିଙ୍କ ଉପରେ ଭାରି ଜରିମାନା ଲାଗୁ କରାଯାଇପାରେ। ପ୍ୟାନ କାର୍ଡରେ ଭୁଲ ନାମ, ଠିକଣା କିମ୍ବା ଅନ୍ୟାନ୍ୟ ସୂଚନା ପ୍ରଦାନ କରିବା ବ୍ୟତୀତ, ଯଦି ଆପଣ ପ୍ୟାନ କାର୍ଡକୁ ଭୁଲ ସ୍ଥାନରେ ବ୍ୟବହାର କରନ୍ତି। ଏହା ବ୍ୟତୀତ ପାନ କାର୍ଡକୁ ଆଧାର କାର୍ଡ ସହିତ ଲିଙ୍କ ନକରିବା ପାଇଁ ଜରିମାନା ମଧ୍ୟ ଲାଗୁ କରାଯାଇପାରେ।
ଜଣେ ବ୍ୟକ୍ତିଙ୍କ ପାଇଁ ଏକରୁ ଅଧିକ ପାନ୍ କାର୍ଡ ରହିବା ଏକ ଆଇନଗତ ଅପରାଧ ଏବଂ ଏଥିପାଇଁ ଦଣ୍ଡବିଧାନ ସହିତ ଜରିମାନା ବି ଅନ୍ତର୍ଭୁକ୍ତ । ତେଣୁ ଯଦି କେହି ଏକରୁ ଅଧିକ ପ୍ୟାନ କାର୍ଡ ରଖନ୍ତି ଧାରା ୨୭୨ବି ଅନୁଯାୟୀ, ସେହି ପ୍ୟାନ କାର୍ଡଧାରୀଙ୍କ ଉପରେ ଆୟକର ବିଭାଗ ଦ୍ୱାରା ୧୦,୦୦୦ରୁ ଅଧିକ ଜରିମାନା ଲାଗୁ କରାଯାଇଛି । ପ୍ରାୟତଃ ଦୁଇଟି ପାନ୍ କାର୍ଡ ସେତେବେଳେ ହୋଇଥାଏ, ଯେତେବେଳେ ଆପଣ ପୂର୍ବରୁ ଗୋଟିଏ ପାନ୍ କାର୍ଡ ପାଇଁ ଆବେଦନ କରିଥିବେ କିନ୍ତୁ ଅପଡେଟ୍ ନ ମିଳିବା ଯୋଗୁ ଆପଣ ପୁନର୍ବାର ଆବେଦନ କରନ୍ତି। ଏପରି ପରିସ୍ଥିତିରେ, ଆପଣ ଆୟକର ସହିତ ଯୋଗାଯୋଗ କରିପାରିବେ ଏବଂ ଗୋଟିଏ ପାନ୍ କାର୍ଡ ବନ୍ଦ କରିପାରିବେ।
ଏହା ବ୍ୟତୀତ ଯଦି ଆପଣ ପାନ୍ କାର୍ଡରେ ନାମ, ଠିକଣା କିମ୍ବା ଜନ୍ମ ତାରିଖ ପରି ଭୁଲ ସୂଚନା ଦେଇଥାନ୍ତି, ତେବେ ଆପଣଙ୍କ ପାଇଁ ସମସ୍ୟା ଉପୁଜିପାରେ । ଯଦି ସୂଚନା ଭୁଲ ଭାବରେ ଏଣ୍ଟର୍ ହୋଇଛି ତେବେ ଆପଣ ସଠିକ୍ ସୂଚନା ଏବଂ ଡକ୍ୟୁମେଣ୍ଟ୍ ସହିତ ପାନ୍ କାର୍ଡ ଅପଡେଟ୍ କରିପାରିବେ। ନଚେତ୍ ଆୟକର ଆପଣଙ୍କ ଉପରେ ଜରିମାନା ଲଗାଇପାରେ । ବିବାହ ପରେ ଉପନାମ ପରିବର୍ତ୍ତନ ହେଲେ ମଧ୍ୟ ପାନ୍ କାର୍ଡ ପରିବର୍ତ୍ତନ କରିବା ଜରୁରୀ।
