ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାପାନ ଗସ୍ତରେ । ଏହି ସମୟରେ ସେ କ୍ୱାଡ ଶିଖର ସମ୍ମିଳନୀରେ ଯୋଗ ଦେଇଛନ୍ତି । କ୍ୱାଡ ବୈଠକରେ ପିଏମ୍ ମୋଦିଙ୍କ ସହ ଆମେରିକାର ରାଷ୍ଟ୍ରପତି ଜୋ ବାଇଡେନ , ଜାପାନର ପ୍ରଧାନମନ୍ତ୍ରୀ ଫୁମିୟୋ କିଶିଦା ଓ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଏନ୍ଥନୀ ଅଲବନିଜ ଉପସ୍ଥିତ ଥିଲେ । ୪ଜଣ ନେତା ରୁଷ୍-ୟୁକ୍ରେନ ଯୁଦ୍ଧରୁ ନେଇ ସ୍ୱତନ୍ତ୍ର ହିନ୍ଦ୍-ପ୍ରଶାନ୍ତକୁ ନେଇ ଆଲୋଚନା କରିଛନ୍ତି । ଏବେ ଜାପାନରେ ଉଠାଯାଇ ଥିବା ପିଏମ୍ ମୋଦିଙ୍କ ଏକ ଫଟୋ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେଉଛି । ଏହି ଫଟୋରେ ପିଏମ୍ ମୋଦି ସିଡ଼ିରେ ତଳକୁ ଆସୁଛନ୍ତି । ଫଟୋରେ ଦେଖିବାକୁ ମିଳୁଛି କି ପିଏମ୍ ମୋଦି ଆଗରେ ଚାଲୁଛନ୍ତି , ଆଉ ଅନ୍ୟ ନେତା ବାଇଡେନଙ୍କ ସମେତ ଅନ୍ୟ ନେତାମାନେ ଯାଉଛନ୍ତି ।
ଫଟୋରେ ନଜର ଆସୁଛି , ପିଏମ୍ ମୋଦିଙ୍କର ଠିକ୍ ପଛରେ ଜାପାନର ପିଏମ୍ କିଶିଦା ଅଛନ୍ତି , ତାଙ୍କ ପଛରେ ଆମେରିକୀୟ ରାଷ୍ଟ୍ରପତି ବାଇଡେନ୍ ଓ ଅଷ୍ଟ୍ରେଲିଆର ପିଏମ୍ ଏନ୍ଥନୀ ଅଲବନିଜ ଅଛନ୍ତି । ଏହା ବ୍ୟତୀତ ପଛରେ ଅନେକ ଅଧିକାରୀ ସବୁ ନଜର ଆସୁଛନ୍ତି । ଫଟୋରେ ଦେଖିବାକୁ ମିଳୁଛି ଜାପାନ ପିଏମ୍ ପ୍ରଧାନମନ୍ତ୍ରୀ ମୋଦିଙ୍କୁ କିଛି କହୁଛନ୍ତି ଏବେ ଏହି ଫଟୋ ସୋସିଆଲ ମିଡ଼ିଆରେ ଭାଇରାଲ ସାଜିଛି ।
କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ପିଏମ୍ ମୋଦିଙ୍କ ଏହି ଫଟୋକୁ ଟ୍ୱିଟ୍ କରିଛନ୍ତି । ସେ ଫଟୋରେ ଟ୍ୱିଟ୍ କରି କହିଛନ୍ତି , ପ୍ରଧାନମନ୍ତ୍ରୀ ସେବକ – ନୋ ଦ ୱେ , ଗୋଜ୍ ଦ ୱେ, ଶୋ ଦ ୱେ । ଏହାର ଅର୍ଥ ପ୍ରଧାନସେବକ (ପ୍ରଧାନମନ୍ତ୍ରୀ ନରେନ୍ଦ୍ର ମୋଦି) ରାସ୍ତା ଜାଣିଛନ୍ତି । ସେ ଏହି ରାସ୍ତାରେ ଚାଲନ୍ତି ଏବଂ ରାସ୍ତା ଦେଖାନ୍ତି । ପିଏମ୍ଙ୍କର ଏହି ଫଟୋକୁ ବିଜେପି ନେତା ଅମିତ ମାଲଭୀୟ ମଧ୍ୟ ଟ୍ୱିଟ୍ କରିଛନ୍ତି , ସେ କହିଛନ୍ତି , ଲିଡିଂ ଦ ୱାର୍ଲଡ, ହଜାର ହଜାର ଶବ୍ଦର ସମକକ୍ଷ ଏକ ଫଟୋ । କେନ୍ଦ୍ର ମନ୍ତ୍ରୀ ଭୂପେନ୍ଦ୍ର ଯାଦବ ଫଟୋକୁ ଟ୍ୱିଟ୍ କରି କହିଛନ୍ତି , ବିଶ୍ୱ ଗୁରୁ ଭାରତ ... ଆଗରେ ନେତୃତ୍ୱ କରିଥାନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।